ព័ត៍មានទាន់​ហេតុការណ៏
Search

ឃាត់​ខ្លួន​មនុស្ស​៣​នាក់ ពាក់ព័ន្ធ​នឹង​ករណី​គ្រឿងញៀន​មួយ​កញ្ចប់​តូច

ឧត្ដរមានជ័យ ៖ កាលពី​ថ្ងៃទី​០២ ខែ​ធ្នូ ឆ្នាំ​២០១៩ វេលា​ម៉ោង​២២​និង​២០​នាទី កម្លាំង​ជំនាញ​ការិយា​ល័យ​ប្រឆាំង​គ្រឿងញៀន ចុះ​ល្បាត​ត្រង់​ចំណុច​ភូមិ​បុរី​រដ្ឋបាល សង្កាត់​សំរោង ក្រុង​សំរោង ខេត្ត​ឧ​ត្ត​រ​មានជ័យ បានឃើញ​មុខសញ្ញា​ចែកចាយ​ និង​ប្រើប្រាស់​គ្រឿងញៀន​ខុសច្បាប់ បង្ក្រាប​បាន​មួយ​ករណី ព្រមទាំង​ធ្វើការ​ឃាត់ខ្លួន​ជនសង្ស័យ​បាន​ចំនួន​០៣​នាក់ ស្រី​០១​នាក់​។​

​ជនសង្ស័យ​ដែល​ឃាត់ខ្លួន​រួមមាន ៖
ទី​១.ឈ្មោះ ញ៉ែម ធារ៉ា ភេទ​ប្រុស អាយុ​១៦​ឆ្នាំ រស់នៅ​ភូមិ​ឈូក សង្កាត់​សំរោង ក្រុង​សំរោង ខេត្ត​ឧ​ត្ត​រ​មានជ័យ។
ទី​២.ឈ្មោះ ជា ហេង ភេទ​ប្រុស អាយុ​២៥​ឆ្នាំ រស់នៅ​ភូមិ​បុរី​រដ្ឋបាល សង្កាត់​សំរោង ក្រុង​សំរោង ខេត្ត​ឧ​ត្ត​រ​មានជ័យ។
ទី​៣.ឈ្មោះ បុត្រ ស្រី​និ​ច ភេទ​ស្រី អាយុ​២០​ឆ្នាំ រស់នៅ​ភូមិ​បុរី​រដ្ឋបាល សង្កាត់​សំរោង ក្រុង​សំរោង ខេត្ត​ឧ​ត្ត​រ​មានជ័យ​។ រីឯ​វត្ថុតាង​ដកហូត​បាន​រួមមាន ប្រភេទ​ថ្នាំ មេ​តំ​ហ្វេ​តា​មីន ICE ចំនួន​០១​កញ្ចប់ ​និង​ទូរស័ព្ទ​០២​គ្រឿង។​

បច្ចុប្បន្ន ជនសង្ស័យ​ និង វត្ថតាង កំពុង​កសាង​សំណុំរឿង​តាម​នីតិ​វិធី​៕


​អត្ថបទ ៖ ​ចាន់ ធី​



ប្រសិនបើ លោក លោកស្រីចង់ចែករំលែកនូវព័ត៌មានទាន់ហេតុការណ៍ផ្សេងៗ សូមផ្ញើ អ៊ីម៉ែលមកកាន់អាសយដ្ឋានដូចដែលបានបង្ហាញខាងក្រោម។ សម្រាប់ការផ្សាយពាណិជ្ជកម្មលើគេហទំព័រនេះ សូមទំនាក់ទំនងតាមលេខទូរស័ព្ទៈ 012 454 575 និង 012 499 114