BREAKING NEWS
Search

ដួង ម៉ា​ណា រៀបមង្គលការ ដោយគ្មានការពិសាគ្រឿងស្រវឹង

​ភ្នំពេញ ​៖​ ក្រោយពី​សាង​សម្ព័ន្ធមេត្រីភាព​ស្នេហា​ជាមួយ​គូស្នេហ៍ ​វ័យ​ជាង​៣០​ឆ្នាំ ​រហូត​ឈានដល់​ការ​យល់​ចិត្តថ្លើម​គ្នា​អស់​រយៈកាល​ជាច្រើន​ឆ្នាំកន្លងមក​នេះ​ ពិធី​ការិនី​ ដួង ម៉ា​ណា បានសម្រេច​ចិត្ត​រៀបចំ​អាពាហ៍ពិពាហ៍​ជា​ផ្លូវការ​ហើយ​ កាលពី​ថ្ងៃទី​០៤ ខែ​មករា ឆ្នាំ​២០១៧​ ​ដោយ​អញ្ជើញ​ភ្ញៀវ​ចូលរួម​ប្រមាណ​៥០​តុ​។​



ពិធីជប់លៀង​មង្គលការ​របស់​តារា​ស្រី ដួង ម៉ា​ណា កាលពី​យប់មិញ ​បានរៀបចំ​ធ្វើឡើង​នៅ​ភោជ​នីយ​ដ្ឋាន សេ​វេន ឡាក់​គី​ប្រាយ ​សាខា​ទឹកថ្លា​។​

ប៉ុន្តែ​បើតាម​ការកត់សម្គាល់​នៅក្នុង​ទិដ្ឋភាព ​នៃ​ពិធីមង្គលការ​របស់ ដួង ម៉ា​ណា នេះដែរ​ គេ​សង្កេត​ឃើញ​មាន​មិត្ត​សិល្បករ​-​សិល្ប​ការិនី​ចូលរួម​តិចតួច​បំផុត​ ពោលគឺ​ខុសប្លែក​ពី​កម្មវិធី​របស់​តារា​ឯទៀត​ដែល​ធ្លាប់​មាន​តារា​សិល្បៈ​នាំគ្នា​សម្រុក​ចូលរួម​ច្រើន​នោះ​។​



ដោយឡែក​ បើ​ផ្អែក​តាម​ប្រភពពី​រង្វង់​អ្នកសិល្បៈ​មួយចំនួន​បាន​ចូលរួម​កម្មវិធី​មង្គលការ​របស់​តារា​ស្រី ដួង ម៉ា​ណា ដែល​ត្រូវជា​គូ​ជាមួយ​កូនប្រុស ​ឈ្មោះ ​មុទ ចាន់​ដាវី​ឌ ក៏បាន​បង្ហើប​ប្រាប់​ឲ្យ​ដឹង​ថា ​ក្នុង​ពិធីមង្គលការ​របស់​ពិធី​ការិនី ដួង ម៉ា​ណា ដែល​រៀបចំ​ធ្វើឡើង​កាលពី​យប់មិញ​នេះ ​បើ​មើល​តាម​ការបញ្ជាក់​នៅលើ​សំបុត្រ ​គឺជា​ពិធីមង្គលការ​ខុសប្លែក​ពី​គេ ​ព្រោះ​ពិធី​នេះ​មិន​មាន​ការ​ពិសា​គ្រឿង​ស្រវឹង​ឡើយ​។​



ស្របពេល​ជាមួយគ្នានេះ ​ពិធី​ការិនី​របស់​ស្ថានីយ​ទូរទស្សន៍​អប្សរា ​ប៉ុស្តិ៍​លេខ​១១ ដួង ម៉ា​ណា បាន​ថ្លែង​បញ្ជាក់​បន្ថែម​ថា រវាង​នាង​ និង​អនាគត​ស្វាមី ​លោក មុទ ចាន់​ដាវី​ឌ បាន​ស្គាល់​គ្នា​ជាង​៣​ឆ្នាំ​មក​ហើយ ទើប​ឈានដល់​ដំណាក់កាល​នេះ​តែម្ដង​។​

យ៉ាង​ណា​មិញ​ អ្នកនាង ដួង ម៉ា​ណា ក៏បាន​ប្រកាស​ពី​ជំហរ​ផ្ទាល់ខ្លួន​ថា ​ទោះបីជា​ពេលនេះ​នាង​បាន​បញ្ចប់​ភាព​នូវ​លីវ​ហើយក៏​ពិតមែន​ តែ​សម្រាប់​អាជីព​សិល្បៈ​របស់ខ្លួន ​គឺ​នៅតែ​បន្ត​ដដែល​ ពោលគឺ​គ្មាន​គម្រោង​ឈប់​ឡើយ ​ពិសេស​ត្រៀម​ពង្រឹង​សមត្ថភាព​បន្ថែម​ឲ្យ​ខ្លាំង​លើ​មុន​ទៀត​ផង​៕

 




ប្រសិនបើ លោក លោកស្រីចង់ចែករំលែកនូវព័ត៌មានទាន់ហេតុការណ៍ផ្សេងៗ សូមផ្ញើ អ៊ីម៉ែលមកកាន់អាសយដ្ឋានដូចដែលបានបង្ហាញខាងក្រោម។ សម្រាប់ការផ្សាយពាណិជ្ជកម្មលើគេហទំព័រនេះ សូមទំនាក់ទំនងតាមលេខទូរស័ព្ទៈ 012 454 575 និង 012 499 114