ព័ត៍មានទាន់​ហេតុការណ៏
Search

កក្រើក​កោះពេជ្រ! ទូរទស្សន៍​បាយ័ន​ រៀបចំ​ការ​ប្រគំ​តន្រ្ដី ​៣​ថ្ងៃជាប់​គ្នា​ក្នុង​ថ្ងៃ​អុំទូក

ស្ថានីយ​ទូរទស្សន៍​បាយ័ន​ បានរៀបចំ​ការ​​ប្រគំ​តន្ត្រី​ដ៏​ធំ​កក្រើក​ប្រចាំ​ឆ្នាំ ដើម្បី​អបអរសាទរ​ក្នុង​ព្រះ​រាជពិធីបុណ្យអុំទូក ​អកអំបុក ​បណ្ដែតប្រទីប និង​សំពះ​ព្រះ​ខែ នៅមុខ​បរិវេណ​មហោស្រព​កោះ​ពេជ្រ ចាប់ពី​ម៉ោង​៧:០០​នាទី​ល្ងាច​តទៅ​។ ព្រឹត្តិការណ៍​ប្រគំ​តន្ត្រី​នេះ ក៏មាន​ការផ្សាយ​បន្ត​ផ្ទាល់​លើ​កញ្ចក់​ទូរទស្សន៍​បាយ័ន​ផងដែរ។

ក្នុង​ព្រឹត្តិការណ៍​នេះ មាន​ស្តង់​ទំនិញ​រាប់រយ​មុខ​ ដែល​មកពី​បណ្ដា​ក្រុមហ៊ុន​ពាណិជ្ជកម្ម​ធំៗ​ជាច្រើន​បាន​និង​កំពុង​តាំង​លក់​ផលិត​របស់ខ្លួន​នៅ​ទល់មុខ​ព្រឹត្តិការណ៍​ការប្រគំ​តន្ត្រី​នេះដែរ​។ កាន់តែ​ពិសេស​នោះ​គឺ ផលិតផល​ជាច្រើន​មាន​ប្រូ​ម៉ូ​សិន​ពិសេសៗ​ដែល​មិន​ធ្លាប់មាន​ពីមុនមក ដែល​អ្នកចូលរួម​មិនគួរ​រំលង​នោះឡើយ​។ ក្រៅពី​ការតាំង​លក់​ផលិតផល យើង​សង្កេតឃើញ​មាន​មនុស្សម្នា​យ៉ាងច្រើន​កុះករ​តាន់តាប់​មក​ចូលរួម​ទស្សនា​ការប្រគំ​តន្ដ្រី និង​ដើរ​ទិញ​ទំនិញ​ ដែលមាន​តាម​ស្ដង់​នានា​ផងដែរ។

កម្មវិធី​ប្រគំ​តន្ត្រី​នេះ​ មានការ​ចូលរួម​ពី​ពិធីករ ពិធី​ការិនី​ល្បីៗ​ដែល​សុទ្ធសឹង​តែមាន​វោហារស័ព្ទ​មិនចេះ​រីង​ស្ងួត​ជាច្រើនរូប​ដូចជា លោក ជួប សុ​ភ័​ក្រ អ្នកនាង សុខ សោ​ម៉ា​វ​ត្តី លោក អៀង វិ​ច្ឆ័​យ កញ្ញា ហ៊ិ​ន ច័ន្ទ​និ​រ័ត្ន កញ្ញា ណា សា​ឌី និង​កញ្ញា កែវ ផ​ល្លិ​កា។ អ្វីដែល​រឹតតែ​ពិសេស​ទៀត គឺមាន​ការចូលរួម​សម្ដែង​ពី​តារាចម្រៀង​ល្បីៗ​ជួរមុខ​ក្នុង​ព្រះរាជាណាចក្រ​កម្ពុជា​ជាច្រើន​ដួង​រួមមាន លោក ខេមរៈ សិរីមន្ត កញ្ញា ពេជ្រ សោភា អ្នកនាង សុគន្ធ នីសា លោក ណុប បា​យ៉ា​រិ​ទ្ធិ លោក ឆាយ វីរៈ​យុទ្ធ លោក ឆន សុវណ្ណ​រាជ កញ្ញា រ៉េត ហ្សូ​ហ្សា​ណា កញ្ញា សុខ ពិសី លោក Step អ្នកនាង ម៉េង កែវ ពេ​ជ្ជ​តា លោក ណូយ វ៉ាន់ណេត រួមទាំង​តារា​​កិត្តិយស​ជាច្រើន​ដួង​ទៀត៕

កុំភ្លេចណា៎! ជួបគ្នានៅមុខមហោស្របកោះពេជ្រ ចាប់ពីម៉ោង ៦ ល្ងាចតទៅ



ប្រសិនបើ លោក លោកស្រីចង់ចែករំលែកនូវព័ត៌មានទាន់ហេតុការណ៍ផ្សេងៗ សូមផ្ញើ អ៊ីម៉ែលមកកាន់អាសយដ្ឋានដូចដែលបានបង្ហាញខាងក្រោម។ សម្រាប់ការផ្សាយពាណិជ្ជកម្មលើគេហទំព័រនេះ សូមទំនាក់ទំនងតាមលេខទូរស័ព្ទៈ 012 454 575 និង 012 499 114