អ្នកនាំពាក្យម្នាក់បាននិយាយកាលពីថ្ងៃសុក្រថា ហាងរបស់នាយកដ្ឋានជប៉ុនមួយបានលុបចោល “ស្លាកសញ្ញាមករដូវ” សម្រាប់និយោជិតដែលឱ្យមិត្តរួមការងារដឹងថាពួកគេកំពុងមករដូវ បន្ទាប់ពីគោលនយោបាយនេះ បានបង្កព្យុះភ្លៀងពេញអ៊ីនធឺណិត។
ហាងមួយក្នុងចំណោមហាងលក់រាយរបស់ Daimaru ភាគខាងលិចទីក្រុងអូសាកាបានចាប់ផ្តើមកម្មវិធីនេះកាលពីខែមុន ដោយទទួលយកគំនិតដែលបានស្នើឡើងដោយបុគ្គលិកជានារី។
ស្លាកសញ្ញាដែលបង្ហាញពីការស្ម័គ្រចិត្តនេះមានគោលបំណងដើម្បីជូនដំណឹងទៅដល់មិត្តរួមការងារចំពោះគំនិតដែលថាបុគ្គលិកដែលទទួលរងការឈឺចាប់ធ្ងន់ធ្ងរពេលមករដូវ ឬតម្រូវការផ្សេងៗទាក់ទងនឹងរយៈពេលនៃការមករដូវនេះ អាចនឹងត្រូវការសម្រាករយៈពេលយូរជាងអ្នកផ្សេង ឬត្រូវការជំនួយបន្ថែមសម្រាប់ការលើករបស់ធ្ងន់ៗ។
ប៉ុន្តែបន្ទាប់ពីប្រព័ន្ធផ្សព្វផ្សាយក្នុងស្រុកបានចុះផ្សាយអំពីគោលនយោបាយនេះ ក៏បានបង្កឱ្យជាមានការខឹងសម្បារជាខ្លាំងនៅលើ Twitter ដោយអតិថិជនជាច្រើនបានទូរស័ព្ទទៅហាងដើម្បីសួរនាំពីគុណសម្បត្តិនៃ “ផ្លាកមករដូវ” នេះ។
គំនិតនេះបានកើតឡើងនៅពេលដែលហាងទំនើបខាងលើបានរៀបចំបើកដំណើរការផ្នែកថ្មីសម្រាប់ផលិតផលដែលទាក់ទងទៅនឹងរឿងអនាម័យរបស់ស្ត្រីនៅលើកម្រាលឥដ្ឋមួយដែលសំដៅទៅដល់ Fashion របស់នារីក្មេងៗ។
ក្នុងអំឡុងពេលនៃការធ្វើផែនការរបស់ក្រុមហ៊ុន បុគ្គលិកបានពិភាក្សាគ្នាដោយបើកចំហអំពីបទពិសោធន៍នៃការមករដូវរបស់ពួកគេ និងវិធីដើម្បីកែលម្អបរិយាកាសការងារឡើងវិញ៕ AFP
