BREAKING NEWS
Search

ហេតុអ្វី​ស្មាតហ្វូនទាក់ទាញកុមារបានខ្លាំងជាងរបស់លេងដទៃ?

បច្ចុប្បន្ន​នេះ​ ស្មាតហ្វូន​គឺ​ជា​បច្ចេកវិទ្យា​មួយ​ដ៏​ទំនើប​ ដែល​មនុស្ស​ទូទៅ​ប្រើ​ប្រាស់​ជាប្រចាំ។ ប៉ុន្តែ​ទាំងអស់​គ្នា​មាន​ឆ្ងល់​អត់​ថា​ ហេតុអ្វី​កុមារ​តូចៗ​ចូលចិត្ត​ស្មាតហ្វូន​ជាង​អ្វី​ទាំងអស់។

នេះ​ជា​ហេតុផល​មួយ​ចំនួន​ដែល​ឪពុកម្ដាយ​គ្រប់រូប ​គួរ​សិក្សា​ស្វែងយល់​ពី​រឿង​នេះ​ ហើយ​កុំ​ចេះ​តែ​បន្ទោស​កូនៗ​ពី​បញ្ហា​នេះ។

ទារក​និង​ទូរស័ព្ទ

ពេល​ខ្លះ​អាច​មក​ពី​មនុស្ស​ធំ​នាំ​ឲ្យ​ក្មេង​លេង​ ដោយសារ​តែ​មិន​ចង់​ឲ្យ​ក្មេង​យំ​ឬ​រំខាន​ការងារ​ជា​ដើម។ ក្មេង​ខ្លះ​នៅ​​ក្មេង​មិន​ទាន់​បាន​ប៉ុន្មាន​ខែ​ផង ​ក៏​បង្រៀន​អំពី​ការ​ប្រើប្រាស់ іPаdѕ ឬ​លេង​ហ្គេម​ជា​ដើម។ ចំណែក​ឪពុកម្ដាយ​ខ្លះ​ទៀត​ខ្លាច​ថា​កូន​ខ្លួនឯង​មិន​ឆ្លាត​ មិន​ពូកែ​ដូច​កូន​អ្នក​ជិតខាង​ ទើប​ប្រឹងប្រែង​ឲ្យ​កូន​លេង​អ្វី​តាម​ដែល​កូន​ទាមទារ​ចង់​បាន។

ប៉ុន្តែ​មនុស្ស​ចាស់​ មិន​បាន​ដឹង​ថា​ ហានិភ័យ​នៃ​គ្រោះថ្នាក់​ទាំងនោះ​នឹង​កើតឡើង​ចំពោះ​ក្មេងៗ​ទាំង​នោះ​ឡើយ។

ការ​ចម្លង​តាម​មនុស្ស​ពេញវ័យ

ហេតុអ្វី​កុមារ​តូចៗ​ចូលចិត្ត​​ស្មាតហ្វូន​ជាង​ប្រដាប់ប្រដា​ក្មេង​លេង​ផ្សេង​ទៅ​វិញ? មិន​ចម្លែក​ ហើយ​​ក៏​ជា​រឿង​ធម្មតា ​និង​ជា​ទូទៅ​ទៅ​ហើយ។

​ទារក​ចាប់ផ្ដើម​ធ្វើ​តាម​ឪពុកម្ដាយ​ពួកគេ​ចាប់ពី​រយៈ​ពេល ១០ ខែ​ឡើង​ទៅ។ នេះ​គឺ​ជា​រឿង​ពិត​ដែល​ឪពុកម្ដាយ​គ្រប់គ្នា​មិន​បាន​ដឹង។

នៅ​ពេល​ដែល​មនុស្ស​ធំ​ធ្វើ​សកម្មភាព​ណាមួយ ​​ទារក​នឹង​ផ្ដើម​សង្កេត​មើល​ ហើយ​ចាប់​ចូល​ទៅ​ក្នុង​ខួរក្បាល​របស់​ពួកគេ​ជាប់​ជានិច្ច។

តួយ៉ាង​នៅ​ពេល​ដែល​ឪពុកម្ដាយ​ឬ​បងប្អូន​ក្នុង​គ្រួសារ​ មាន​ទម្លាប់​មិន​ល្អ​ណាមួយ​ដូចជា​ចូលចិត្ត​កាន់​ទូរស័ព្ទ​ពេល​ទទួលទាន​អាហារ ​ឬ​ម៉ោង​រៀន​សូត្រ​ ទារក​ឬ​កុមារ​និង​ចម្លង​សកម្មភាព​ទាំងនោះ​តាម​មនុស្ស​ពេញវ័យ​ដូចគ្នា។

តើ​ពពួក​ ស្មាតហ្វូន​ល្អ​សម្រាប់​កុមារ​ដែរ​ឬទេ?

តាមការពិត​ទៅ​ ស្មាតហ្វូន​មិន​អាក្រក់​ណាស់​ណា​ទេ ​តែ​ដែល​អាក្រក់​នោះ​គឺ​មនុស្ស​ធំ​តែង​ប្រគល់​ ស្មាតហ្វូន​ឲ្យ​កូន​ៗ​កាន់​ជាប់​រហូត។ នៅ​ពេល​ដែល​កុមារ​កាន់​ចាប់​កាន់​វត្ថុ​ទាំង​នោះ ​វា​នឹង​ក្លាយ​ជា​ទម្លាប់​ជា​ប្រចាំ ​ឬ​អាច​ហៅ​ម៉្យាង​ថា​ញៀន​នឹង​ទូរស័ព្ទ។

ស្មាតហ្វូន​ជា​អាវុធ​មុខ​ពីរ​ដូចជា​ថ្នាំ​ដែរ​ វា​ផ្ដល់​ផល​ល្អ​ដល់​មនុស្ស​និង​ផល​អាក្រក់​ដូចគ្នា។ ចូរ​ចងចាំ​ថា ​ក្នុង​នាម​ជា​ឪពុកម្ដាយ​គួរតែ​បង្រៀន​កូន​ៗ​ទាន់​គ្នា​នៅ​ក្មេង ​ឲ្យ​ចេះ​ប្រើប្រាស់​ពពួក​បច្ចេកវិទ្យា​ឲ្យ​បាន​ត្រឹមត្រូវ​ ទើប​មិន​មាន​ហានិភ័យ​ទៅ​ថ្ងៃ​អនាគត៕​

ចុចអាន៖ហេតុផល​ឪពុកម្ដាយ​មិន​គួរ​ចិញ្ចឹម​កូនស្រី​បែប​ស្រស់​ស្អាត​គ្មាន​កំហុស

ចុចអាន៖បើមិនចង់បង្កើតវិបត្តិផ្លូវចិត្ត​ឪពុកម្ដាយ​​មិន​គួរ​និយាយ​ពាក្យនេះទៅ​កាន់​កូនៗទេ

ប្រែសម្រួល៖ សាង ​ស្រីល័ក្ខ

ប្រភព៖lifehack