BREAKING NEWS
Search

៤ លំហាត់ប្រាណជួយរាងកាយទាំងមូលឲ្យរឹងមាំ អាចធ្វើនៅផ្ទះបាន

ទាំងនេះជាលំហាត់ប្រាណ ៤ ក្បាច់ដែលអាចធ្វើនៅក្នុងផ្ទះបានគ្រប់ៗគ្នា ដើម្បីជួយរាងកាយទាំងមូលឲ្យមានសុខភាពល្អរឹងមាំ។

១. អង្គុយចោងហោង (Squat)

លំហាត់ប្រាណប្រភេទនេះធ្វើចលនាសឹងគ្រប់សាច់ដុំលើរាងកាយ ជាពិសេសសាច់ដុំត្រកៀក និងជើង។

វិធីហាត់៖ ឈរកន្ធែកជើងបន្តិច ត្រកៀកត្រង់លើជង្គង់ ហើយជង្គង់ត្រង់នៅពីលើកជើង។ លាដៃឲ្យត្រង់ស្មើនឹងដី បាតដៃផ្កាប់ចុះ។ នៅពេលបន្ទន់ត្រកៀក ត្រូវរក្សាទ្រូង និងស្មាឈរឲ្យត្រង់ ហើយបន្ទាប់មកងើបឈរត្រង់វិញ។ ក្បាលឲ្យត្រង់បែរទៅមុខ ភ្នែកឲ្យត្រង់ទៅមុខ ដើម្បីរក្សាលំនឹងឆ្អឹងខ្នង។ អង្គុយចោងហោងរហូតដល់ត្រកៀកធ្លាក់ចុះទាបជាងជង្គង់ រក្សាលំនឹងដោយរក្សាទម្ងន់ ហើយងើបឈរវិញ។

២. អាវ៉ង់ (Push up)

Full body shot of shirtless man doing push-ups

អាវ៉ង់ ជាលំហាត់ពេញមួយរាងកាយ និងតម្រូវឲ្យប្រើសាច់ដុំច្រើនកន្លែង។

វិធីហាត់៖ ដេកផ្កាប់មុខទៅនឹងដី ដាក់ប្រអប់ដៃទៅលើដី ចម្ងាយពីដៃម្ខាង ទៅម្ខាង ប្រហាក់ប្រហែលនឹងចម្ងាយស្មាម្ខាងទៅម្ខាងដែរ ប្រអប់ជើងឆ្ងាយពីគ្នាបន្តិច ងើបខ្លួនដោយប្រើដៃ ពីក្បាលដល់កែងជើងត្រូវឲ្យស្មើ ប្រឹងក្បាលពោះដើម្បីកុំឲ្យចង្កេះធ្លាក់។

៣. ខ្លួនផ្ងារដោយដៃជើងទាំង ៤ ទ្រទម្ងន់ខ្លួន (Triceps dip with reach)

លំហាត់មួយនេះជួយពង្រឹងសាច់ដុំដើមដៃ និងស្មា។

វិធីហាត់៖ អង្គុយនៅលើដី ឬក៏កម្រាលឲ្យជង្គង់កោងបន្តិច ដាក់ដៃទៅក្រោយឲ្យម្រាមបែរចំខ្លួន លើកគូទឡើងពីដីឬកម្រាលទ្រខ្លួនដោយដៃ និងជើង, បន្ទន់កែងដៃរហូតដល់គូទអ្នកប៉ះដី រួចងើបគូទឡើងមកវិញ។

៤. គេងផ្ងារលើកជង្គង់ និងដៃ (Hands and knees balance with crunch)

លំហាត់ប្រាណចុងក្រោយនេះជួយពង្រឹងតុល្យភាព និងសាច់ដុំក្បាលពោះ។

វិធីហាត់៖ គេងផ្ងារ ប្រអប់ដៃដាក់ទៅលើស្មើនឹងស្មាជង្គង់លើកមកស្មើនឹងត្រកៀក។ រក្សាខ្នងឲ្យត្រង់ ឈោងដៃស្តាំទៅរកជើងឆ្វេង លើកជង្គង់មកដាក់លើដើមទ្រូង ធ្វើយ៉ាងណាឲ្យកែងដៃប៉ះនឹងជង្គង់ ធ្វើដូច្នេះ១០ ដង រួចដូរដៃ និងជើង។

សម្គាល់៖ ធ្វើកាយវិការនៃលំហាត់ប្រាណទាំងនេះ ១០-១២ ដង ដោយធ្វើលំហាត់នីមួយៗឡើងវិញឲ្យបាន ៤ ដងរយៈពេល ២០ នាទី៕

ប្រែសម្រួល៖ សន្យា

ប្រភព៖ Prevention

ចុចអាន៖  សម្រកទម្ងន់​ដោយមិនចាំបាច់ហាត់ប្រាណ តាមពិតមានវិធីមែនទេតើ

ចុចអាន៖  ស្រីៗកំភួនជើងធំ មានវិធីកែកុនឲ្យស្រឡូនបាន