ព័ត៌មានអន្ដរជាតិ
ប្រទេសជាង ២០ ដាក់ពាក្យសុំចូលរួមជាមួយប្លុកដែលមាន រុស្ស៊ី និងចិន
ប្រទេសជាង ២០ បានដាក់ពាក្យសុំជាផ្លូវការដើម្បីចូលរួមជាមួយប្លុក BRICS ជាក្រុមប្រទេសមានសេដ្ឋកិច្ចកំពុងរីកចម្រើនដែលរួមមាន ប្រេស៊ីល រុស្ស៊ី ឥណ្ឌា ចិន និងអាហ្វ្រិកខាងត្បូង ។
ប្រធានាធិបតីអាហ្រ្វិកខាងត្បូងលោក Cyril Ramaphosa បាននិយាយក្នុងសុន្ទរកថាតាមទូរទស្សន៍កាលពីយប់ថ្ងៃអាទិត្យថា ប្រទេសជាង ២០ នោះបានដាក់ពាក្យចង់ចូលរួមជាមួយប្លុកមួយនេះ ដោយសារតែចង់កសាងភាពជាដៃគូរវាង BRICS និងអាហ្វ្រិក ដើម្បីឲ្យទ្វីបអាចបើកឱកាសសម្រាប់ការបង្កើនពាណិជ្ជកម្ម ការវិនិយោគ និងការអភិវឌ្ឍន៍ហេដ្ឋារចនាសម្ព័ន្ធ ។
លោក Ramaphosa បាននិយាយថា ក្រៅពីប្រទេសជាសមាជិក ក្នុងនោះប្រមុខរដ្ឋ និងរដ្ឋាភិបាលជាង ៣០ មកពីទូទាំងទ្វីបអាហ្រ្វិកក៏នឹងចូលរួមកិច្ចប្រជុំកំពូលនេះផងដែរ ខណៈមេដឹកនាំទាំងនោះមកពីតំបន់ការាបៀន អាមេរិកខាងត្បូង មជ្ឈិមបូព៌ា អាស៊ីខាងលិច អាស៊ីខាងត្បូង និងអាស៊ីអាគ្នេយ៍ ។
អាហ្រ្វិកខាងត្បូងនឹងធ្វើជាម្ចាស់ផ្ទះនៃកិច្ចប្រជុំកំពូល BRICS លើកទី១៥ នៅទីក្រុង Johannesburg ដែលនឹងមានការចូលរួមពីលោកប្រធានាធិបតីប្រេស៊ីល Luiz Inacio Lula da Silva, ប្រធានាធិបតីចិន Xi Jinping និងនាយករដ្ឋមន្ត្រីឥណ្ឌា Narendra Modi ខណៈប្រធានាធិបតីរុស្ស៊ី Vladimir Putin នឹងជំនួសដោយលោករដ្ឋមន្ត្រីការបរទេស Sergey Lavrov ។
កាលពីខែមីនា តុលាការឧក្រិដ្ឋកម្មអន្តរជាតិ (ICC) បានចេញដីកាចាប់ខ្លួនលោក Putin ដើម្បីរារាំងប្រធានាធិបតីរុស្ស៊ីរូបនេះមិនឲ្យធ្វើដំណើរទៅចូលរួមកិច្ចប្រជុំកំពូល BRICS ដែលគ្រោងនឹងធ្វើឡើង ចាប់ពីថ្ងៃទី២២ ដល់ថ្ងៃទី២៤ ខែសីហា ស្របពេលដែលអាហ្រ្វិកខាងត្បូង គឺជាប្រទេសហត្ថលេខីនៃលក្ខន្តិកៈទីក្រុងរ៉ូមរបស់តុលា ៕
ប្រែសម្រួលដោយ ៖ ជីវ័ន្ត
ប្រភព ៖ Anadolu
ចុចអាន ៖ ប្រទេសអឺរ៉ុបចំនួន ២ សម្រេចផ្ដល់យន្តហោះចម្បាំង F-16 ដល់ អ៊ុយក្រែន
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២៣ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង