ព័ត៌មានអន្ដរជាតិ
អាមេរិក ព្រមានអ៊ីស្រាអែល ជាសាធារណៈ កុំលុកលុយទីក្រុង Rafah ឲ្យសោះ
សហរដ្ឋអាមេរិក បានព្រមានអ៊ីស្រាអែលខ្លាំងៗជាសាធារណៈ ប្រឆាំងនឹងការលុកលុយទីក្រុង Rafah ដោយនិយាយថា កុំវាយលុកឲ្យសោះ! ប្រតិបត្តិការជើងគោកនៅទីនោះ នឹងបណ្តាលឲ្យមានវិបត្តិមនុស្សធម៌កាន់តែធ្ងន់ធ្ងរ។ នេះបើតាមសេចក្តីរាយការណ៍របស់ Reuters។
ទីប្រឹក្សាសន្តិសុខជាតិអាមេរិក លោក Jake Sullivan បានប្រាប់អ្នកយកព័ត៌មានកាលពីថ្ងៃចន្ទទី១៨ខែមីនាថា ត្បិតប្រធានាធិបតីអាមេរិក Joe Biden នៅតែប្តេជ្ញាចិត្ត ចំពោះគោលដៅកម្ចាត់ក្រុមហាម៉ាសក៏ពិតមែន ប៉ុន្តែលោកក៏បានទាក់ទងទៅនាយករដ្ឋមន្ត្រីអ៊ីស្រាអែល Benjamin Netanyahu ដែរថា ការវាយប្រហារដ៏ធំណាមួយនៅ Rafah នឹងក្លាយជា “កំហុស”។
លោក Sullivan និយាយថា “រឿងបែបនោះ នឹងបណ្តាលឲ្យជនស៊ីវិលស្លូតត្រង់ ស្លាប់កាន់តែច្រើន, បង្កជាវិបត្តិមនុស្សធម៌កាន់តែធ្ងន់ធ្ងរ, ធ្វើឲ្យភាពអនាធិបតេយ្យនៅក្នុងតំបន់ហ្គាហ្សាកាន់តែអាក្រក់ និងនាំឲ្យអ៊ីស្រាអែលកាន់តែឯកោជាអន្តរជាតិបន្ថែមទៀត”។
ស្របពេលជាមួយគ្នានោះដែរ ក្នុងការនិយាយទូរស័ព្ទរវាងលោក Biden និង Netanyahu, ប្រធានាធិបតីអាមេរិក បានស្នើឲ្យនាយករដ្ឋមន្ត្រីអ៊ីស្រាអែល បញ្ជូនក្រុមស៊ើបការណ៍សម្ងាត់និងមន្ត្រីយោធា ទៅទីក្រុងវ៉ាស៊ីនតោន ឌីស៊ី ដើម្បីស្តាប់ក្តីកង្វល់ពាក់ព័ន្ធការលុកលុយនៅ Rafah។
ពេញមួយសង្រ្គាម អ៊ីស្រាអែលបានបញ្ជាឲ្យជនស៊ីវិលប៉ាឡេស្ទីននៅហ្គាហ្សា ត្រូវជម្លៀសទៅភាគខាងត្បូង ពេលដែលខ្លួនវាយលុកនៅភាគខាងជើង។ ដំបូងឡើយ ពលរដ្ឋរាប់ម៉ឺននាក់ បានភៀសទៅភាគកណ្តាលតំបន់នេះ ហើយបន្ទាប់មកក៏បន្តទៅទីក្រុង Khan Younis នាភាគខាងត្បូង ហើយទីបំផុត ពួកគេត្រូវបង្ខំចិត្តភៀសខ្លួនម្តងទៀតទៅកាន់ទីក្រុង Rafah ដែលស្ថិតនៅជាប់ព្រំដែនអេហ្ស៊ីប។
ក្នុងរយៈពេលប្រាំខែកន្លងមកនេះ ចំនួនប្រជាជនរបស់ Rafah បានកើនឡើងដល់ជាង១.៥លាននាក់ទៅហើយ ពោលគឺកើនឡើងពីប្រហែល ៣០០ ០០០នាក់មុនពេលសង្គ្រាមផ្ទុះ។
យ៉ាងណា មួយលើកជាពីរលើក មេដឹកនាំអ៊ីស្រាអែលបានបង្ហាញចេតនា លុកលុយទីក្រុង Rafah ដែលបម្រើជាមជ្ឈមណ្ឌលដ៏សំខាន់ សម្រាប់ជំនួយមនុស្សធម៌ ចូលមកតាមព្រំដែនអេហ្ស៊ីប ប៉ុន្តែអ្នកជំនាញអង្គការសហប្រជាជាតិបានព្រមានពីគ្រោះទុរ្ភិក្សនៅក្នុងទឹកដីនេះ ហើយបណ្តាប្រទេសលោកខាងលិច រួមទាំងសម្ព័ន្ធមិត្តរបស់អ៊ីស្រាអែលនៅអឺរ៉ុបផងដែរនោះ បានព្រមានប្រទេសនេះ កុំឲ្យវាយលុកទីក្រុង Rafah ឲ្យសោះ។
សូមបញ្ជាក់ជាថ្មី យោធាអ៊ីស្រាអែល បានសម្លាប់ជនជាតិប៉ាឡេស្ទីនជាង ៣១ ០០០ នាក់ហើយនៅតំបន់ហ្គាហ្សា ចាប់តាំងពីផ្ទុះសង្គ្រាមថ្មីកាលពីថ្ងៃទី ៧ ខែតុលា បន្ទាប់ពីក្រុមហាម៉ាស បើកការវាយប្រហារដ៏សាហាវនៅភាគខាងត្បូងប្រទេសអ៊ីស្រាអែល ដោយបានសម្លាប់មនុស្សយ៉ាងតិច ១ ១០០ នាក់៕
អត្ថបទ៖ សុខ សុវណ្ណ
ចុចអាន៖ ក្រុមហេសបូឡា ប្រាប់ អ៊ីរ៉ង់ ថា ត្រឹម អ៊ីស្រាអែល ខ្លួនច្បាំងតែម្នាក់ឯងក៏បាន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៥ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ