កីឡាករ Olivier Giroud ស៊ុតបាល់ប៉េណាល់ទី ពេលដែលក្រុម Arsenal ឈ្នះក្រុម Chelsea ៤-១ នៅការស៊ុតបាល់ប៉េណាល់ទីកាត់សេចក្តី shootout ដើម្បីឈ្នះជើងឯក Community Shield នៅក្នុងទឹកដី Wembley កាលពីថ្ងៃអាទិត្យ។
ក្រោយក្រុមជើងឯក Premier League និងក្រុមជើងឯក FA Cup បានជាប់គាំងត្រឹមលទ្ធផល ១-១ បន្ទាប់ពីលេងបាន ៩០នាទី កីឡាករបារាំងម្នាក់នេះ បានពេនមួយជើងសម្រេច ក្រោយពេលដែលកីឡាករ Alvaro Morata និងកីឡាករ Thibaut Courtois ខកខានគ្រាប់បាល់សម្រាប់ក្រុម Chelsea ។
កីឡាករ Victor Moses របស់ក្រុម Chelsea ស៊ុតបាល់បើកឆាកការប្រកួត ពេលដែលគាត់ប៉ះបាល់កាត់អ្នកចាំទី នៅនាទី៤៦ មុនពេលដែលកីឡាករបម្រុង Sead Kalasinac របស់ក្រុម Arsenal តាមបានស្មើវិញនៅនាទី៨២ ។
កីឡាករ Pedro របស់ក្រុម Chelsea ត្រូវបានបណ្តេញចេញពីការប្រកួត ដោយសារតែកំហុសមកលើកីឡាករ Mohamed Elneny ជាហេតុនាំឲ្យក្រុម Arsenal មានឱកាសតាមបានស្មើវិញ ស្របពេលដែលក្រុមរបស់លោក Arsene Wenger ផ្តល់ឱកាសឲ្យកីឡាករទើបទិញបាន Alexandre Lacazette ចូលលេងការប្រកួតដំបូងរបស់ខ្លួនផងដែរ។
នៅក្នុងទឹកដី Wembley ក្រុម Arsenal ដែលបានលត់ក្រុម Chelsea កាលពីខែឧសភា ដើម្បីឈ្នះជើងឯក FA Cup បានចាប់ផ្តើមលេងដោយដាក់កីឡាករ Lacazette, Danny Welbeck និងកីឡាករ Alex Iwobi ឲ្យចូលលេង។
ខ្សែប្រយុទ្ធ ៣នាក់របស់ក្រុម Arsenal បានធ្វើឲ្យក្រុមជើងឯក Premier League មានបញ្ហាច្រើន ហើយនៅពាក់កណ្តាលទីក្នុងតង់ទី១ ខ្សែប្រយុទ្ធសញ្ជាតិបារាំង forward Lacazette បានមើលឃើញការស៊ុតបាល់កោងរបស់គាត់ផុតបង្គោលទីបន្តិចប៉ុណ្ណោះ៕
