ព័ត៍មានទាន់​ហេតុការណ៏
Search

ញ៉ែម សុគន្ធ ចូល​រោងការ​ផ្លូវការ​ជាមួយ​កូនក្រមុំ​វ័យក្មេង​ ខណៈ​កន្លងមក​ រង​ព័ត៌មាន​អាស្រូវ​ស្រលាញ់​ប្រុស​ដូចគ្នា

ភ្នំពេញ ​៖ ​ដូច​ ដែល​អ្វី​ជា​ការ​គ្រោង ​តារា​សម្ដែង​ប្រុស ​ធ្លាប់​មានឈ្មោះ​ល្បី ​និង​គ្រង​តំណែង​តួឯក​ស្ទើរ​គ្រប់​សាច់រឿង ​លោក ញ៉ែម សុគន្ធ នៅ​ទីបំផុត​បានសម្រេច​បញ្ចប់​ភាព​នៅ​លីវ​របស់​ខ្លួន​ ដោយ​ការ​រៀប​អាពាហ៍ពិពាហ៍​ជាមួយ​កូនក្រមុំ​វ័យក្មេង​ស្រស់​ស្អាត​ម្នាក់ ​នា​ព្រឹក​ថ្ងៃ​ទី​០១ ខែ​ធ្នូ ​ឆ្នាំ​២០១៨​នេះ​។​

គេ​ចាំ​បាន​ថា​ តារា​សម្ដែង​មាន​ប្រជាប្រិយភាព​ លោក ញ៉ែម សុគន្ធ កន្លងមក​ស្រ​បពេល ​ដែល​មាន​ដំណឹង​ នៃ​ការ​ភ្ជាប់​ពាក្យ​ជាមួយ​នារី​ដែល​ត្រូវជា​ភរិយា​ភ្លាមៗ​នោះ ​ក៏​ស្រាប់តែ​មានការ​ទម្លាយ​ព័ត៌មាន​នេះ​ជុំវិញ​ករណី​ដែល​តារា​ប្រុស​រូបនេះ ​បាន​លួចលាក់​សាង​សម្ពន្ធភាព​មេត្រី​ស្នេហា​ ផ្ទុយ​ពី​ច្បាប់​ធម្មតា​ជាតិ ​ជាមួយ​មនុស្ស​ប្រុស​ភេទ​ដូចគ្នា​។

ប៉ុន្តែ​យ៉ាងណាមិញ​ ដំណឹង​នោះ​ ត្រូវបាន​សាមីខ្លួន​ លោក ញ៉ែម សុគន្ធ ចេញមុខ​ច្រានចោល​ថា​ ជា​ការ​បង្ខូច​កិត្តិយស​ពី​សំណាក់​បុគ្គល​ដែល​ស្អប់​ខ្លួន​។​

ថ្វីត្បិតតែ​មាន​ដំណឹង​ នៃ​រឿងរ៉ាវ​អាស្រូវ​បែបនេះ​ក៏ពិតមែន ​តែ​ជីវិត​ស្នេហា​រវាង​ លោក ញ៉ែម សុគន្ធ និង​ភរិយា​ដែល​ទើប​ចូល​រោង​ជ័យ ​នា​ថ្ងៃទី​០១​ធ្នូ​នេះ ​នៅតែ​សម្រេច​ក្តី​បំណង​របស់​ខ្លួន ​ដោយ​មិន​ខ្វល់​និង​ព្យុះ​ភ្លៀង​ដែល​បោកបក់​លើ​ខ្លួន​នោះ​ឡើយ ​ពោល​គឺ​ ពួកគេ​បាន​ចូល​រោង​ជ័យ​ក្រាប​ក្បាល​ដល់ កន្ទេល​តាម​ផ្លូវ​ច្បាប់​។​ ដោយ​ក្នុងនោះ ​ក៏​មាន​ការចូលរួម​ពី​សំណាក់​ឪពុកម្ដាយ ​និង​សាច់ញាតិ មិត្តភ័ក្ដិ​ទាំងសងខាង​ផង​ដែរ។

សូម​បញ្ជាក់​ថា​ ពិធីជប់លៀង​មង្គលការ​របស់​តារា​ប្រុស ​លោក​ ញ៉ែម សុគន្ធ គឺ​បាន​ធ្វើឡើង​នៅ​មជ្ឈ​មណ្ឌល​កោះ​ពេជ្រ អគារ E ក្រោម​វត្តមាន​មេបា​ចាស់ទុំ​ទាំងសងខាង និង​តារា​ល្បីៗ​ ចូលរួម​យ៉ាង​ច្រើន​កុះករ​ផង​ដែរ។

មិនតែប៉ុណ្ណោះ​ គេ​ក៏​សង្កេត​ឃើញ​ការរៀបចំ​តុបតែង​ល្អ​យ៉ាង​ស្រស់ ស្អាត​ និង​ថែមទាំង​ធ្វើ​ឲ្យ​កូនក្រមុំ​-​កូនកំលោះ​បង្ហាញ​អារម្មណ៍​រំភើប​ញញឹម​បិទមាត់​មិន​ជិត​ទៀត​ផង។ នារី​ ដែល​ជា​គូស្នេហ៍​ និង​អនាគត​ភរិយា​របស់​ លោក ញ៉ែម សុគន្ធ ត្រូវ​បាន​គេ​ស្គាល់ ឈ្មោះ ងួន កែវ​មល្លិកា ខណៈ​នាង​ពុំ​មែន​ជា​បុគ្គល​ស្ថិត​ក្នុង​រង្វង់​អ្នក​សិល្បៈ​នោះ​ឡើយ​៕