ព័ត៍មានទាន់​ហេតុការណ៏
Search

តំណាង​របស់លោក Modi ត្រូវ​ប្រយុទ្ធ​នឹង​ការបោះឆ្នោត​រដ្ឋ​ដ៏​សំខាន់​របស់​ឥណ្ឌា

រដ្ឋ Rajasthan របស់​ប្រទេស​ឥណ្ឌា ​បាន​បោះឆ្នោត​កាលពី​ថ្ងៃ​សុក្រ​នៅក្នុង​ការបោះឆ្នោត​មួយ​ដែលជា​ការធ្វើ​តេស្ត​ដ៏​សំខាន់​សម្រាប់​លោកនាយក​រដ្ឋមន្ត្រី Narendra Modi ខណៈ​អ្នក​តំណាងអោយ​គណបក្ស​របស់គាត់​ត្រូវ​ប្រឈម​នឹង​ការប្រយុទ្ធ​ដ៏​ស្វិតស្វាញ​ដើម្បី​បន្ត​កាន់អំណាច​។​

ការបោះឆ្នោត​នៅក្នុង​រដ្ឋ​ភាគ​ខាងលិច​ដ៏​ល្បីល្បាញ​មាន​ប្រជាជន​៤៧​លាន​នាក់​មួយ​នេះ​គឺជា​ការបោះឆ្នោត​រដ្ឋ​មួយ​ក្នុងចំណោម​ការបោះឆ្នោតរ​ដ្ឋ​ចំនួន​៥​មុនពេល​លោក Modi ឈរឈ្មោះ​សម្រាប់​អាណត្តិ​ទី​២​នៅក្នុង​ការបោះឆ្នោត​ថ្នាក់ជាតិ​ឆ្នាំ​២០១៩​។​

លទ្ធផល​ពីរ​ដ្ឋ Rajasthan ក៏ដូចជា​រដ្ឋ Telangana បូក​រដ្ឋ Madhya Pradesh, Chhattisgarh និង Mizoram ផងដែរ​គឺ​នឹងត្រូវ​បានប្រកាស​នៅ​ថ្ងៃទី​១១​ខែធ្នូ​។​

ការឃ្លាំមើល​យ៉ាង​យកចិត្តទុកដាក់​បំផុត​គឺ​នឹង​ស្ថិតនៅលើ​រដ្ឋ​ភាគ​កណ្តាល Madhya Pradesh ដែលមាន​ប្រជាជន​ចំនួន​៧៣​លាន​នាក់​ដែលជា​កន្លែង​ការស្ទង់មតិ​បាន​បង្ហាញថា​គណបក្ស BJP របស់លោក Modi អាច​ទទួលរង​បរាជ័យ​យ៉ាងខ្លាំង​ក្រោយ​កាន់អំណាច​រយៈពេល​១៥​ឆ្នាំ​។​

ការប្រកួតប្រជែង​នេះ​ត្រូវបាន​គេ​មើលឃើញថា​ជាការ​តស៊ូ​សម្រាប់​ឆ្នាំ​២០១៩​ខណៈ​លោក Modi និង​គូប្រជែង​របស់គាត់​មក​ពី​គណបក្ស Congress ឈ្មោះ Rahul Gandhi កំពុង​ធ្វើ​យុទ្ធនាការ​ឃោសនាបោះឆ្នោត​យ៉ាងសកម្ម​។​

លោកស្រី Vasundhara Raje ប្រធាន​រដ្ឋមន្ត្រី​រដ្ឋ Rajasthan ដែល​តំណាងអោយ​គណបក្ស BJP របស់លោក Modi បានទទួល​អំណាច​ក្នុងការ​ឈ្មោះ​ឆ្នោត​ភ្លូកទឹកភ្លូកដី​កាលពី​ឆ្នាំ​២០១៣​។​

ប៉ុន្តែ​ប្រជាប្រិយភាព​របស់លោក​ស្រី​បាន​ថយចុះ​ដោយ​អ្នក​រិះគន់​បាន​ហៅ​នាង​ថា​ជា​ជន​ផ្តាច់ការ​និង​មិន​ខ្វាយខ្វល់​អំពី​ផលប្រយោជន៍​របស់​ប្រជាជន​សាមញ្ញ​។​

រដ្ឋាភិបាល​របស់លោក​ស្រី​ក៏ត្រូវ​បាន​គេ​រិះគន់​ផងដែរ​ចំពោះ​ការដោះស្រាយ​បញ្ហា​បាតុកម្ម​វណ្ណៈ​និង​ការមិន​បង្កើន​ការវិនិយោគ​និង​បង្កើត​ការងារ​។​

រដ្ឋ Rajasthan គឺជា​តំបន់​មួយ​ក្នុងចំណោម​តំបន់​មួយចំនួន​តូច​នៃ​ប្រទេស​ឥណ្ឌា​ដែល​គ្រួសារ​រាជវង្ស​ជាច្រើន​បាន​ផ្លាស់ប្តូរ​ទៅជា​នយោបាយ​ប្រជាធិបតេយ្យ​ដោយ​ជោគជ័យ​ចាប់តាំងពី​ឯករាជ្យ​របស់​ឥណ្ឌា​ក្នុង​ឆ្នាំ​១៩៤៧៕ AFP


TAG