សន្តិសុខសង្គម

នគរបាលកូរ៉េមកពិភាក្សាលើកិច្ចសហប្រតិបត្តិការបណ្ដុះបណ្ដាលការប្រឆាំងបទល្មើសបច្ចេកវិទ្យាជាមួយកម្ពុជា

បានផុស

៨ ខែ មុន

នៅ

ថ្ងៃអង្គារ ១៤ តុលា ២០២៥

ដោយ

ប្រធានបណ្ឌិត្យសភានគរបាលជាតិកម្ពុជា ឧត្ដមសេនីយ៍ឯក ឯក មនោសែន បានជួបពិភាក្សាជាមួយគណៈប្រតិភូបណ្ឌិត្យសភានគរបាលកណ្ដាលកូរ៉េខាងត្បូងនៅថ្ងៃទី១៤ ខែតុលា ឆ្នាំ២០២៥នេះ ដើម្បីធ្វើកិច្ចសហប្រតិបត្តិការរវាងសាលានគរបាលកម្ពុជា និងកូរ៉េ លើការបណ្ដុះបណ្ដាលការងារបង្ការនិងបង្ក្រាបប្រឆាំងបទល្មើសបច្ចេកវិទ្យា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជំនួបនេះធ្វើឡើងឡើងបណ្ឌិត្យសភានគរបាលកម្ពុជា បន្ទាប់ពីប្រធានប្រតិភូនគរបាលកូរ៉េខាងត្បូងលោក ណា សឹងឃ្យ៉ូន បានពិភាក្សាជាមួយប្រធានក្រុមប្រឹក្សាអភិវឌ្ឍន៍គ្រូនគរបាលជាតិកម្ពុជាលោក សៀង សុភី កាលពីថ្ងៃទី១៣ ខែតុលា ដើម្បីឈ្វេងយល់អំពីកម្មវិធីសិក្សាជំនាញប្រឆាំងបទល្មើសបច្ចេកវិទ្យា កម្រិតថ្នាក់បរិញ្ញាបត្រវិទ្យាសាស្ត្រនគរបាល និងកម្រិតបំប៉នជំនាញខ្លី ដែលបានបណ្ដុះបណ្ដាលនៅបណ្ឌិត្យសភានគរបាលកម្ពុជា ព្រមទាំងសិក្សាអំពីតម្រូវការបណ្ដុះបណ្ដាលគ្រូបង្រៀនលើមុខវិជ្ជាសំខាន់ៗចាំបាច់បន្ថែម ដើម្បីឆ្លើយតបនឹងការប្រយុទ្ធប្រឆាំងបទល្មើសបច្ចេកវិទ្យាស្របតាមស្តង់ដារអន្តរជាតិ។

ការជួបគ្នារវាងសភានគរបាលប្រទេសទាំងពីរគឺតែប៉ុន្មានថ្ងៃប៉ុណ្ណោះបន្ទាប់ពីករណីនៃការស្លាប់របស់ជនជាតិកូរ៉េខាងត្បូងម្នាក់ដោយអំពើទារុណកម្មធ្ងន់ធ្ងរដោយជនជាតិចិននៅកម្ពុជាត្រូវបានផ្សព្វផ្សាយដោយប្រព័ន្ធផ្សព្វផ្សាយកូរ៉េយ៉ាងផុលផុស។ កាលពីថ្ងៃទី១០ ខែតុលា អគ្គស្នងការដ្ឋាននគរបាលជាតិកម្ពុជា បានឱ្យដឹងថាករណីនៃកើតឡើងកាលពីខែសីហាកន្លងទៅ ខណៈនគរបាលកម្ពុជាបានឃាត់ខ្លួនបានជនជាតិចិនចំនួន៣នាក់បញ្ជូនទៅតុលាការ និងកំពុងតាមចាប់ខ្លួនជនជាតិចិន២នាក់ទៀតដែលកំពុងរត់គេចខ្លួន។

ប្រធានាធិបតីកូរ៉េខាងត្បូងលោក Lee Jae Myung

ក្រោយមានព័ត៌មាននេះរដ្ឋាភិបាលកូរ៉េបានចាត់វិធានការជាបន្តបន្ទាប់ ខណៈនៅថ្ងៃទី១៤ ខែតុលា ឆ្នាំ២០២៥នេះបានស្នើឱ្យមានរឹតបន្ដឹងការធ្វើដំណើរចេញចូលកម្ពុជា និងជំរុញការធ្វើកិច្ចសហប្រតិបត្តិការជាមួយកម្ពុជាក្នុងការធ្វើមាតុភូមិនិវត្តរបស់ពលរដ្ឋកូរ៉េឱ្យបានឆាប់ផងដែរ។ នេះបើតាមការចុះផ្សាយបស់សារព័ត៌មានកូរ៉េ The Chosun Daily។

នៅថ្ងៃទី១៤ ខែតុលានេះ រដ្ឋមន្ត្រីមហាផ្ទៃកម្ពុជាលោក ស សុខា ក៏បានដឹកនាំកិច្ចប្រជុំលើការងារយុទ្ធសាស្ត្រប្រឆាំងអំពើជួញដូរមនុស្សនៅកម្ពុជាផងដែរ ខណៈព័ត៌មានលំអិតនៃកិច្ចប្រជុំនេះនៅមិនទាន់ដឹងនៅឡើយទេ៕

អត្ថបទដោយ ហ៊ុន សិរីវឌ្ឍន៍

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា