កីឡា

កក្រើកខេត្តព្រះសីហនុ! ជើងឯកគុនខ្មែរពិភពលោកធ្វើ ៣ថ្ងៃ ប្រជុំដោយជើងខ្លាំងមកពី ៣៧ ប្រទេស

បានផុស

៧ ខែ មុន

នៅ

ថ្ងៃចន្ទ ២៤ វិច្ឆិកា ២០២៥

ដោយ

សហព័ន្ធគុនខ្មែរអន្តរជាតិនឹងរៀបចំការប្រកួតជើងឯកពិភពលោក លើកទី៦ នៅខេត្តព្រះសីហនុ ចាប់ពីថ្ងៃទី១៧ ដល់ ២០ ខែធ្នូ ឆ្នាំ២០២៥ ប្រជុំដោយជើងខ្លាំងលំដាប់ប្រទេសសរុប ៣៧ប្រទេសមកចូលរួម ខណៈតំណាងកម្ពុជាមានដូចជាកីឡាករ បឺត សង្ឃឹម, ពេជ្រ សម្បត្តិ, ម៉ឺន មេឃា ជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិដ្ឋភាពសន្និសីទសារព័ត៌មាន

លោក ខូវ ឆាយ អគ្គលេខាធិការសហព័ន្ធគុនខ្មែរអន្តរជាតិស្ដីទី បានលើកឡើងថា ការរៀបចំព្រឹត្តិការណ៍នេះគឺជាការរួមគ្នាជាធ្លុងមួយរវាងសហព័ន្ធទាំងពីរគឺសហព័ន្ធគុនខ្មែរ និងសហព័ន្ធគុនខ្មែរអន្តរជាតិ ដើម្បីបន្តជំរុញផ្សព្វផ្សាយប្រកបដោយថាមពល និងឧត្តមភាពលើឆាកអន្តរជាតិបានកាន់តែឆាប់រហ័ស។

ទិដ្ឋភាពសន្និសីទសារព័ត៌មាន

អគ្គលេខាធិការស្ដីទីខាងលើបន្តទៀតថា ប្រទេសដែលបានចុះឈ្មោះមកចូលរួមការប្រកួតនេះមានចំនួន ៣៧ប្រទេសដែលនៅពេលនេះមាន ២៣ប្រទេសហើយបានបញ្ជូនបញ្ចីឈ្មោះកីឡាករមករួចរាល់ក្នុងព្រឹត្តិការណ៍ដ៏ធំនៅខែធ្នូ ឆ្នាំ២០២៥។

ទិដ្ឋភាពសន្និសីទសារព័ត៌មាន

បញ្ជាក់ដែរថា ការប្រកួតនេះគឺធ្វើឡើងចាប់ពីថ្ងៃទី១៧ ដល់ ២០ ខែធ្នូ ឆ្នាំ២០២៥ នៅឯខេត្តព្រះសីហនុ។ ការប្រកួតនេះមានជាការប្រកួតកម្រិតថ្នាល ស្ម័គ្រចិត្ត និងការប្រកួតអាជីពកម្រិតខ្ពស់ដណ្ដើមខ្សែក្រវាត់ផងដែរ។ កីឡាករ កីឡាការិនីកម្ពុជាដែលនឹងត្រូវបង្ហាញមុខរួមមានកីឡាករ ពេជ្រ សម្បត្តិ, បឺត សង្ឃឹម, ម៉ឺន មេឃា, អេ អាំម៉ារីនភូថង, ធន់ រិទ្ធី, ឈឿង ល្វៃ និងកីឡាករមួយចំនួនទៀត៕

អត្ថបទដោយ៖ នួន ស៊ីណា

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា