កីឡា

ជំនួយនៅជើងទី១ នេះកីឡាករ សែន រ៉ាដេត ដឹកយកទៅឧបត្ថម្ភខាងខេត្តកោះកុង និងនៅបន្តទទួលអំណោយពីមហាជន

បានផុស

៧ ខែ មុន

នៅ

ថ្ងៃអង្គារ ១៦ ធ្នូ ២០២៥

ដោយ

កីឡាករគុនខ្មែរ សែន រ៉ាដេត ថាជំនួយសប្បុរសធម៌នៅជើងទី១ នេះរូបគេបានយកទៅឧបត្ថម្ភជនភៀសសឹកនៅឯខេត្តកោះកុងរួចរាល់ហើយដែលកំពុងជួបការលំបាក និងកងទ័ព កម្លាំងនគរបាល ក្នុងទីរួមខេត្ត។

កីឡាករ សែន រ៉ាដេត

អ្នកលេងគុនខ្មែរ សែន រ៉ាដេត បានឲ្យដឹងថា ជំនួយលើកទី១ នេះបានយកទៅឧបត្ថម្ភដល់ជនភៀសសឹក និងកងកម្លាំងប្រដាប់អាវុធក្នុងខេត្តកោះកុងរួចរាល់ហើយ។ អំណោយសប្បុរសធម៌ដែលទទួលបានពីមហាជនរួមមាន តង់ មី ត្រីខ ទឹកសុទ្ធ អង្ករ រួមទាំងថវិកាមួយចំនួនផងដែរ។

កីឡាករខាងលើបន្តទៀតថា ពេលមកដល់កន្លែងភៀសសឹកផ្ទាល់គឺប្រជាពលរដ្ឋជួបការលំបាក់ខ្លាំង ដូច្នេះហើយមានតែការជួយគ្នាក្នុងគ្រានេះទេដែលបានជួយសម្រាលទុក្ខលំបាកមួយនេះក្នុងនាមខ្មែរដូចគ្នា។ ខ្មែរស្រឡាញ់ខ្មែរ ខ្មែរជួយខ្មែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រ៉ាដេត និងសិស្សពេលប្រគល់អំណោយ

សែន រ៉ាដេត បន្តទៀតថា ខ្លួនរួមទាំងសិស្សក្នុងក្លឹបប្រដាល់គុនខ្មែរដែនសមុទ្រ បន្តនៅទទួលអំណោយសប្បុរសធម៌ពីប្រជាពលរដ្ឋនៅម្ដុំភូមិត្រពាំងស្វាយ ឃុំក្រាំងម្កាក់ ស្រុកអង្គស្នូល ឬអ្នកធ្វើដំណើរកាត់ហ្នឹងដដែលដែលមានបំណងចង់ចូលរួមបរិច្ចាគសម្ភារផ្សេងៗទៀត។ ខ្លួននៅតែបន្តជួយកៀងគររកជំនួយជួយជនភៀសសឹករហូតដល់ប្រជាពលរដ្ឋបានវិលត្រឡប់ទៅផ្ទះវិញ និងបានប្រកបរបររកស៊ីជាធម្មតាវិញ។

រ៉ាដេត និងសិស្សពេលប្រគល់អំណោយ

បញ្ជាក់ដែរថា កីឡាករ សែន រ៉ាដេត បន្ទាប់ពីនាំយកអំណោយសប្បុរសធម៌ជួយដល់ជនភៀសសឹកលើកទី១នេះរួចរាល់ហើយនោះរូបគេឥលូវនេះក៏នៅតែបន្តចាំទទួលអំណោយពីមហាជន ប្រជាពលរដ្ឋបន្តទៀតដែរនៅមុខក្លឹបប្រដាល់គុនខ្មែរដែនសមុទ្រ ម្ដុំភូមិត្រពាំងស្វាយ ឃុំក្រាំងម្កាក់។ ប្រសិនបើអ្នកគាំទ្រចង់ចូលរួមឧបត្ថម្ភជួយជនភៀសសឹកតាមរយៈកីឡាករ សែន រ៉ាដេត អាចទំនាក់ទំនងទៅកាន់លេខ 016 377 093 ឬ QR របស់រូបគេ៕