ព័ត៌មានអន្ដរជាតិ

សហរដ្ឋអាមេរិកចាប់ផ្តើមផលិតរថយន្តដែលអាចហោះហើរបានដំបូងគេ នៅលើពិភពលោក

បានផុស

៧ ខែ មុន

នៅ

ថ្ងៃព្រហស្បតិ៍ ១៨ ធ្នូ ២០២៥

ដោយ

ក្រុមហ៊ុន Alef Aeronautics ដែលផលិតរថយន្តអាចហោះបាន បានចាប់ផ្តើមដំណើរការផលិតដំបូងគេនៅសហរដ្ឋអាមេរិក ព្រមទាំងគ្រោងដំណើរការនៅដើមឆ្នាំ ២០២៦ខាងមុខ។ នេះជាការផ្តួចផ្តើមរបស់សហរដ្ឋអាមេរិក ដែលរថយន្តនេះអាចចល័តបានដោយមិនប៉ះពាល់បរិស្ថាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Jim Dukhovny នាយកប្រត្តិបត្តិ Alef Aeronautics បានសម្តែងអារម្មណ៍រំភើបថា៖«ពួកយើងសប្បាយចិត្តដែលអាចផលិតរថយន្តនេះបាន តាមអ្វីដែលយើងរំពឹងទុក។ ហើយទីបំផុត ពួកយើងបានសម្រចបំណងដែលអាចធ្វើឱ្យរថយន្តអាចហោះបាន»។ នេះបើតាមអ្វីដែលលោកបាននិយាយកាលពីថ្ងៃទី៩ខែឆ្នូ ឆ្នាំ២០២៥ តាមរយៈកាសែត New York Post។

ក្រុមហ៊ុន បានឲ្យដឹងថា រថយន្តម៉ូដែល A គឺប្រើថាមពលអគ្គិសនីសុទ្ធដែលអាចចល័តដោយសុវត្ថិភាព ជាមួយសមត្ថភាពចុះចតដោយពុំមានគ្រោះថ្នាក់។ រថយន្តនេះផលិតនៅរោងចក្រ Silicon Valley ម៉ាក Alef ហើយវាមានតម្លៃ ៣០ម៉ឺនដុល្លាអាមេរិក សម្រាប់ការកក់ទុកមុន។ រថយន្តដែលចេញដំបូងគេ នឹងមានការធានាដោយអ្នកជំនាញយានយន្តជាច្រើនខែ ជាពិសេសក្រុមហ៊ុនបានឱ្យអតិថិជនសាកល្បងជាក់ស្តែងផងដែរ មុនពេលទិញយកទៅប្រើប្រាស់។

គួរឱ្យដឹងផងដែរថា រថយន្តម៉ូដែល A អាចបើកបរបានទាំងនៅលើដី ហើយមានមុខងារដូចរថយន្តអគ្គិសនីធម្មតា ដែលដំណើរការដោយម៉ាស៊ីនតូចៗចំនួន៤ ម៉ាស៊ីននោះមានទីតាំងនៅក្នុងកង់នីមួយៗរបស់រថយន្ត។ ទោះជាយ៉ាងណាក៏ដោយ នៅពេលដែលរួចរាល់ដាក់ឱ្យដំណើរការនៃការហោះហើរ រថយន្តនេះប្រើប្រាស់ម៉ាស៊ីនរុញដ៏មានថាមពលជុំវិញកៅអីអ្នកបើកបរដើម្បីលើកចេញ ដោយឈានដល់ល្បឿន ១១០ម៉ាយក្នុងមួយម៉ោង (ស្មើនឹង១៧៧គីឡូម៉ែត្រក្នុងមួយម៉ោង) នេះបើយោងតាមសារព័ត៌មាន Daily Mail។

រថយន្តនេះមានទម្ងន់ត្រឹមតែ ៣៨៥គីឡូក្រាម ហើយម៉ូដែល A មានលក្ខណៈសម្បត្តិគ្រប់គ្រាន់ជារថយន្តដែលមានល្បឿនយឺតល្មម វាកំណត់បាន ២៥ម៉ាយ ក្នុងមួយម៉ោងនៅលើផ្លូវសាធារណៈ (ក្នុង១ម៉ាយមានចម្ងាយស្មើ១.៦គីឡូម៉ែត្រ)។ រថយន្ត Alef បានទទួលការបញ្ជាទិញជាមុនពេលចេញជាផ្លូវការចំនួន ៣៥០០គ្រឿង ដែលមានតម្លៃ ១ពាន់លានដុល្លារអាមេរិក៕

ណឺ មិនា