កីឡា

សហព័ន្ធកីឡារាំកម្ពុជា រៀបចំការប្រកួតជើងឯកថ្នាក់ជាតិរបស់ខ្លួនរយៈពេល ២ថ្ងៃជាឱកាសស្វែងរកធនធានឆ្នើម

បានផុស

៧ ខែ មុន

នៅ

ថ្ងៃព្រហស្បតិ៍ ១៨ ធ្នូ ២០២៥

ដោយ

សហព័ន្ធកីឡារាំកម្ពុជា បានរៀបចំការប្រកួតជ្រើសរើសជើងឯកថ្នាក់ជាតិ ប្រចាំឆ្នាំ២០២៥ របស់ខ្លួនរយៈពេល ២ថ្ងៃចាប់ពីថ្ងៃម្សិលមិញ និងបិទបញ្ចប់នៅល្ងាចថ្ងៃទី១៨ ខែធ្នូ នេះហើយនៅមជ្ឈមណ្ឌលសហប្រតិបត្តិការកម្ពុជា-ជប៉ុន (CJCC)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតកន្លងទៅ

នេះបើតាមសេចក្ដីប្រកាសរបស់សហព័ន្ធបញ្ជាក់ថា សម្រាប់ការប្រកួតជ្រើសរើសជើងឯកថ្នាក់ជាតិ ឆ្នាំ២០២៥ នេះបានចាប់ផ្ដើមហើយកាលពីម្សិលមិញ និងត្រូវបិទបញ្ចប់នៅល្ងាចនេះ។ ការប្រកួតនេះមានប្រកួតលើវិញ្ញាសា Latin Dance និង Standard Dance និងសរុបវិញ្ញាសាទាំងអស់មាន ១៥វិញ្ញាសា។

ជាមួយគ្នានោះដែរលោកស្រី ហង់ ស៊ីមន បានលើកឡើងថា ការប្រកួតកម្រិតបច្ចេកទេសខ្ពស់នៅថ្នាក់ជាតិនេះនឹងជ្រើសរើសរកធនធានកីឡាករ កីឡាការិនីឆ្នើមៗនៅតាមប្រភេទវិញ្ញាសានីមួយៗយកមកចូលរួមបណ្តុះបណ្តាលបន្ថែមនៅក្នុងជម្រើសជាតិប្រចាំឆ្នាំដើម្បីត្រៀមចូលរួមការប្រកួតអន្តរជាតិនានានាពេលខាងមុខ។

ទិដ្ឋភាពប្រជុំបច្ចេកទេស

បញ្ជាក់ដែរថា ការប្រកួតជ្រើសរើសជើងឯកថ្នាក់ជាតិប្រចាំឆ្នាំ២០២៥ នេះកំពុងធ្វើឡើងនៅឯមជ្ឈមណ្ឌលសហប្រតិបត្តិការកម្ពុជា-ជប៉ុន (CJCC) ក្នុងបរិវេណវិទ្យាស្ថានភាសាបរទេស IFL។ ការប្រកួតឆ្នាំនេះមានកីឡាករ កីឡាការិនីបានចុះឈ្មោះចូលរួម ៣៦នាក់មកពី ៥ក្លឹបក្នុងនោះមានកីឡាការិនី ១៥នាក់ផងដែរ៕

អត្ថបទដោយ៖ នូន ស៊ីណា

Related Topics:កីឡារាំ