ព័ត៍មានទាន់​ហេតុការណ៏
Search

វ៉ាន់ វ​ល័​ក្ខ ច្រានចោល​ដំណឹង​មាន​អ្នកធំ​ជួយឧបត្ថម្ភ​នៅ​ពីក្រោយ​ខ្នង​ នៃ​ភាព​ហ៊ឺហា​របស់​ខ្លួន​

​ភ្នំពេញ​ ៖​ តារា​សម្តែង​សិច​ស៊ី​ សម្បូរ​សាច់​ដើម​ទ្រូ​ កញ្ញា វ៉ាន់ វ​ល័​ក្ខ ថ្មីៗ​នេះ​ បាន​ធ្លាយ​ដំណឹង​ថា​ មាន​​បុរស​សម្បូរ​ទ្រព្យធន​ម្នាក់ កំពុងតែ​ព្យាយាម​ក្នុង​ការ​ជួយ​ជ្រោមជ្រែង​នៃ​ភាព​ហ៊ឺហា​មានបាន​របស់​នាង​សព្វថ្ងៃ​​ ខណៈ​ពេល​​ វ៉ាន់ វ​ល័​ក្ខ បាន​ប្រើ​ជីវិត​ហ៊ឺហា ​និង​ស៊ីវិល័យ​ខ្លាំង​ ជាមួយ​របស់​ប្រើប្រាស់​ថ្លៃៗ​ដូចជា រថយន្ត​ស៊េរី​ទំនើប ​និង​ទូរស័ព្ទ​ជាដើម​។​

ប្រភព​បាន​និយាយទៀត​ថា ​តារា​សម្ដែង ​កញ្ញា វ៉ាន់ វ​ល័​ក្ខ ពេលនេះ​ ​​មិន​ត្រឹម​តែ​មាន​រថយន្ត​ស៊េរី​ទំនើប និង​ទូរស័ព្ទ​ថ្លៃៗ​ប្រើប្រាស់​នៅក្នុង​ដៃ​នោះទេ​ គឺ​បច្ចុប្បន្ន​ នាង​ ក៏បាន​ចំណាយ​លុយ​រហូត​ខ្ទង់​រាប់​ម៉ឺន​ដុល្លារ ​ដើម្បី​ទិញ​ផ្ទះ​វិឡារ​ផ្ទាល់ខ្លួន​ផង​ដែរ​។​

ហេតុផល​នេះ​ ទើប​បាន​ធ្វើ​អ្នក​សិល្បៈ ​និង​មហាជន​មួយ​ចំនួន​ សង្ស័យ​លើ​ការ​ជួយ​ទំនុកបម្រុង​ពី​សំណាក់​បុរស​មាន​ឋានៈ​ជា​មន្ត្រី​ធំ​ម្នាក់ ​នៅ​ក្នុង​សង្គម​ខ្មែរ​។​

ជា​ប្រតិកម្ម​ឆ្លើយតប​ ដំណឹង​សង្ស័យ​ខាងលើ​នេះដែរ​ តារា​ស្រី​សាច់​ខ្ចី​ កញ្ញា វ៉ាន់ វ​ល័​ក្ខ បាន​ប្រាប់​ឲ្យ​កម្ពុ​ជាថ្មី​ដឹង​មុន​នេះ​ថា​ នេះ​ជា​ព័ត៌មាន​មិន​ពិត​នោះ​ទេ​ បង ខ្ញុំ​បច្ចុប្បន្ន​គ្មាន​នរណា​ម្នាក់​ជួយឧបត្ថម្ភ​ ឬ​ចិញ្ចឹម​នៅ​ពី​ក្រោយខ្នង​នោះ​ឡើយ​។ ចំណែក​ឯ​ ដំណឹង​សង្ស័យ​នេះ ​គឺ​ផ្ទុយ​ពី​ការពិត​ទាំងស្រុង​តែម្ដង​។​

តារា​សម្តែង​ស្រី​រូប​ស្រស់​ កញ្ញា វ៉ាន់ វ​ល័​ក្ខ បាន​បញ្ជាក់​ថា ចំពោះ​រថយន្ត​ស៊េរី​ទំនើប​ម៉ាក​ឡង់​គ្រី​ស័​រ​ស្ថិត​ក្នុងតម្លៃ​ខ្ទង់សែន​ដុល្លារ​ ដែល​កំពុង​ជិះ​រាល់ថ្ងៃនេះ ​គឺ​នាង​ទិញ​រយៈពេល​ជាង​១​ឆ្នាំ​មក​ហើយ​។​

ម្យ៉ាងទៀត​ សម្រាប់​រថយន្ត​នេះ ​ក៏​ជា​ការ​ទិញ​បង់​រំលស់​ដែរ​ ពោល​គឺ​ពុំ​មាន​អ្នកធំ​ណា​ជួយឧបត្ថម្ភ​លុយ ​ឬ​ទិញ​ឲ្យ​នោះទេ ……។​

កញ្ញា វ៉ាន់ វ​ល័​ក្ខ បាន​និយាយ​ឲ្យ​បន្ថែម​ទៀត​ថា​ ចំណែក​ឯ​ផ្ទះ​ដែល​ខ្ញុំ​ទិញ​នោះ ​គឺ​ទើប​ចាប់ផ្ដើម​ទិញ​បាន​៣​ ឬ​៤​ខែ​ប៉ុណ្ណោះ ​ហើយ​ផ្ទះ​នេះ​ ក៏​ទិញ​បង់​រំលស់​ដូចគ្នា​នឹង​រថយន្ត​ផង​ដែរ​ ដូច្នេះ​ខ្ញុំ​សូម​ធ្វើការ​បដិសេធ​ ​និង​ច្រាន​ចូល​ទាំងស្រុង​ នូវ​ដំណឹង​គ្មាន​ការពិត​ខាងលើនេះ​។​

លើសពីនេះ ​ក៏​ចង់​ប្រាប់​ដែរ​ថា​ លុយ​ដែល​ខ្ញុំ​មានបាន​ទាំង​ប៉ុន្មាន​នេះ ​គឺ​កើតចេញពី​កម្លាំង​ញើស​ឈាម​ខ្លួនឯង​ទាំងស្រុង​៕