កីឡា
គ្រូព្រះខ័នរាជស្វាយរៀងថា ៖«បើ Bangkok United មិនមកប្រកួតនៅកម្ពុជា គឺជាបញ្ហារបស់គេ»
ក្លិបបាល់ទាត់របស់ថៃ Bangkok United ត្រូវធ្វើដំណើរមកប្រកួតជាមួយ ព្រះខ័នរាជស្វាយរៀង ថ្ងៃទី២៩ ខែមករា ឆ្នាំ ២០២៦ នៅពហុកីឡដ្ឋានជាតិមរតកតេជោ សម្រាប់ការប្រកួតវគ្គសន្សំពិន្ទុក្នុងពូលពានរង្វាន់ជើងឯកក្លិបអាស៊ាន ASEAN Club Championship។
កាលពីដើមសប្តាហ៍នេះ ក្លិប True Bangkok United បានផ្ញើលិខិតជូនដំណឹងទៅកាន់សហព័ន្ធកីឡាបាល់ទាត់ អាស៊ាន (AFF) អំពីគោលបំណងពួកគេ នឹងមិនហោះមកប្រទេស កម្ពុជា ដើម្បីប្រកួតជាមួយនឹងក្រុម ព្រះខ័នរាជស្វាយរៀងឡើយ ដោយសារពួកគេបារម្ភពីសុវត្ថិភាព ពាក់ព័ន្ធនឹងសង្គ្រាមព្រំដែន។
ពាក់ព័ន្ធនឹងករណីខាងលើនេះ លោក Mattew McConkey គ្រូបង្វឹករបស់ព្រះខ័នរាជស្វាយរៀងបានលើកឡើងក្នុងសន្និសីទមុនការប្រកួតជាមួយ អង្គរថាយហ្គឺរ ថា ៖«សម្រាប់ការប្រកួតជាមួយ Bangkok United បើមើលតាមកាលវិភាគប្រកួតគឺប្រកួតនៅប្រទេសកម្ពុជាយើង។ ប្រសិនបើ ពួកគេមិនមកប្រកួត មិនមែនជាបញ្ហាខាងយើងទេ គឺជាបញ្ហាខាងគេ»។
ក្រុម Bangkok United នៅមានឱកាសស្តួចស្តើងប៉ុណ្ណោះក្នុងការឡើងទៅកាន់វគ្គពាក់កណ្តាលផ្តាច់ព្រ័ត្រ បន្ទាប់ពីឆ្លងកាត់ ៣ ប្រកួត ពួកគេរកបានតែ ១ ពិន្ទុប៉ុណ្ណោះ ដោយសារចាញ់ក្រុមរបស់ម៉ាឡេស៊ី Johor Darul Tazim ៤-០, ចាញ់ក្រុមរបស់វៀតណាម Nam Dinh ០-៣ និងស្មើក្រុមរបស់សិង្ហបុរី Lion City Sailors ២-២។
ចំណែក ព្រះខ័នរាជស្វាយរៀង នៅមានឱកាសឡើងទៅវគ្គបន្ត បន្ទាប់ពីឈ្នះ ក្រុមរបស់មីយ៉ាន់ម៉ា Shan United ៣-០ ស្មើក្រុមរបស់ម៉ាឡេស៊ី Johor Darul Tazim ២-២ និងចាញ់ក្រុមរបស់វៀតណាម Nam Dinh ១-២ ដោយរកបាន ៤ ពិន្ទុ កំពុងឈរលេខ ៣ ក្នុងពូល B។ ក្រុម Nam Dinh កំពុងឈរលើកំពូលតារាង ដោយរកបាន ៩ពិន្ទុពេញពីការឈ្នះទាំង ៣ ប្រកួត ខណៈក្រុម Johor Darul Tazim ឈរលេខ ២ ដោយមាន ៧ ក្រោយឈ្នះ២ និងស្មើ១។
កម្មវិធីប្រកួតបន្ទាប់ នៅថ្ងៃទី២៩ ខែមករា ឆ្នាំ ២០២៦
- ព្រះខ័នរាជស្វាយរៀង vs Bangkok United នៅកម្ពុជា
- Johor Darul Tazim vs Shan United នៅម៉ាឡេស៊ី
- Nam Dinh vs Lion City Sailors នៅវៀតណាម
អត្ថបទ៖ វីរបុត្រ
-
ព័ត៌មានអន្ដរជាតិ៦ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
សន្តិសុខសង្គម៦ ថ្ងៃ agoសមត្ថកិច្ចចុះស្រាវជ្រាវករណីព្រះសង្ឃចាក់សាក់លើរាងកាយស្ត្រីបង្ហោះ TikTok រកឃើញព្រះសង្ឃ ៥អង្គមានសារធាតុញៀន
-
ព័ត៌មានជាតិ១ សប្តាហ៍ agoគម្រោងស្តារផ្លូវជាតិលេខ ៤ ប្រវែងជិត ២០០ គីឡូម៉ែត្រ ចាយថវិកាជាង ១០០ លានដុល្លារ សម្រេចបញ្ចប់ ១០០%
-
កីឡា២ ថ្ងៃ agoក្រុមជម្រើសជាតិកម្ពុជា មានស្ថិតិល្អការប្រកួត ASEAN Championship នៅស្តាតមរតកតេជោ
-
ព័ត៌មានជាតិ៧ ថ្ងៃ agoតើរោងចក្រសហគ្រាសបែបណា តម្រូវបំពាក់ប្រព័ន្ធប្រព្រឹត្តកម្មទឹកកខ្វក់ការពារបរិស្ថាន?
-
ព័ត៌មានជាតិ៤ ថ្ងៃ agoអភិបាលស្រុកសំរោង ចុះពិនិត្យស្ពាន «កាប់នឹម» បាក់ស្រុតធ្ងន់ សិក្សាលទ្ធភាពជួសជុលឡើងវិញ ដើម្បីធានាសុវត្ថិភាពពលរដ្ឋ
-
កីឡា៥ ថ្ងៃ agoស្មាត់ឆ្នើម វឿន វាសនា បន្តកុងត្រាថ្មីជាមួយក្លិប Win Streak ត្រូវអ្នកគាំទ្រ តៃវ៉ាន់ សាទរខ្លាំង
-
ព័ត៌មានអន្ដរជាតិ១ ថ្ងៃ agoពូទីន ចង់យកកិច្ចព្រមព្រៀងចាស់ និងតថភាពជាក់ស្ដែងលើសមរភូមិ ទៅចរចាសន្តិភាពជាមួយអ៊ុយក្រែន