ព័ត៍មានទាន់​ហេតុការណ៏
Search

ម៉ូតូ​២​គ្រឿង​ បុក​គ្នា​ពេញទំហឹង ​​រងរ​បួស​៣​នាក់​

ឧ​ត្ត​រ​មានជ័យ ​៖ មាន​ករណី​គ្រោះថ្នាក់​ចរាចរណ៍​រវាង​ម៉ូតូ​ និង​ម៉ូតូ នៅ​ផ្លូវជាតិ​លេខ​៦៨ ចន្លោះ​បង្គោល​គីឡូម៉ែត្រ​លេខ ៨៤_៨៥ កាលពី​វេលា​ម៉ោង​១៤​និង​៣០​នាទី ថ្ងៃទី​០៧ ខែមេសា ឆ្នាំ​២០១៩ ស្ថិតក្នុង​ភូមិ​ថ្នល់​បត់ សង្កាត់​កូន​ក្រៀល ក្រុង​សំរោង ខេត្ត​ឧ​ត្ត​រ​មានជ័យ​។​

សមត្ថកិច្ច​ចរាចរណ៍​ក្រុង​បាន​ឲ្យ​ដឹងថា ៖ ១-​អ្នកបើកបរ​ម៉ូតូ​ទ្រី​ម ​ពណ៌​ខ្មៅ ពាក់​ស្លាក​លេខ តាកែវ ១k: ១៨៥១ ឈ្មោះ សុក គូ ភេទ​ប្រុស អាយុ ២១​ឆ្នាំ មុខរបរ​មន្ត្រីរាជការ រស់នៅ​ភូមិ​គោក​គរ សង្កាត់​-​ក្រុង​សំរោង (​របួសធ្ងន់​)​ បើក​ពី​ត្បូង​ទៅ​ជើង និង​អ្នករួមដំណើរ​ម្នាក់ ឈ្មោះ អ៊ុន ស៊ា​វ​អ៊ី ភេទ​ប្រុស អាយុ​២២​ឆ្នាំ មុខរបរ​មន្ត្រីរាជកា​រ (​របួសស្រាល​) ពាក់មួក​សុវត្ថិភាព។​ ២- អ្នកបើកបរ​ម៉ូតូ​យ៉ាម៉ាហា​ពណ៌​ខ្មៅ គ្មាន​ពាក់​ស្លាក​លេខ ឈ្មោះ លឿន ពែ​ក ភេទ​ប្រុស ​អាយុ​២៧​ឆ្នាំ មុខរបរ​កសិករ រស់នៅ​ភូមិ​ថ្នល់​បត់ សង្កាត់​កូន​គ្រៀល ក្រុង​សំរោង (​របួសធ្ងន់​) មិន​ពាក់មួក​សុវត្ថិភាព បើក​ពី​ជើង​ទៅ​ត្បូង​។​

សមត្ថកិច្ច​បាន​ឲ្យ​ដឹង​ទៀតថា មូលហេតុ ​អ្នកបើក​ម៉ូតូ​យ៉ាម៉ាហា​ ពណ៌​ខ្មៅ​ ជិះ​មិន​ប្រកាន់​ស្ដាំ មក​បុក​ខាង​ម៉ូតូ​ទ្រី​ម​តែម្តង​។​

ក្រោយពេល​កើតហេតុ​ កម្លាំង​ប៉ុស្តិ៍ សហការ​ជាមួយ​កម្លាំង​ចរាចរណ៍​ក្រុង បាន​ធ្វើកា​វាស់វែង​កន្លែង​កើត​ហេតុ​។​

បច្ចុប្បន្ន វត្ថុតាង​ទាំងពីរ កម្លាំង​នគរបាល​ចរាចរណ៍​បាន​យកទៅ​រក្សាទុក​នៅ​អធិការដ្ឋាន​ក្រុង​សំរោង​ដើម្បី​រៀបចំ​នីតិវិធី​បន្ត​៕



ប្រសិនបើ លោក លោកស្រីចង់ចែករំលែកនូវព័ត៌មានទាន់ហេតុការណ៍ផ្សេងៗ សូមផ្ញើ អ៊ីម៉ែលមកកាន់អាសយដ្ឋានដូចដែលបានបង្ហាញខាងក្រោម។ សម្រាប់ការផ្សាយពាណិជ្ជកម្មលើគេហទំព័រនេះ សូមទំនាក់ទំនងតាមលេខទូរស័ព្ទៈ 012 454 575 និង 012 499 114