កីឡា

សមត្ថភាពមិនធម្មតាយុវជន ហ្គូវ បញ្ញាសម្បត្តិ ឈ្នះមេដាយមាស ៣គ្រឿងនៃការប្រកួតជើងឯកថ្នាក់ជាតិ ២០២៥

បានផុស

៦ ខែ មុន

នៅ

ថ្ងៃចន្ទ ២៩ ធ្នូ ២០២៥

ដោយ

កីឡាករវាយកូនឃ្លីលើតុ ហ្គូវ បញ្ញាសម្បត្តិ សមត្ថភាពប្រកួតមិនធម្មតាលេង ៣វិញ្ញាសាឈ្នះមេដាយមាសទាំង៣វិញ្ញាសានៃការប្រកួតជ្រើសរើសជើងឯកថ្នាក់ជាតិ ប្រចាំឆ្នាំ២០២៥ និងពានរង្វាន់លើកទី៤ របស់សហព័ន្ធដែលធ្វើឡើងពីថ្ងៃទី២៥ ដល់ ២៩ ខែធ្នូ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ ហ្គូវ បញ្ញាសម្បត្តិ និងគ្រួសារ

យុវជន ហ្គូវ បញ្ញាសម្បត្តិ បានឲ្យដឹងថា ជ័យជម្នះមេដាយមាស ៣គ្រឿងនេះគឺបានមកពីការខំប្រឹងប្រែងហ្វឹកហាត់ជាប្រចាំ រួមផ្សំដោយការតាំងចិត្ត និងមានជំនឿចិត្តខ្ពស់លើខ្លួនឯងផងនោះទើបជំរុញឲ្យឈ្នះការប្រកួតទាំងអស់ដូចនេះ។ រូបគេមើលឃើញពីចំណុចខ្វះខាតរបស់គូប្រកួតកន្លងទៅនេះគឺមិនសូវមានភាពក្លាហាន អត់មានភាពជឿជាក់លើខ្លួនឯងក្នុងការប្រកួត។

ទិដ្ឋភាពបិទការប្រកួត

ជើងខ្លាំងវ័យ ១២ឆ្នាំរូបនេះបន្តទៀតថា រូបគេមានក្ដីស្រមៃចង់ចូលរួមការប្រកួតធំៗ និងដណ្ដើមមេដាយឲ្យបានច្រើនជាងនេះនៅថ្ងៃខាងមុខតទៅទៀត។ បញ្ញាសម្បត្តិ អរគុណចំពោះលោកគ្រូបង្ហាត់កីឡាវាយកូនឃ្លីលើតុ និងអរគុណដល់ក្រុមគ្រួសារពិសេសនោះគឺលោកឪពុកដែលបង្ហាត់ និងជំរុញឲ្យលេងរហូតមានសមត្ថភាពល្អដូចពេលនេះ។

ទិដ្ឋភាពបិទការប្រកួត

បញ្ជាក់ដែរថា កីឡាករ ហ្គូវ បញ្ញាសម្បត្តិ លេងលើ ៣វិញ្ញាសាឈ្នះមេដាយមាសទាំង ៣វិញ្ញសាគឺមានវិញ្ញាសាឯកត្តជន វិញ្ញាសាវាយគូ និងវិញ្ញាសាជាក្រុម។ សហព័ន្ធកីឡាវាយកូនឃ្លីលើតុបានបិទបញ្ចប់ការប្រកួតជ្រើសរើសជើងឯកថ្នាក់ជាតិរបស់ខ្លួនហើយនៅព្រឹកថ្ងៃទី២៩ ខែធ្នូ ឆ្នាំ២០២៥ នេះក្រោយរៀបចំតាំងពីថ្ងៃទី២៥ ខែធ្នូ កន្លងទៅ៕