ព័ត៍មានទាន់​ហេតុការណ៏
Search

វីដេអូឃ្លីបខ្លីទាក់ទាញចំណាប់អារម្មណ៍អ្នកឲ្យនឹកផ្ទះនៅស្រុកកំណើត

ចូលឆ្នាំថ្មីប្រពៃណីជាតិ​ ជាពេលវេលាដ៏រីករាយមួយ ដែលប្រជាជនខ្មែរ តែងតែជួបជុំគ្នា បន្ទាប់ពីឃ្លាតឆ្ងាយពីគ្នាអស់រយៈពេលជាច្រើនខែឆ្នាំ។ មិនថារវល់យ៉ាងណានោះទេ គ្រាន់តែចូលដល់ខែមេសា ភ្លាម ប្រិយមិត្តប្រហែលជាមានអារម្មណ៍នឹកស្រុក នឹកផ្ទះ នឹកម្ហូបដែលគ្រួសារអ្នកធ្លាប់ញ៉ាំជុំគ្នាស្រេចទៅហើយ។

ការចាកចេញពីស្រុកកំណើត មកធ្វើការនៅរាជធានីភ្នំពេញ ដោយពេលខ្លះ ប្រិយមិត្តសឹងតែគ្មានពេលទៅលេងស្រុកកំណើតឡើយ! សំណួរសួរថាហេតុអ្វីបានជាយើង ម្នាក់ៗតែងតែនឹកផ្ទះពេលជិតចូលឆ្នាំថ្មីម្តងៗ?

ជាការពិតណាស់ សម្រាប់អ្នកដែលចាកចេញពីស្រុកកំណើត មកធ្វើការងារ ឬ ប្រកបមុខរបរផ្សេងៗនៅទីក្រុង ភាគច្រើនបានចំណាយពេលសឹងតែមួយឆ្នាំជាមួយការងារ និង ក្រុមការងារ ដោយពួកគេបានឃ្លាតឆ្ងាយពីឳពុកម្តាយ ឃ្លាតឆ្ងាយពីបងប្អូន ឃ្លាតឆ្ងាយពីអ្នកភូមិផងរបងជាមួយរបស់ពួកគេ ដើម្បីតម្រូវការជីវភាព និង ពង្រីកជំនាញ ចំណេះដឹងរបស់ពួកគេបន្ថែមទៀត រហូតដល់ពេលខ្លះពួកគេភ្លេចថាមានអ្នកផ្ទះ ភ្លេចទៅផ្ទះជួបជុំគ្រួសារក៏មានដែរ។

ជាការពិតណាស់ចូលឆ្នាំថ្មីប្រពៃណីជាតិខ្មែរ គឺជាពិធីជួបជុំដ៏ធំមួយសម្រាប់ប្រជាពលរដ្ឋខ្មែរ ដូច្នេះវីដេអូនេះ គឺជាការជម្រុញដល់មនុស្សគ្រប់គ្នា ត្រូវតែឆ្លៀតពេលវេលាដើម្បីទៅផ្ទះនៅឯស្រុកកំណើត ដើម្បីជួបមុខអ្នកមានគុណ ដែលជាព្រះរស់របស់យើងទាំងអស់គ្នា បរិភោគអាហារឆ្ងាញ់ៗរួមគ្នា ដែលវាគឺជារឿងដ៏សំខាន់បំផុតមិនអាចរំលងបាន។ សារអប់រំដ៏មានសារៈសំខាន់ មួយទៀត ដែលធ្វើឲ្យកក្រើកខ្លាំងក្នុងវីដេអូខ្លីនេះ គឺពាក្យមួយឃ្លាដែលសរសរខាងក្រោម Screen ទូរស័ព្ទ F11 Pro ថា៖ “ទោះបីជាមានរឿងអ្វីក៏ដោយ ផ្ទះគឺជាកំពង់ផែដែលរង់ចាំអ្នកជានិច្ច” ដែលពាក្យមួយឃ្លានេះ ហាក់បីដូចជាសារដាស់តឿនដល់មនុស្សគ្រប់គ្នាទាំងអស់ មិនថាអ្នកបានជួបហេតុការណ៍អាក្រក់ប៉ុណ្ណា បាក់ទឹកចិត្តកម្រិតណាក៏ដោយ ក៏អ្នកផ្ទះរបស់អ្នកមិនដែលបោះបង់អ្នកចោលទេ ពួកគេនឹងនៅចាំលើកទឹកចិត្តអ្នកជានិច្ច នៅឯស្រុកកំណើតរបស់អ្នក ហើយមិនថាមានរឿងអ្វីកើតឡើងទេ ផ្ទះរបស់អ្នក ប្រៀបដូចជាកំពង់ផែ ដែលឈប់នឹងថ្កល់រង់ចាំទទួលអ្នកដោយក្តីរីករាយបំផុត។

នេះជាការដាស់តឿនមួយដែរសម្រាប់រំលឹកដល់យុវវ័យទាំងអស់ដែលភាគច្រើនពួកគេតែងតែគិតខ្លី បោះបង់នូវការតស៊ូខ្លួនឯង ដើម្បីអ្នកផ្ទះរួចជ្រើសរើសវិធីសម្លាប់ខ្លួនដើម្បីដោះស្រាយបញ្ហាតាមមធ្យោបាយផ្សេងៗ ព្រោះតែសម្ពាធការងារ សម្ពាធនៃការសិក្សា ឬ បញ្ហាស្នេហាក្តី មិនមែនជារឿងត្រឹមត្រូវនោះទេ។ ប្រសិនបើលោកអ្នកចង់ដឹងច្បាស់ពីអត្ថន័យក្នុងវីដេអូខ្លីបែបអប់រំមួយនេះសូមលោកអ្នកចូលទៅកាន់Link ទីនេះ  ៕