ព័ត៍មានទាន់​ហេតុការណ៏
Search

កំពូល​តារា​ចម្រៀង​ស្រី ម៉េង កែវពេជ្ជតា ផ្ទុះ​ប្រតិកម្ម​លើ​ករណី​ចុះផ្សាយ​បំភ្លៃ​លើស​ពី​ការពិត​

​ភ្នំពេញ ​៖ ​កំពូល​តារា​ចម្រៀង​ពីរោះ​រណ្ដំ​ចិត្ត​ អ្នកនាង ម៉េង កែវពេជ្ជតា ថ្មីៗ​នេះ ​បាន​ផ្ទុះ​ប្រតិកម្ម​ក្រោយ​ពេល​មានការ​ចុះផ្សាយ​របស់​ព័ត៌មាន​ក្នុងស្រុក​មិនសូវ​ល្បី​មួយ​បាន​លើកឡើងថា​ អ្នកនាង ម៉េង កែវពេជ្ជតា បាន​និយាយ​រិះ​ចំៗ​ចំពោះ​បញ្ហា​អគ្គិសនី​ និង​ទឹក​។​ ព័ត៌មាន​នេះ​ ត្រូវបាន ​អ្នកនាង ម៉េង កែវពេជ្ជតា ចាត់ទុកថា​ជាការ​បំផ្លើស​លើស​ពី​ការពិត​។​

តារា​ស្រី​ អ្នកនាង ម៉េង កែវពេជ្ជតា បាន​លើកឡើងថា ​មុននេះ​ប្រហែល​១០​នាទី website តារា​កម្សាន្ត នេះ​ បាន​បង្ហោះ​បរិហារ​រឿង​មិន​ពិត​ដែល​បាន​កន្លងទៅ​១​ខែ​ហើយ ហើយក៏​ពុំមាន​រឿង​អ្វី​មន្ទិល​ទៀត​ដែរ។ សួរថា បើ​គ្មាន​ចេតនា​បំផ្លាញ​ទឹកចិត្ត និង​បង្កើត​ការយល់ច្រឡំ​ពី​ថ្នាក់ដឹកនាំ​ចំពោះ​ខ្ញុំ និង​បង្កើត​ការ​ចោទប្រកាន់​ពី​មហាជន​ចំពោះ​ថ្នាក់ដឹកនាំ តើ​ជា​អ្វី​ទៅ? នេះ​បាន​ចំ​ជា​មនុស្ស​ចង្រៃ​លើ​លោក​មែន!។

កំពូល​តារា​ស្រី​សំឡេង​ពីរោះ​ស្រទន់​អង្រន់​ចិត្ត​មហាជន ​អ្នកនាង ម៉េង កែវពេជ្ជតា បាន​បន្ថែម​ថា​ចូល​ចិត្ត​ឆ្កឹះឆ្កៀល​រករឿង​ដាក់​កំហុស​អ្នកដទៃ ​ប្រៀប​បាន​សត្វ​ដង្កូវ​អាចម៍​ចូលចិត្ត​ស៊ី​អាចម៍​។ ​ធ្វើ​ហើយ​មាន​អារម្មណ៍​យ៉ាងម៉េច​ដែរ ? ធូរចិត្ត ? សប្បាយចិត្ត​ណាស់​ហើយ​ ដែល​ធ្វើ​គំនិត​ថោកទាប​បែបនេះ ? បាន !​។​ បើ​ការធ្វើ​ហើយ អ្នកមាន​ក្តី​សុខ និង​អាច​រស់​ដល់​អាយុ៧០ឆ្នាំ ក៏​ធ្វើ​ចុះ។​

ជាមួយគ្នា​ នៃ​ប្រតិកម្ម​របស់ ​អ្នកនាង ម៉េង កែវពេជ្ជតា ក៏​មាន​អ្នកគាំទ្រ​លើកឡើងថា អស់រឿង​តាម​ឈ្នានីស​ លើក​រឿង​ចាស់ៗ​មក​ផ្សាយ​ឲ្យ​មហាជន​យល់ច្រឡំ​ ពិតជា​ថោកទាប​ណាស់​។​ វេ​ប​សាយ ឈ្នានីស តាម​ខាំ​ដូច​ឆ្កែ​ស៊ី​អាចម៍ មួយថ្ងៃៗ​ដេក​គិត​រក​វិធី​បំផ្លាញ​គេ យ៉ាប់​ណាស់​សន្តាន​មនុស្ស​ខ្លះ​មិន​ងាយ​ចោល​មាយា​ទទេ​អាយ​ដល​។ ​ភ្លាមៗ​នោះដែរ ​សាមីខ្លួន​ អ្នកនាង ​ម៉េង កែវពេជ្ជតា បាន​ឆ្លើយតប​ថា រឿង​គេ​ច​ប់​ហើយ តែ​វា​លើក​យក​មក​មុន ​ខ្ញុំ​ផុស​នេះ​ជាង​១០​នាទី​ប៉ុណ្ណោះ​៕




ប្រសិនបើ លោក លោកស្រីចង់ចែករំលែកនូវព័ត៌មានទាន់ហេតុការណ៍ផ្សេងៗ សូមផ្ញើ អ៊ីម៉ែលមកកាន់អាសយដ្ឋានដូចដែលបានបង្ហាញខាងក្រោម។ សម្រាប់ការផ្សាយពាណិជ្ជកម្មលើគេហទំព័រនេះ សូមទំនាក់ទំនងតាមលេខទូរស័ព្ទៈ 012 454 575 និង 012 499 114