ព័ត៍មានទាន់​ហេតុការណ៏
Search

ដួង ​ម៉ា​និច​ ​​​​ទម្លាយ​រូប​ថត​សិច​ស៊ី​បង្អួត​សម្រស់​មិន​ខ្លាច​ការ​រិះគន់ ​និង​ចំណាត់​ការ​ក្រសួង

ភ្នំពេញ​ ៖​ នេះ​ពុំ​មែន​ទើប​ជា​លើកទីមួយ​នោះ​ទេ​ ដែល​តារា​សម្ដែង​ស្រី​រាង​តូច​ច្រឡឹង​កំពុង​ក្ដោប​បាន​ឱកាស​ទីផ្សារ​សម្ដែង​ច្រើន​និង​គ្រង​តំណែង​ជា​តួឯក​ស្ទើរ​គ្រប់​សាច់រឿង​កញ្ញា ដួង ម៉ា​និច​ ដែល​បាន​ថតរូប​ភាព​សិច​ស៊ី​ស្រើបស្រាល​បង្អួត​សម្រស់​បង្ហោះ​នៅ​លើ​បណ្ដាញ​សង្គម​ហ្វេ​ស​ប៊ុក​បង្ក​ការ ភ្ញាក់ផ្អើល ​និង​ចាប់អារម្មណ៍​ខ្លាំង​ដល់​មហាជន។

ជាមួយ​គ្នា​នេះ​ដែរ​កន្លង​មក​ គេ​ក៏​នៅចាំ​បាន ដែរ​ថា​តារា​សម្ដែង​ស្រី​ចាយ​សម្រស់ ​កញ្ញា​ដួង ម៉ា​និច​ ក៏​ធ្លាប់​ទទួលរង​ការរិះគន់​យ៉ាង​ចាស់ដៃ​និង​បាញ់​ចាក់​ស្រោច​ជា​បន្តបន្ទាប់​លើ​តារា​ស្រី​រូប​នេះ ស្ទើរ​ងើបមុខ​មិន​រួច​ផង​ដែរ ។ ខណៈ​មាន​ខ្លះ​ទៀត​បាន​ទទូច​ស្នើ​ឲ្យ​ក្រសួង​វប្បធម៌​និង​វិចិត្រ សិល្បៈ ត្រូវ​ចាត់វិធានការ​ក្តៅ​ដើម្បី​កោះហៅ​តារា​ស្រី​រូបនេះ​ទៅ​ដុសក្អែល​ដើម្បី​ជាការ​ព្រមាន​ លើ​សកម្មភាព​នៃ​ការ​ស្លៀក​សិច​ស៊ី​សម្ញែង​សាច់​ខ្ចី​ផង​នោះ​។

​យ៉ាងណាមិញ​គឺ​អំឡុង​ពេលដែល​រង​ការរិះគន់​បាន​បាញ់​ចាក់​ស្រោច​យ៉ាង​ចាស់ដៃ មកលើ​តារា​ស្រី​កញ្ញា ដួង ម៉ា​និ​ច កាលនោះ​នាង​ក៏បាន​ចេញមុខ​បកស្រាយនិង​សុំទោស​មហាជន​ជា​សាធារណៈ​ម្តង​ហើយ​ដែរ​ចំពោះ​ទង្វើ​ដ៏​គឃ្លើន​របស់​នាង​និង​បាន​សន្យាថា​នឹង​បញ្ឈប់​សកម្មភាព​បែបនេះ។ ប៉ុន្តែ​ផ្ទុយ​ពី​ការសន្យា​ថ្មីៗ​នេះ​ស្រាប់តែ​នាង​ថតរូប​ភាព​សិច​ស៊ី​ស្រើបស្រាល​ធ្វើការ​បង្ហោះ​នៅលើ​បណ្តាញ​សង្គម​ជា​បន្តបន្ទាប់​បង្ក​ការចាប់អារម្មណ៍​ជាថ្មី​។

​បើតាម​ការកត់សម្គាល់​នៅលើ​បណ្តាញ​សង្គម​ហ្វេ​ស​ប៊ុ​ករ​បស់ កញ្ញា ដួង ម៉ា​និ​ច បច្ចុប្បន្ន​ត្រូវបាន​គេ​សង្កេតឃើញ​ថា​ មួយរយៈ​នេះ​នាង​ក៏​កាន់តែ​គឃ្លើន​ និង​ចាប់​ផ្តើម​ថត​បង្ហោះ​រូប​សិច​ស៊ី ជាច្រើន​ព្រមជាមួយ​ការ​បង្អួត​សម្រស់​សាច់​ដើមទ្រូង សាច់​ភ្លៅ​បង្ក​ការ​ភ្ញាក់ផ្អើល​ដល់​អ្នកគាំទ្រ និង​ផ្ទុះ​ការ​ការរិះគន់​ជាច្រើន​។ ជាក់ស្តែង​មុននេះ​បន្តិច តារា​ស្រី កញ្ញា ដួង ម៉ា​និ​ច បាន​ទម្លាយ​រូបថត​សិច​ស៊ី​ប្រមាណ​៣​សន្លឹក​ធ្វើ​ឲ្យ​ប្រុស​ស្រក់ទឹកមាត់​ស្ទើរតែ​គ្រប់គ្នា​តែ​ម្តង​៕