កីឡា

ដើមឆ្នាំ២០២៦ ជើងខ្លាំង វ៉ាត់ វណ្ណធុន ដណ្ដើមបានមេដាយមាស១ គ្រឿងហើយជូនអង្គភាពកីឡាក្រសួងមហាផ្ទៃ

បានផុស

៦ ខែ មុន

នៅ

ថ្ងៃចន្ទ ១៩ មករា ២០២៦

ដោយ

កីឡាករវាយសីឆ្នើម វ៉ាត់ វណ្ណធុន នៅដើមឆ្នាំ២០២៦ នេះរកបានមេដាយមាស ១គ្រឿងហើយជូនអង្គភាពកីឡាក្រសួងមហាផ្ទៃ ក្នុងប្រកួតដណ្តើមពានរង្វាន់ ៧មករា លើកទី២៥ ឆ្នាំ២០២៦ ឯខេត្តព្រះសីហនុ ដែលធ្វើឡើងកាលពីថ្ងៃទី១៧ ដល់ ១៨ ខែមករា ថ្មីៗនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រូបភាពលើហ្វេសបុក វណ្ណធុន

វ៉ាត់ វណ្ណធុន បានឲ្យដឹងថា ការប្រកួតពានរង្វាន់វាយសី ៧មករា លើកទី២៥ នេះរូបគេបានប្រកួតលើវិញ្ញាសាវាយគូបុរស អាយុ ១៩ឆ្នាំឡើង។ រូបគេ និងដៃគូ ខានលេងជាមួយគ្នាតាំងពីឆ្នាំ២០១៨ មកម្ល៉េះទើបតែឆ្នាំ២០២៦ នេះបានចាប់ដៃគូជាមួយគ្នាថ្មីនេះទេ។

វណ្ណធុន និង ហេង ម៉េងលាភ

កីឡាករដើមកំណើតពីខេត្តកំពង់ឆ្នាំរូបនេះបន្តទៀតថា ដោយសារតែខ្លួនផ្ដោតលើការហ្វឹកហាត់វិញ្ញាសាឯកត្តជន ដូច្នេះហើយទើបមិនសូវមានឱកាសបានចាប់ដៃគូលេងជាមួយគ្នាកន្លងមក។ មុនឈានដល់ការឈ្នះមេដាយមាស ១គ្រឿងក្នុងកម្មវិធីខាងលើនេះក្រុមរបស់ខ្លួនត្រូវឆ្លងកាត់ការប្រកួតសរុប ៤ប្រកួត។ ការប្រកួតវគ្គផ្ដាច់ព្រ័ត្រប៉ះក្រុមខេត្តកណ្ដាលគឺយកឈ្នះដោយលទ្ធផល 21-17, 24-22។

ពិធីបំពាក់មេដាយ

បញ្ជាក់ដែរថា មេដាយមាស ១គ្រឿងក្នុងពានរង្វាន់វាយសី ៧មករា នេះជាមេដាយទី១ ហើយក្នុងឆ្នាំ២០២៦ នេះដែល វ៉ាត់ វណ្ណធុន រកបានជូនអង្គភាពកីឡាក្រសួងមហាផ្ទៃ។ ការប្រកួតនេះធ្វើឡើងនៅឯខេត្តព្រះសីហនុ កាលពីថ្ងៃទី១៧ ដល់ ១៨ ខែមករា ឆ្នាំ២០២៦ ជាការអបអរសារទរទិវាជ័យជម្នះ ៧មករា៕

អត្ថបទដោយ៖ នួន ស៊ីណា