ព័ត៍មានទាន់​ហេតុការណ៏
Search

បុគ្គលិក​ធនាគារ​ស្ថាបនា​ម្នាក់​ ត្រូវ​បាន​អតិថិជន​របស់​ខ្លួន ​គ្រោង​នឹង​ដាក់​ពាក្យបណ្ដឹង​ទៅ​តុលាការ​​​ករណី​ឆបោក​ប្រាក់​ចំនួន​ប្រាំ​លាន​រៀល

​ឧ​ត្ត​រ​មាន​ជ័យ ៖ បុគ្គលិក​ធនាគារ​ស្ថាបនា​ ដែល​ប្រចាំការ​នៅ​ស្រុក​ត្រពាំង​ប្រាសាទ​ម្នាក់​ ដែល​គេ​ស្គាល់​ ឈ្មោះ​ អ៊ូ ចំរើន​ នៅ​ថ្ងៃទី​៨ ​ខែ​ឧសភា ​ឆ្នាំ​២០១៩​នេះ ​ត្រូវ​បាន​អតិថិជន​របស់​ខ្លួន​រៀប​ចំ​ពាក្យបណ្តឹង​ទៅ​សាលាដំបូង​ខេត្ត​ឧ​ត្តរមានជ័យ ​ដើម្បី​ជួយ​រក​យុត្តិធម៌​រឿង​ខ្ចីលុយ​មិន​ព្រម​សង​។​

​ពលរដ្ឋ​ជនរងគ្រោះ​ដែលមាន​ឈ្មោះ​ ដោក ភី ​និង ​ប្រពន្ធ​ឈ្មោះ ​ឆែ មុំ​រស់នៅ​ភូមិ​ពពេល​ ឃុំ​ផ្អាវ​ ស្រុក​ត្រពាំង​ប្រាសាទ​បានឲ្យ​ដឹងថា​ នៅក្នុង​អំឡុង​ខែ​មីនា​ ឆ្នាំ​២០១៩​កន្លងទៅ​ ពួកគាត់​បាន​ទៅ​ខ្ចី​ប្រាក់​ពី​ធនាគារ​ស្ថាបនា​ចំនួន​សែសិប​ពីរលាន​រៀល​(៤.២០០.០០០​រៀល)ដោយមាន​ឈ្មោះ ​អ៊ូ ចំរើន​បុគ្គលិក​ធនាគារ​ខាងលើ​ ជា​អ្នករៀបចំ​ឯកសារ​។

​ក្រោយពី​ខ្ចីប្រាក់​បាន​ហើយ​ ឈ្មោះ​អ៊ូ ចំរើន ​បាន​លួងលោម ​និង​សុំ​ខ្ចីលុយ​ពី​ពួកគាត់​ចំនួន​ប្រាំ​លាន​រៀន​(៥.០០០.០០០​រៀល​)​ ដោយ​សន្យាថា​ សង​វិញ​រយៈពេល​ដប់​ថ្ងៃ​ និង​ឲ្យ​ការប្រាក់​ចំនួន​មួយ​លាន​រៀល​(១.០០០.០០០​រៀល)​ផងដែរ​។​

​តែ​អ្វី​នឹកស្មាន​មិន​ដល់​នោះ​គឺ​មកដល់​បច្ចុប្បន្ននេះ​មាន​រយៈពេល​បី​ខែ​ហើយ ដោយ​ឈ្មោះ​អ៊ូ​ ចំរើន​ចេះ​តែ​សន្យាថា​សង​ពីមួយថ្ងៃ​ទៅមួយថ្ងៃ​ដូច​បំពង់​រង់ចាំ​ទឹកភ្លៀង​។​

​ចំពោះ​ករណី​ខាងលើ​ក្រុមការងារ​យើង​មិនអាច​សុំ​ការបំភ្លឺ​ពី​លោក​អ៊ូ ចំរើន ​បុគ្គលិក​ធនាគារ​ស្ថាបនា​ប្រចាំ​ការ​នៅ​ស្រុក​ត្រពាំង​ប្រាសាទ បានទេ​ដោយ​ទូរស័ព្ទ​មិនអាច​ទាក់ទង​បាន​។​

ចំណែក​ លោក ​ទី សំបូរ ប្រធាន​សាខា​ធនាគារ​ស្ថាបនា​ស្រុក​ត្រពាំង​ប្រាសាទ បាន​បញ្ជាក់​ចំពោះ​បញ្ហា​នេះ ​លោក​នឹង​ស៊ើបសួរ​ព័ត៌មាន​ឲ្យ​ច្បាស់លាស់​ និង​មាន​វិធានការ​ទៅតាម​នីតិ​វិធី​របស់​អង្គភាព​៕

 ​



ប្រសិនបើ លោក លោកស្រីចង់ចែករំលែកនូវព័ត៌មានទាន់ហេតុការណ៍ផ្សេងៗ សូមផ្ញើ អ៊ីម៉ែលមកកាន់អាសយដ្ឋានដូចដែលបានបង្ហាញខាងក្រោម។ សម្រាប់ការផ្សាយពាណិជ្ជកម្មលើគេហទំព័រនេះ សូមទំនាក់ទំនងតាមលេខទូរស័ព្ទៈ 012 454 575 និង 012 499 114