ស្រី្ដម្នាក់ត្រូវម៉ូតូមួយគ្រឿងទៀត បុកពីក្រោយដួលផ្ទប់ជាមួយប៉ាឡុងទប់ស្លាកផ្សព្វផ្សាយពាណិជ្ជកម្មស្លាប់ភ្លាមៗ

ស្រ្តីវ័យប្រហែល ៤០ឆ្នាំ ត្រូវម៉ូតូមួយគ្រឿងបុកពីក្រោយ បណ្តាលអោយរុញទៅបុកផ្ទប់ជាមួយ ប៉ាឡុងទប់ស្លាកផ្សព្វផ្សាយពាណិជ្ជកម្ម បែកក្បាលស្លាប់។

ហេតុការណ៍នេះបានកើតឡើងកាលពីវេលាម៉ោង ០៨ នឹង ៣០នាទីយប់ តាមបណ្តោយផ្លូវ ១០១៩ (ហាណូយ) ក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ។

តាមប្រភពព័ត៍មានពីប្រជាពលរដ្ឋបានអោយដឹងថា គេបានឃើញស្រ្តីម្នាក់វ័យប្រហែល ៤០ឆ្នាំ ជិះម៉ូតូស្កុបពី ពណ៍ស ពាក់ស្លាកលេខ ក្រុងព្រះសីហនុ 1A-9183 តាមបណ្តោយផ្លូវ ១០១៩ (ហាណូយ) ទិសដៅពីត្បូងទៅជើង លុះមកដល់ចំណុចកើតហេតុ ក៏ស្រាប់តែមានម៉ូតូមួយគ្រឿង ម៉ាក សង់ឌ្រីម បានបុកពីក្រោយយ៉ាងពេញទំហឹង បណ្តាលអោយរុញម៉ូតូស្រ្តីរងគ្រោះ ទៅបុកផ្ទប់ជាមួយ ប៉ាឡុងទប់ស្លាកផ្សព្វផ្សាយពាណិជ្ជកម្ម បែកក្បាលហូរឈាមស្រោចជោគពេញផ្លូវ។ ភ្លាមៗ ម៉ូតូបង្កបានបន្ថែមល្បឿន ជិះរត់គេចខ្លួនបាត់ស្រមោលតែម្តង បន្សល់ទុកតែស្រ្តីរងគ្រោះ នៅកន្លែងគ្រោះថ្នាក់។

ក្រោយកើតហេតុ សមត្ថកិច្ចមូលដ្ឋានបានចុះមកកាន់ទីតាំងកើតហេតុ វាស់វែង និង ធ្វើកំណត់ហេតុ ប្រគល់សពជូនក្រុមគ្រួសារសាច់ញ្ញាត្តិ យកទៅធ្វើបុណ្យតាមប្រពៃណី៕ អត្ថបទ ៖ រដ្ឋា