ព័ត៌មានជាតិ
អាជ្ញាធរទុកពេលដល់ចុងខែមិថុនា ឱ្យរុះរើសំណង់ខុសច្បាប់ ចូលក្នុងព្រែកកោះប៉ោ
អាជ្ញាធរក្រុងខេមរភូមិន្ទ ខេត្តកោះកុង ចេញបញ្ជាទុកពេលដល់ថ្ងៃទី៣០ ខែមិថុនានេះ ដើម្បីម្ចាស់រុះរើជាបន្ទាន់នូវសំណង់ខុសច្បាប់មួយកន្លែង ស្ថិតនៅភូមិ១ សង្កាត់ស្មាច់មានជ័យ ដែលលួចសង់រំលោភចូលក្នុងព្រែកោះប៉ោ។
លោក ឈេង សុវណ្ណដា អភិបាលក្រុងខេមរភូមិន្ទ តាមរយៈលិខិតជូនដំណឹងសាធារណៈ បានឱ្យដឹងថា ឈ្មោះ តែ ឃុនម៉ុង ជាម្ចាស់សំណង់ បានលួចសាងសង់សំណង់ជារីស៊ត និងភោជនីយដ្ឋាន ចូលក្នុងព្រែកកោះប៉ោ ដោយគ្មានការសម្របសម្រួលផ្តល់លិខិតអនុញ្ញាតពីអាជ្ញាធរមូលដ្ឋាន និងមន្រ្តីជំនាញពាក់ព័ន្ធឡើយ។
លោកអភិបាលក្រុងខេមរភូមិន្ទ បញ្ជាក់ទៀតថា ចាប់ពីថ្ងៃជូនដំណឹងនេះទៅ រហូតដល់ថ្ងៃទី៣០ ខែមិថុនា ខាងមុខ ម្ចាស់សំណង់ខុសច្បាប់នេះ ត្រូវការសហការជាមួយអាជ្ញាធរពាក់ព័ន្ធ រុះរើចេញជាបន្ទាន់។ ករណីរឹងរូសមិនអនុវត្តតាម រដ្ឋបាលក្រុង នឹងចាត់វិធានការផ្លូវច្បាប់ស្នើសុំនីតិវិធីក្នុងការរុះរើ និងមិនទទួលខុសត្រូវលើការបាត់បង់ការខូចខាតសម្ភារៈផ្សេងៗឡើយ។
បើតាមលោក ឈេង សុវណ្ណដា មុននឹងមានវិធានការរដ្ឋបាលបែបនេះ រដ្ឋបាលក្រុងបានចាត់មន្រ្តីជំនាញបច្ចេកទេសពិនិត្យសិក្សាពីការប៉ះពាល់ កាលពីថ្ងៃទី១៣ មិថុនា កន្លងទៅ។ លោកបានមានយន្តការលើកទឹកចិត្តដល់អាជីវករ និងប្រតិបត្តិករបម្រើសេវាកម្មទេសចរណ៍ជាភោគជនីយដ្ឋានមួយចំនួនលើផងដែរ ដើម្បីបដិសណ្ឋាកិច្ចភ្ញៀវទេសចរមកលេងកម្សាន្ត។
លោកអភិបាលក្រុងខេមរភូមិន្ទ ពន្យល់បន្ថែមថា កាលធ្វើសំណង់មានច្បាប់ទម្លាប់ត្រឹមត្រូវ តែងមានមន្រ្តីជំនាញបច្ចេកទេសពិនិត្យវាយតម្លៃពីផលប៉ះពាល់ផ្សេងៗ និងធ្វើកិច្ចសន្យា តែករណីម្ចាស់សំណង់ណាមួយធ្វើដោយចិត្តឯងគឺដាច់ខាតត្រូវបានរុះរើចេញ។
“កម្ពុជាថ្មី” ពុំទាន់អាចសុំការពន្យល់បានទេពីឈ្មោះ តែ ឃុនម៉ុង ជាម្ចាស់សំណង់ខុសច្បាប់ខាងលើ ថាតើរូបលោកនឹងចូលរួមសហការរុះរើជាមួយអាជ្ញាធរ ឬយ៉ាងណា? បើគ្មានច្បាប់អនុញ្ញាត ហេតុអី្វលោកអាចធ្វើសំណង់នេះបាន?
ក្រុមប្រជាពលរដ្ឋក្រីក្រដែលមានលំនៅដ្ឋានក្បែរសំណង់ខុសច្បាប់ នាំគ្នាត្អូញត្អែរពីសកម្មភាពឈ្មោះ តែ ឃុនម៉ុង តែងធ្វើដោយរំលោភច្បាប់ អាងតែខ្លួនស្គាល់អ្នកធំមានអំណាច ទើបហ៊ានលួចធ្វើសំណង់គ្មានច្បាប់ទាំងនេះឡើង ដោយមិនញញើតនរណាទេ ឬពុំមានការទប់ស្កាត់ពីអាជ្ញាធរភូមិសង្កាត់នោះឡើយ។
តំណាងពលរដ្ឋលើកឡើងថា ប្រសិនបើពួកគាត់ចង់ជួសជុលផ្ទះរបស់ខ្លួនបន្តិចបន្តួចលើផ្ទៃទឹកដែលមានអាយុកាលយូរឆ្នាំមកហើយនោះ តែបែរជាអាជ្ញាធរមូលដ្ឋានមកហាមឃាត់ទៅវិញ ដោយនិយាយថា ច្បាប់មិនអនុញ្ញាតឱ្យសាងសង់សំណង់រឹងលើចំណីសមុទ្រឡើយ។ ជាក់ស្តែងរីឯឈ្មោះ តែ ឃុនម៉ុង បែរជាធ្វើសំណង់រហូតដល់ទៅ ៣ទីតាំងបានយ៉ាងរលូនទៅវិញ ទាំងបំពានច្បាប់៕
អត្តបទ៖ សិរីវឌ្ឍនៈ
-
ព័ត៌មានជាតិ១៨ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)