ព័ត៌មានជាតិ
អាជ្ញាធរសមត្ថកិច្ចចម្រុះ ខេត្តកំពង់ឆ្នាំង បង្ហាញលទ្ធផលចុះបង្ក្រាបបទល្មើសនេសាទរយៈពេល ៣ ខែ
នាយខណ្ឌរដ្ឋបាលជលផលលោក លីឡា នៅល្ងាចថ្ងៃទី ២៣ ខែមិថុនា ឆ្នាំ២០២២ នេះបានឱ្យដឹងថា ចាប់ពីថ្ងៃទី២៤ ខែមីនា ដល់ថ្ងៃទី ២២ ខែមិថុនាឆ្នាំ២០២២ អ្នកស្ម័គ្រចិត្តប្រគល់ឧបករណ៍ឆក់ត្រីជូនសមត្ថកិច្ចបានចំនួន ៥០៩គ្រឿង (ឆក់ក្តៅ ៤៦២ គ្រឿង និងឆក់ត្រជាក់៤៧គ្រឿង)និងដកហូតអួនហ៊ុម ចំនួន ៩វង់។
តាមរបាយការណ៍ របស់នាយខណ្ឌរដ្ឋបាលជលផលបង្ហាញថា ការប្រើប្រាស់ឧបករណ៍ នេសាទឆក់ត្រី៤ ករណី៖ គឺឃាត់ខ្លួនជនល្មើសចំនួន ៤នាក់ បញ្ជូនទៅតុលាការ (ប្រើឧបករណ៍ឆក់ត្រីចំនួន ២នាក់ និងទិញលក់ត្រីបានពីការប្រើឧបករណ៍ ឆក់ត្រី ចំនួន ២នាក់)។
បូមពង្រីង១ករណី មានជនសង្ស័យ២នាក់បញ្ជូនឈ្មោះទៅតុលាការ វត្ថុតាង ម៉ាស៊ីនបូមទឹក ចំនួន២គ្រឿង ទុយោ១៣ ម៉ែត្រ អួន ចំនួន១វង់។ ពង្រីកដីកសិកម្ម២ករណី មានជនសង្ស័យ២ នាក់ឃាត់ខ្លួនទៅតុលាការ និង១០ នាក់បញ្ជូនឈ្មោះ ទៅតុលាការ វត្ថុតាង គោយន្ត០១គ្រឿង ផ្ទៃដីពង្រីក ១៣,៥០ហិតា។
របាយការណ៍ដដែលលើកឡើងថា ការរុះរើបំផ្លាញចោល ចំនួន៩២ករណី ក្នុងនោះមាន របាំងសាច់អួនចំនួន ៤៨ ករណី មាន ២៤៦កន្លែង ប្រវែង១៦ ៨៨០ម។ របាំងស្បៃមុង ចំនួន ១៨ករណី មាន៩៣កន្លែងប្រវែង ៤០៦៥ ម៉ែត្រ។ សម្រាស់ចំនួន ២៥ករណី ស្មើ១៣៤កន្លែង ទំហំ ១៩២៦០ ម៉ែត្រការ៉េ។
លបកន្ទុយកណ្តុរចំនួន ១ ករណីមាន ៤០ ខ្សែ ប្រវែង ២៤០ ម៉ែត្រ។ ក្នុងនោះបានរុះរើបង្គោលចំនួន១៥ ២៨៥ ដើម បំផ្លាញចោលលូសាច់អួន ចំនួន ២៤៧ មាត់លូស្បៃមុង ចំនួន៨៦មាត់ និងអួនហ៊ុសម្រាស់ចំនួន ៣ វង់។
តាមបទបញ្ជារបស់គណៈបញ្ជាការឯកភាពរដ្ឋបាលខេត្តកំពង់ឆ្នាំងសមត្ថកិច្ចចម្រុះ និងបន្តចុះប្រតិបត្តិការបង្ក្រាបបទល្មើសនេសាទជាបន្តបន្ទាប់ទៀតមិនអនុញ្ញាតឲ្យបទល្មើសនេសាទកើតមានយ៉ាងអាណាធិបតេយ្យទៀតឡើយ៕
អត្ថបទ៖ ឈៀងថារិទ្ធ
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ