ព័ត៌មានជាតិ
សម្ដេចតេជោ មិនដែលហាមឃាត់យន្ដហោះបរទេស ដឹកអតីតមេបក្សប្រឆាំងមកកម្ពុជាទេ តែពេលមកដល់ ខ្នោះ និងគុក ស្វាគមន៍
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានអះអាងថា សម្ដេច មិនដែលចេញបទបញ្ជាមិនឲ្យយន្ដហោះបរទេសដឹកទណ្ឌិត សម រង្ស៊ី អតីតមេបក្សប្រឆាំងមកកម្ពុជានោះឡើយ គឺមានតែបញ្ជាក់ថា ពេលដល់ទណ្ឌិតរូបនេះមកដល់ស្រុកខ្មែរ គឺនឹងត្រូវស្វាគមន៍ដោយខ្នោះ និងគុក។
សម្ដេចតេជោ ហ៊ុន សែន បានថ្លែងក្នុងពិធីប្រគល់សញ្ញាបត្រដល់និស្សិត នៃសាកលវិទ្យាល័យជាតិគ្រប់គ្រងជាង ៦ពាន់នាក់ នាព្រឹកថ្ងៃទី ១៧ ខែតុលានេះថា សម្ដេច មិនដែលហាមឃាត់យន្ដហោះបរទេសដឹកទណ្ឌិត សម រង្ស៊ី មកកម្ពុជានោះឡើយ គ្រាន់តែពេលមកដល់នឹងត្រូវស្វាគមន៍ដោយខ្នោះ និងគុក តែប៉ុណ្ណោះ។
សម្ដេចតេជោ ហ៊ុន សែន បានថ្លែងយ៉ាងដូច្នេះថា «រួចហើយថា ខ្ញុំទៅហាមឃាត់ អីណា ជាមួយនឹងយន្ដហោះបរទេស មិនឲ្យដឹក ខ្ញុំសូមបញ្ជាក់ថា ខ្ញុំមិនបានហាមឃាត់ទេ អ្នកណាចង់ដឹកអីដឹកទៅ ដឹកមក សូមអញ្ជើញដឹកមក បញ្ជាក់ឡើងវិញគេថា ឲ្យលោក ហ៊ុន សែន ដកបម្រាម ខ្ញុំមានដែលបញ្ជាឯណា»។
បើតាមសម្ដេចតេជោ ហ៊ុន សែន អ្វីដែលសម្ដេចបញ្ជាក់នោះ គឺពេលទណ្ឌិត សម រង្ស៊ី មកដល់ប្រទេសកម្ពុជា នឹងត្រូវស្វាគមន៍ដោយខ្នោះ និងគុកប៉ុណ្ណោះ។ សម្ដេចតេជោនាយករដ្ឋមន្ត្រី បានថ្លែងយ៉ាងដូច្នេះថា «ប៉ុន្តែអ្វីដែលខ្ញុំបញ្ជាក់ គឺតែប៉ុណ្ណេះទេ មកដល់ស្វាគមន៍ដោយខ្នោះតែប៉ុណ្ណឹងទេ ព្រោះទោសអ្នកឯងប៉ុន្មានទៅ អត់រួចខ្លួនទេអាពៅ»។
សម្ដេចតេជោ ហ៊ុន សែន បានគូសបញ្ជាក់ជាថ្មីទៀតថា សម្ដេច នឹងមិនស្នើសុំទៅព្រះមហាក្សត្រ ដើម្បីលើកលែងទោសដល់ទណ្ឌិត សម រង្ស៊ី អតីតមេបក្សប្រឆាំងរត់ចោលស្រុកទៀតឡើយ៕
អត្ថបទ៖ ឃួន សុភ័ក្រ
-
សេដ្ឋកិច្ច៧ ថ្ងៃ ago
ធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ១ សប្តាហ៍ ago
ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
សេដ្ឋកិច្ច៤ ថ្ងៃ ago
គម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ជីវិតកម្សាន្ដ១ សប្តាហ៍ ago
សារព័ត៌មានកូរ៉េលើកហេតុផល គ្មានអ្នកហ៊ានពហិការ ក្រោយ Lisa បង្ហាញស្នេហាជាមួយកូនសេដ្ឋី LV
-
ព័ត៌មានអន្ដរជាតិ១ សប្តាហ៍ ago
វិមានសេដ្ឋីកាស៊ីណូ ហុងកុង ធ្លាប់រស់ជាមួយភរិយាទីមួយ ដាក់លក់តម្លៃ ៣៨៣លានដុល្លារ ក្នុងន័យចែកទ្រព្យ
-
ព័ត៌មានអន្ដរជាតិ២ ថ្ងៃ ago
រុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ
-
សន្តិសុខសង្គម៧ ថ្ងៃ ago
ព័ត៌មានបឋម៖ អគ្គិភ័យកំពុងឆេះស្ថានីយប្រេងឥន្ធនៈនៅខេត្តព្រះវិហារ(មានវីដេអូ)
-
ព័ត៌មានជាតិ១ សប្តាហ៍ ago
ភ្លៀងមួយមេលើកដំបូងធ្វើឲ្យផ្ទះពលរដ្ឋ៣៣ខ្នងរលំ និងប៉ើងដំបូល