ព័ត៌មានអន្ដរជាតិ
ថៃ អនុម័តច្បាប់ ហាមបណ្តេញសិស្សនិស្សិតមានផ្ទៃពោះ ចេញពីសាលា
បទប្បញ្ញត្តិថ្មីរបស់ថៃ ដែលហាមប្រាមសាលារៀន មហាវិទ្យាល័យ និងសាកលវិទ្យាល័យពីការបណ្តេញចេញ ឬផ្ទេរសិស្សនិស្សិតមានផ្ទៃពោះ បានចូលជាធរមានហើយ ដែលវិធានការនេះមានគោលបំណងធ្វើឲ្យប្រសើរឡើងនូវការការពារសិទ្ធិសិស្សនិស្សិត។
បទប្បញ្ញត្តិនេះចែងថា គ្រឹះស្ថានអប់រំទាំងអស់នៅក្នុងប្រទេសថៃ មិនត្រូវបណ្ដេញសិស្សនិស្សិតមានផ្ទៃពោះ ឬបង្ខំពួកគេឲ្យផ្ទេរទៅសាលាផ្សេង ផ្ទុយពីឆន្ទៈរបស់ពួកគេឡើយ។
បទប្បញ្ញត្តិនេះក៏និយាយផងដែរថា ចំណាត់ការនេះមានគោលបំណងធានាការការពារសិទ្ធិរបស់សិស្សនិស្សិត ក្នុងការទទួលបានការអប់រំត្រឹមត្រូវ។
ក្រសួងអប់រំថៃនិយាយថា បទប្បញ្ញត្តិនេះក៏ជាផ្នែកនៃផែនការរបស់រដ្ឋាភិបាលក្នុងការដោះស្រាយការមានគភ៌ក្នុងវ័យជំទង់ និងផលប៉ះពាល់របស់ពួកគេទៅលើជីវិតរបស់យុវជនផងដែរ។
យោងតាមក្រសួង អត្រាបោះបង់ការសិក្សាក្នុងចំណោមសិស្សនិស្សិតដែលមានផ្ទៃពោះ បាននិងកំពុងធ្លាក់ចុះចាប់តាំងពីច្បាប់ឆ្នាំ២០១៦មក នៅពេលការការពារ និងដំណោះស្រាយនៃការមានផ្ទៃពោះនៅវ័យជំទង់ ត្រូវបានដាក់ឲ្យអនុវត្ត។
ក្នុងឆ្នាំ២០១៦ សិស្សនិស្សិតមានផ្ទៃពោះត្រឹមតែ១៣,៧%ប៉ុណ្ណោះ ដែលបានបន្តការសិក្សានៅសាលាខណៈរហូតដល់ទៅ ៥៣,៥% បានឈប់រៀន។
ក្នុងឆ្នាំ២០២១ ភាគរយនៃសិស្សនិស្សិតដែលបន្តការសិក្សាបន្ទាប់ពីមានផ្ទៃពោះ បានកើនឡើងដល់ ៣៣,៨% ខណៈភាគរយនៃអ្នកដែលឈប់រៀនបានធ្លាក់ចុះមកត្រឹម ៣៦,១%៕
ប្រែសម្រួល៖ Vann Vann
ប្រភព៖ Bangkok Post
ចុចអាន៖ ថៃ ចេញច្បាប់ “ហាមដុតព្រៃឈើ” ដើម្បីទប់ស្កាត់បញ្ហាបំពុលខ្យល់
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង