ព័ត៌មានអន្ដរជាតិ
ប្រវត្តិកកើត និងរឿងរ៉ាវឈានដល់ការរំលាយគណបក្សរបស់លោកស្រី អ៊ុងសាន ស៊ូជី
គណបក្សសម្ព័ន្ធជាតិដើម្បីលទ្ធិប្រជាធិបតេយ្យ (NLD) របស់លោកស្រី អ៊ុងសាន ស៊ូជី កាលពីពេលថ្មីៗនេះ ត្រូវបានគណៈកម្មាធិការរៀបចំការបោះឆ្នោតមីយ៉ាន់ម៉ា ប្រកាសរំលាយចោល ដោយសារតែខកខានក្នុងការចុះឈ្មោះឡើងវិញ ក្រោមច្បាប់បោះឆ្នោតថ្មីដែលតាក់តែងឡើងដោយយោធា ។
នេះមិនមែនជាលើកទី១ ទេ ដែលគណបក្សប្រកាន់ខ្ជាប់លទ្ធិប្រជាធិបតេយ្យសេរី មានបញ្ហាមិនចេះមិនចេះហើយបែបនេះ ។ ជាក់ស្ដែងបើទោះបីជាទទួលបានជ័យជម្នះភ្លូកទឹកភ្លូកដីនៅក្នុងការបោះឆ្នោតសកលទាំងនៅឆ្នាំ ២០១៥ និងឆ្នាំ ២០២០ ក៏ដោយ ប៉ុន្តែគណបក្សនេះ បែរជាត្រូវបានផ្ដួលរំលំនៅក្នុងរដ្ឋប្រហារយោធាជាបន្តបន្ទាប់ ជាពិសេសកាលពីដើមឆ្នាំ ២០២១ ។
បង្កើតឡើងនៅថ្ងៃទី២៧ ខែកញ្ញា ឆ្នាំ ១៩៨៨ ដោយលោកឧត្តមសេនីយត្រី Aung Gyi ខណៈលោកស្រី អ៊ុងសាន ស៊ូជី អតីតទីប្រឹក្សារដ្ឋនៃប្រទេសមីយ៉ាន់ម៉ា មានតួនាទីជាប្រធាន, គណបក្សនេះបានឈ្នះសំឡេងភាគច្រើននៅក្នុងសភាសម្រាប់ការបោះឆ្នោតសកលឆ្នាំ ១៩៩០ ។
ទោះយ៉ាងណាក៏ដោយ នៅពេលនោះយោធាដែលកំពុងកាន់អំណាចបានបដិសេធមិនទទួលស្គាល់លទ្ធផលនេះនោះទេ ហើយរហូតដល់ថ្ងៃទី៦ ខែឧសភា ឆ្នាំ ២០១០ គណបក្សនេះត្រូវបានគេរកឃើញថាខុសច្បាប់ ហើយត្រូវបានបញ្ជាឲ្យរំលាយចោលដោយយោធា បន្ទាប់ពីបដិសេធមិនចុះឈ្មោះសម្រាប់ការបោះឆ្នោតដែលបានគ្រោងទុកនៅខែវិច្ឆិកា ឆ្នាំ ២០១០ ។
ក្រោយមកនៅក្នុងខែវិច្ឆិកា ឆ្នាំ ២០១១ គណបក្ស NLD បានប្រកាសពីចេតនារបស់ខ្លួនក្នុងការចុះឈ្មោះជាគណបក្សនយោបាយដើម្បីប្រកួតប្រជែងការបោះឆ្នោតឆ្នាំ ២០១២ ហើយគណៈកម្មការរៀបចំការបោះឆ្នោតដែលនៅពេលនោះមានឈ្មោះថា “សហភាពមីយ៉ាន់ម៉ា” បានយល់ព្រមលើពាក្យសុំចុះឈ្មោះរបស់ពួកគេនៅថ្ងៃទី១៣ ខែធ្នូ ឆ្នាំ ២០១១ ។
នៅក្នុងការបោះឆ្នោតកាលពីឆ្នាំ ២០១២ នោះ លទ្ធផលពិតជាបានសមប្រកប និងលើសពីការរំពឹងទុកទៅទៀត ពោលគណបក្ស NLD បានប្រជែងឈ្នះលើគណបក្សប្រជាធិបតេយ្យជាតិសាន (SNDP) ដោយទទួលបានអាសនៈចំនួន ៤៤ ក្នុងចំណោមអាសនៈ ៤៥ ។
រហូតមកដល់ការបោះឆ្នោតសកលឆ្នាំ ២០១៥ គណបក្ស NLD នៅតែខ្លាំង ដោយគណបក្សនេះបានឈ្នះសំឡេងភាគច្រើននៅក្នុងសភាទាំងពីរ ជាពិសេសគឺមានប្រធានាធិបតីមិនមែនជាយោធាជាលើកដំបូងរបស់ប្រទេសក្នុងរយៈពេល ៥៤ ឆ្នាំ ។
ទោះជាយ៉ាងណា គណបក្ស NLD កាន់កាប់អំណាចបានតែប៉ុន្មានឆ្នាំប៉ុណ្ណោះ ពោលកាលពីថ្ងៃទី១ ខែកុម្ភៈ ឆ្នាំ ២០២១ យោធាដែលដឹកនាំដោយលោក មីន អ៊ុងឡាំង បានធ្វើរដ្ឋប្រហារទម្លាក់រដ្ឋាភិបាលស៊ីវិលរបស់លោកស្រី អ៊ុងសាន ស៊ូជី ដោយលើកហេតុផលអំពីការក្លែងបន្លំសន្លឹកឆ្នោតនៅក្នុងការបោះឆ្នោតកាលពីចុងឆ្នាំ ២០២០ ។
នៅថ្ងៃទី២១ ខែឧសភា ឆ្នាំ ២០២១ គណៈកម្មាធិការរៀបចំការបោះឆ្នោតដែលគ្រប់គ្រងដោយរដ្ឋាភិបាលយោធាមីយ៉ាន់ម៉ា (UEC) បានប្រកាសពីផែនការរំលាយគណបក្ស NLD ជាអចិន្ត្រៃយ៍តែម្ដង ប៉ុន្តែក្រោយមកយោធាបានច្រានចោលសេចក្ដីសម្រេចចិត្តនេះវិញ ។
ទោះជាយ៉ាងណា សេចក្ដីសម្រេចរំលាយចោលគណបក្ស NLD ហាក់រះឡើងវិញ ដោយសារតែគណបក្សរបស់លោកស្រី អ៊ុងសាន ស៊ូជី មួយនេះ ប្រកាសមិនចុះឈ្មោះក្នុងការបោះឆ្នោតសកលនាពេលខាងមុខ និងថែមទាំងបញ្ជាក់ទៀតថា ការបោះឆ្នោតនេះគឺមិនសេរី និងគ្មានយុត្តិធម៌ ហើយក៏នឹងមិនទទួលស្គាល់លទ្ធផលនៃការបោះឆ្នោតណាមួយដែលធ្វើឡើងដោយយោធានេះផងដែរ ទើបធ្វើឲ្យយោធាក្ដៅចិត្ត និងប្រកាសរំលាយគណបក្ស NLD ចោលតែម្ដងនៅថ្ងៃទី២៨ ខែមីនា ឆ្នាំ ២០២៣ នេះ ៕
ប្រែសម្រួលដោយ ៖ ជីវ័ន្ត
ប្រភព ៖ Wikipedia
ចុចអាន ៖ យោធាមីយ៉ាន់ម៉ា រំលាយគណបក្សរបស់លោកស្រី អ៊ុងសាន ស៊ូជី
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៥ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ