ព័ត៍មានទាន់​ហេតុការណ៏
Search

ជនជាតិ​កូរ៉េ​ម្នាក់ ​ដេក​ស្លាប់​ក្នុង​បន្ទប់​ខុន​ដូ មេន​សុន​រ៉ាប់​បី​ សង្ស័យ​មាន​ជំងឺ​ប្រចាំ​កាយ

ភ្នំពេញ ​៖​ បុរស​ជនជាតិ​កូរ៉េ​ម្នាក់​ ដេក​ស្លាប់​ក្នុង​បន្ទប់​ខុន​ខុន​ដូ មេន​សុន​រ៉ាប់​បី ដោយសារ​មាន​ជំងឺ​ប្រចាំកាយ ស្ថិត​ក្នុងភូមិ​ទ្រុងមាន់ សង្កាត់​អូ​បែកក្អម ខណ្ឌ​សែន​សុខ កាលពី ព្រឹក​ថ្ងៃទី​៣១ ខែធ្នូ ឆ្នាំ​២០១៦។

សព​ជនបរទេស​ ដែល​ដេកស្លាប់​នោះ ឈ្មោះ​YOUN MiN CHUL ជា​ជនជាតិ​កូរ៉េខាងត្បូង ភេទ​ប្រុស​អាយុ​៥០​ឆ្នាំ កាន់​លិខិតឆ្លងដែន​លេខ​M46574776 មុខរបរ​នាយក​ក្រុមហ៊ុន​ម៉ាស៊ីន​ចម្រោះ​ទឹក​ស្អាត “​ហ្គ​ន​សាន់​” ។​

ស្ត្រី​ឈ្មោះ គង់ សុគ​ន្ធី អាយុ​៣០​ឆ្នាំ ដែល​ជា​អ្នកធ្វើ​ចុងភៅ​រស់នៅ​ជាមួយ​សព​បាន​ឲ្យ​ដឹង​ថា ​កាលពី​ម្សិលមិញ​ថ្ងៃ​ទី​២៩​ ជនរងគ្រោះ​មាន​សភាព​មិន​ស្រួលខ្លួន​ដោយមាន​ អាការៈ​រាក​ខ្លាំង​ ហើយ​ប្រពន្ធ​របស់​គាត់​បាន​ឲ្យ​ទៅ​ពេទ្យ​ដែរ​ តែ​គាត់​មិន​ព្រម​ទៅ​ លុះដល់​ព្រឹក​កើតហេតុ​ ស្រាប់តែ​ឃើញ​គាត់​ដេក​ស្លាប​យ៉ាង​តែ​ម្តង។

តាម​សម្ដី​បុរស​ម្នាក់​ជា​អ្នកបើក​ឡាន​ឲ្យ​ជនរងគ្រោះ​(​សព​)​នោះបាន​ឲ្យ​ដឹងថា​÷​គាត់​ធ្លាប់​ដឹង​តាមរយៈ​ប្រពន្ធ​ជនរងគ្រោះ​ថា ​ថៅកែ​របស់គាត់​មាន​ជំងឺ​ប្រចាំ​កាយ​គឺ​”​ជំងឺលើសឈាម​និង​ជំងឺ​ទឹកនោមផ្អែម​”​យូរណាស់​មកហើយៗ​គាត់​ទៅ​ព្យាបាល​នៅ​មន្ទីរពេទ្យ​ប្រទេស​កូរ៉េ​ទើបតែ​មកវិញ ​ដោយបាន​ទិញ​ខុន​ដូ​ខាងលើ​ស្នាក់​នៅបាន​៦​ខែ​តែប៉ុណ្ណោះ​។​

ប្រភព​ដដែល​បាន​បន្តទៀតថា​ មុនពេល​កើតហេតុ​កាលពី​យប់មិញ​គឺ​ជនរងគ្រោះ​(​សព​)​អា​ការៈ​មិន​ស្រួលខ្លួន​ ប៉ុន្តែ​ដោយសារតែ​គាត់​មិន​ព្រមទៅ​ពេទ្យ​ លុះដល់​ព្រឹក​ឡើង​ជនរងគ្រោះ​ស្ថានភាព​ជំងឺ​ធ្ងន់ធ្ងរ​ទើប​ប្រពន្ធ​និង​អ្នកបើក​បរបាន​ទាក់ទង​ហៅ​រថយន្ត​សា​មុយ​ដើម្បី​ដឹក​គាត់​ទៅ​ព្យាបាល​នៅ​មន្ទីរពេទ្យ​ដែរ ប៉ុន្តែ​នៅពេល​ឡានពេទ្យ​មកដល់​បាន​ប្រាប់ថា​គាត់​ស្លាប់​បាត់ទៅហើយ​ទើប​រាយការណ៍​ប្រាប់​សមត្ថកិច្ច​មូលដ្ឋាន​អោយ​ចុះមក​ពិនិត្យ​។​

ក្រោយពី​សមត្ថកិច្ច​ជំនាញ​ផ្នែក​កោសល្យវិច័យ​ចុះទៅពិនិត្យ​សាកសព​រួច​ បាន​សន្និដ្ឋានថា សព​ពិតជា​ស្លាប់​ដោយសារ​មាន​ជំងឺ​ប្រចាំ​កាយ​ពិតប្រាកដ​មែន​ គឺ​ជំងឺ​ទឹកនោមផ្អែម​ និង​ជំងឺលើសឈាម​ដោយ​ពុំមាន​ជាប់​ពាក់ព័ន្ធ​ករណី​ឃាតកម្ម​អ្វី​ទេ​។​ ​សមត្ថកិច្ច​បានប្រគល់​សព​ឲ្យ​ទៅ​ក្រុមគ្រួសារ​យកទៅ​ធ្វើបុណ្យ​តាម​ប្រពៃណី៕



ប្រសិនបើ លោក លោកស្រីចង់ចែករំលែកនូវព័ត៌មានទាន់ហេតុការណ៍ផ្សេងៗ សូមផ្ញើ អ៊ីម៉ែលមកកាន់អាសយដ្ឋានដូចដែលបានបង្ហាញខាងក្រោម។ សម្រាប់ការផ្សាយពាណិជ្ជកម្មលើគេហទំព័រនេះ សូមទំនាក់ទំនងតាមលេខទូរស័ព្ទៈ 012 454 575 និង 012 499 114