កីឡា

Thiago និយាយភាសាទាំងនេះដល់អ្នកគាំទ្រខ្មែរពេលឈ្នះខ្សែក្រវាត់ WMO យប់មិញ

បានផុស

១២ ខែ មុន

នៅ

ថ្ងៃអាទិត្យ ២ មេសា ២០២៣

ដោយ

អ្នកប្រដាល់ប្រេស៊ីល Thiago Teixeira បានប្រកាសប្រាប់ដល់សង្វៀន Apex Fight Series ពីទំហំអ្នកគាំទ្រខ្មែរដែលស្រឡាញ់ចូលចិត្ត និងគាំទ្ររូបគេ នៅពេលផ្តួលកីឡាករអង់គ្លេស Joe Craven ឲ្យសន្លប់ក្នុងទឹកទី២ ដើម្បីឈ្នះខ្សែក្រវាត់មួយថៃពិភពលោក (WMO) នៅប្រទេសអាល្លឺម៉ង់កាលពីយប់មិញ។

នៅទឹកទី១ កីឡាករអង់គ្លេស Joe Craven ដែលពេញកម្លាំងអាយុ២៥ឆ្នាំ និងធ្លាប់ប្រកួតបាន៣៧ដង ក្នុងនោះឈ្នះ៣១ដង និងចាញ់៦ដង បង្ហាញទម្រង់ប្រកួតគួរឲ្យចាប់អារម្មណ៍តាមរយៈការទាត់ និងឡើងជង្គង់ ស្របពេលកីឡាករគុនខ្មែរ Thiago Teixeira ចេញកណ្តាប់ដៃមួយៗ និងការពារជំហរបានល្អ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅទឹកទី២ Thiago ធ្វើបានល្អខ្លាំងមែនទែនដោយប្រើកណ្តាប់ដៃវ៉ៃឲ្យ Joe Craven ដួលនៅដើមទឹក និងត្រូវអាជ្ញាកណ្តាលរាប់៨លើកទី១។ បន្ទាប់ពីត្រូវបានអាជ្ញាកណ្តាលរាប់ កីឡាករអង់គ្លេសបានតាំងស្មារតី និងតស៊ូប្រយុទ្ធឡើងវិញបានល្អ ប៉ុន្តែចុងទឹកទី២ត្រូវមួយកែងរបស់កីឡាករប្រេស៊ីល ដួលលើកទី២ ត្រូវអាជ្ញាកណ្តាលរាប់ម្តងទៀត ហើយបញ្ឈប់ការប្រកួតតែម្តង។

ក្រោយចប់ការប្រកួតឆ្លើយតបនឹងសំនួររបស់ពិធីករ Thiago បាននិយាយថា ៖«ជាដំបូង ខ្ញុំសូមថ្លែងអំណរព្រះគុណព្រះយេស៊ូ។ ទី២ ខ្ញុំសូមអរគុណដល់អ្នកគាំទ្ររបស់ខ្ញុំគឺ Rami អរគុណអ្នកម្តាយរបស់ខ្ញុំនៅប្រេស៊ីល ហើយអរគុណអ្នកគាំទ្រគុនខ្មែរ។ សូមអរគុណខ្លាំងណាស់ដល់អ្នកគាំទ្រកម្ពុជា។ ពួកគាត់ស្រឡាញ់ចូលចិត្តខ្ញុំខ្លាំងណាស់»៕