ព័ត៌មានអន្ដរជាតិ

ម្ចាស់ហាងភ្ញាក់ផ្អើល ក្រោយដឹងថាបុគ្គលិកលាងចាន ជិះសុទ្ធតែរថយន្ត Bentley មកធ្វើការ

បានផុស

១២ ខែ មុន

នៅ

ថ្ងៃព្រហស្បតិ៍ ៦ មេសា ២០២៣

ដោយ

ប្រព័ន្ធផ្សព្វផ្សាយរបស់បណ្ដាញសង្គមក្នុងប្រទេសចិន បានចែករំលែកពីវីដេអូឃ្លិបរបស់បុគ្គលិកលាងចានម្នាក់នៅភោជនីយដ្ឋានមួយ នៃខេត្តស៊ីឈួន។ ដោយស្ត្រីវ័យកណ្តាលនោះស្លៀកពាក់សាមញ្ញ ប៉ុន្តែអ្វីដែលមិនធម្មតានោះគឺ គាត់តែងធ្វើដំណើរទៅមកក្នុងរថយន្តទំនើប Bentley មានតម្លៃរាប់លានដុល្លារឯណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

របាយការណ៍បញ្ជាក់ថា ស្ត្រីរូបនេះត្រូវម្ចាស់ហាងជួលឲ្យលាងចាននៅក្នុងភោជនីយដ្ឋាន ហើយគាត់តែងធ្វើសកម្មភាពធម្មតាដូចបុគ្គលិកធម្មតា។ ប៉ុន្តែថ្ងៃមួយ មិត្តរួមការងារម្នាក់បានជួបគាត់ចាកចេញពីក្នុងរថយន្តទំនើបមួយគ្រឿង។ នៅពេលសួរការពិត ស្ត្រីនេះឆ្លើយដោយស្មោះថា អ្នកបើករថយន្ត Bentley មកទទួលរាល់ថ្ងៃ គឺជាកូនស្រីរបស់គាត់ ហើយគោលបំណងនៃការមកធ្វើការនៅក្នុងភោជនីយដ្ឋានមិនមែនដើម្បីប្រាក់នោះទេ។ ប៉ុន្តែគាត់ធុញទ្រាន់នឹងការស្នាក់នៅផ្ទះ ហើយវានឹងមិនស្រួលខ្លាំងទេ ប្រសិនបើចានមិនត្រូវបានលាងសម្អាតក្នុងមួយថ្ងៃៗ។

ទោះបីជាកូនស្រីបានសុំម្តាយឲ្យសម្រាកនៅផ្ទះក៏ដោយ។ ប៉ុន្តែម្តាយបានបដិសេធនឹងសំណើរកូនស្រី រហូតនាងត្រូវធ្វើជាអ្នកបើកបរនាំម្ដាយទៅធ្វើការជារៀងរាល់ថ្ងៃ។

ទន្ទឹមនោះ ម្ចាស់ហាងបាននិយាយថា បុគ្គលិកម្នាក់នេះមកធ្វើការទាន់ពេលវេលាជារៀងរាល់ថ្ងៃ។ មិនដែលយឺតពេល ហើយសុំចេញពីការងារទាន់ពេល មិនដែលត្អូញត្អែរនិងតែងខិតខំបំពេញការងារ ហើយគាត់តែងស្លៀកពាក់យ៉ាងសាមញ្ញ គ្មានអ្វីពិសេសឲ្យចាប់អារម្មណ៍នោះទេ។

យ៉ាងណាមិញក្នុងនោះអ្នកនិយមលេងអ៊ីនធឺណែតបាននាំគ្នា Comment និងចំអកថា គាត់មកធ្វើការដើម្បីថែរក្សាសង្គមព្រោះគាត់ជាអ្នកមានរួចហើយ ខណៈមនុស្សជាច្រើនកោតសរសើរចំពោះអាកប្បកិរិយារបស់គាត់ដែលនៅតែធ្វើការដោយឧស្សាហ៍ព្យាយាមដដែល៕