ព័ត៌មានជាតិ
ផ្លូវថ្មីពីភ្នំបូកគោទៅផ្លូវជាតិលេខ៤ មានសក្ដានុពលសម្រាប់អ្នកទិញលំនៅឋាន និងដីឡូតិ៍
គម្រោងស្ថានបនាផ្លូវថ្មីមួយខ្សែ ពីភ្នំបូកគោ ឆ្ពោះទៅផ្លូវជាតិលេខ៤ មានប្រវែង ៦១ គីឡូម៉ែត្រផ្តល់នូវសក្តានុពលខ្ពស់ជាពិសេសចំពោះប្រជាពលរដ្ឋដែលបានទិញលំនៅឋាន និងដីឡូតិ៍នៅក្នុងតំបន់នេះ។ នេះបើតាមការលើកឡើងរបស់ លោក ជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់នៅថ្ងៃទី ៨ ខែមេសា ឆ្នាំ ២០២៣ អំឡុងពេលលោកចុះពិនិត្យវឌ្ឍនភាពនៃការស្ថាបនាផ្លូវមេតភ្ជាប់ពីផ្លូវជាតិលេខ៤ ទៅភ្នំបូកគោ។
ការអភិវឌ្ឍផ្លូវថ្មីនេះ មានការចូលរួមពីអ្នកឧកញ៉ាល្បី ២ រូប គឺអ្នកឧកញ៉ា ម៉ុង រិទ្ធី ជាអ្នកផ្ដល់ដីសម្បទានដូងប្រេង រីឯអ្នកឧកញ៉ា សុខ គង់ ជាអ្នកចំណាយថ្លៃការសាងសង់ ក្រោមកិច្ចសម្របសម្រួលរបស់លោកឧបនាយករដ្ឋមន្ដ្រី ជា សុផារ៉ា និងអនុម័តដោយសម្តេចតេជោ ហ៊ុន សែន រដ្ឋមន្ដ្រី កាលពីថ្ងៃទី ១៨ ធ្នូ ឆ្នាំ ២០២១។
ក្រុមហ៊ុនសុខា អូតែល ទទួលបានសិទ្ធិសម្បទានវិនិយោគអភិវឌ្ឍនៅឧទ្យានជាតិព្រះមុនីវង្ស “បូកគោ”។ ក្រុមហ៊ុន បានបោះទុនរាប់រយលានដុល្លារ ដើម្បីវិនិយោគអភិវឌ្ឍកែច្នៃតំបន់នេះឱ្យមានការរីកចម្រើនគ្រប់ផ្នែក រួមមាន ទេសចរណ៍ វប្បធម៌ សាសនា និងវិស័យអចលទ្រព្យ។
ផ្លូវមេដែលត្រូវស្ថាបនាតភ្ជាប់ពីផ្លូវជាតិលេខ៤ ត្រង់ចំណុចគីឡូម៉ែត្រលេខ 158+291 ក្នុងឃុំកំពង់សីលា ស្រុកព្រៃនប់ ខេត្តព្រះសីហនុឆ្ពោះទៅលើខ្នងភ្នំបូកគោភ្ជាប់ជាមួយ និងកំណាត់ផ្លូវវាលស្រែ ៥០០ ដែលមានប្រវែងប្រមាណ ៦១ គីឡូម៉ែត្រ។
មកទល់ពេលនេះក្រុមហ៊ុនបានធ្វើការវាស់ស្ទង់ឈូសឆាយសំអាតចេញជាគន្លងតួផ្លូវហើយបានតភ្ជាប់ទាំងស្រុងពីផ្លូវជាតិលេខ៤ រហូតដល់កំណាត់ផ្លូវវាលស្រែ ៥០០ នៅលើខ្នងភ្នំបូកគោដែលឥលូវនេះអាចធ្វើចរាចរណ៍បានជាបណ្តោះអាសន្នដោយរថយន្តប្រភេទខ្ពស់និងម៉ូតូ។
ការស្ថាបនាសម្រេចបានប្រមាណ ៣០% នឹងត្រូវធ្វើបន្តជាជំហានៗទៀតទៅតាមស្ថានភាពសេដ្ឋកិច្ច និងការអភិវឌ្ឍទីផ្សារបច្ចុប្បន្ន។ ស្របតាមការណែនាំរបស់ឯកឧត្តមឧបនាយករដ្ឋមន្រ្តីជាសុផារ៉ា គឺធ្វើយ៉ាងណាឱ្យកំណាត់ផ្លូវនេះបានតភ្ជាប់ និងអាចធ្វើចរាចរណ៍បានសិន ហើយក្រុមហ៊ុននឹងបន្តការខិតខំប្រឹងប្រែងដើម្បីសំរេចការស្ថាបនាផ្លូវនេះជាជំហានៗទៀតនាពេលអនាគត ជាផ្លូវចាក់កៅស៊ូ AC ស្របតាមគំរោងប្លង់ដែលបានធ្វើការសិក្សាដោយក្រសួងសាធារណការនិងដឹកជញ្ជូន។
លោកឧបនាយករដ្ឋមន្ត្រី ជា សុផារ៉ា បានស្នើអោយអាជ្ញាធរគ្រប់លំដាប់ថ្នាក់និង ស្ថាប័នថ្នាក់ជាតិជួយលើកទឹកចិត្តតាមបច្ចេកទេស ឆន្ទះនិងជំនាញរបស់ស្ថាប័នក្នុងការជួយគាំទ្រដើម្បីឱ្យផ្លូវនេះក្លាយទៅជាផ្លូវមានលក្ខណៈប្រវត្តិសាស្រ្តមួយសំរាប់បំរើអោយការអភិវឌ្ឍនៅភ្នំបូកគោនេះ៕
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត