ព័ត៌មានអន្ដរជាតិ
ប្រភពមួយទម្លាយថា កូរ៉េខាងត្បូង ឲ្យអាមេរិក ខ្ចីគ្រាប់កាំភ្លើងធំ សម្រាប់យកទៅផ្គត់ផ្គង់ អ៊ុយក្រែន
កាសែតកូរ៉េខាងត្បូងបានរាយការណ៍នៅថ្ងៃពុធទី១២ខែមេសាថា កាលពីខែមុន ប្រទេសកូរ៉េខាងត្បូង បានឈានដល់កិច្ចព្រមព្រៀងមួយ ដើម្បីឲ្យសហរដ្ឋអាមេរិក ខ្ចីគ្រាប់កាំភ្លើងធំ១៥៥មិល្លីម៉ែត្រចំនួន ៥០ម៉ឺនគ្រាប់ ដែលនេះអាចជួយសម្រួលដល់ទីក្រុងវ៉ាស៊ីនតោន ក្នុងការផ្គត់ផ្គង់គ្រាប់ទៅឲ្យប្រទេសអ៊ុយក្រែន។
កាសែត DongA Ilbo បានដកស្រង់ប្រភពរដ្ឋាភិបាលដែលមិនបញ្ចេញឈ្មោះ ដោយនិយាយថា ប្រទេសកូរ៉េខាងត្បូង បានសម្រេចចិត្តឲ្យខ្ចីគ្រាប់ ជំនួសឲ្យការលក់ ដើម្បីកាត់បន្ថយលទ្ធភាពនៃការប្រើគ្រាប់ផ្លោងរបស់កូរ៉េខាងត្បូង ក្នុងជម្លោះអ៊ុយក្រែន។
បន្ទាប់ពីទិញចំនួន១០ម៉ឺនគ្រាប់កាលពីឆ្នាំមុន រដ្ឋាភិបាលសហរដ្ឋអាមេរិក បានស្នើទិញក្នុងចំនួនដូចគ្នា ឬច្រើនជាងនេះទៀត កាលពីខែកុម្ភៈ ប៉ុន្តែរដ្ឋាភិបាលកូរ៉េខាងត្បូង មិនព្រមលក់ឡើយ។
មន្ត្រីម្នាក់ដែលមិនបញ្ចេញឈ្មោះនិយាយថា “យើងបានសម្រេចបង្កើនបរិមាណគ្រាប់ដ៏សំខាន់ ប៉ុន្តែជ្រើសរើសយកវិធីសាស្រ្តឲ្យខ្ចី ដើម្បីឆ្លើយតបទៅនឹងសំណើរបស់សម្ព័ន្ធមិត្ត ខណៈខ្លួនប្រកាន់ខ្ជាប់នូវគោលការណ៍រដ្ឋាភិបាល ចំពោះការមិនផ្តល់អាវុធសាហាវដល់អ៊ុយក្រែន”។
ទាំងទីក្រុងសេអ៊ូលនិងវ៉ាស៊ីនតោន បានបញ្ជាក់ថា ពួកគេកំពុងចរចាលើកិច្ចព្រមព្រៀងផ្គត់ផ្គង់កាំភ្លើងធំ ប៉ុន្តែមិនទាន់មានការបញ្ជាក់ជាផ្លូវការថា កិច្ចព្រមព្រៀងណាមួយត្រូវបានឈានដល់នោះទេ។
ទោះបីជាយ៉ាងណាក៏ដោយ ក្រសួងការបរទេសសហរដ្ឋអាមេរិក មិនបានផ្តល់ការអត្ថាធិប្បាយភ្លាមៗលើបញ្ហានេះទេ។
ស្របពេលជាមួយគ្នានោះ រដ្ឋមន្ត្រីការបរទេសកូរ៉េខាងត្បូងលោក Park Jin ក៏បានប្រាប់អ្នកសារព័ត៌មានដែរថា លោកមិនអាចបញ្ជាក់របាយការណ៍របស់កាសែតនេះបានទេ ប៉ុន្តែបានបន្ថែមថា ជំហររដ្ឋាភិបាលប្រឆាំងនឹងការផ្តល់ជំនួយសាហាវសម្រាប់អ៊ុយក្រែន នៅតែមិនផ្លាស់ប្តូរ៕
ប្រែសម្រួល៖ Vann Vann
ប្រភព៖ Reuters
ចុចអាន៖ បែកធ្លាយ ចំនួនកងកម្លាំងពិសេសលោកខាងលិច កំពុងធ្វើ ប្រតិបត្តិការនៅ អ៊ុយក្រែន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៦ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ