ព័ត៌មានជាតិ
អភិបាលខេត្តព្រះសីហនុ នាំវិនិយោគិនចិនទៅទស្សនាការលេងល្បែងប្រជាប្រិយ នៅតាមបណ្តាវត្តនានា
លោក គួច ចំរើន អភិបាល នៃគណៈអភិបាលខេត្តព្រះសីហនុ កាលពីរសៀលថ្ងៃទី ១៤ ខែមេសា ឆ្នាំ២០២៣ ដែលជាថ្ងៃទីមួយនៃពិធីបុណ្យចូលឆ្នាំថ្មី ប្រពៃណីជាតិខ្មែរ បាននាំវិនិយោគិនចិនក្នុងខេត្តព្រះសីហនុ អញ្ជើញទៅទស្សនា និងចូលរួមកម្មវិធីលេងល្បែងប្រជាប្រិយនៅតាមបណ្តាវត្តនានា នៅក្នុងស្រុកព្រៃនប់ ពិសេសវត្តអូរចំណារ ឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ។
ក្នុងឱកាសអញ្ជើញទៅទស្សនា និងចូលរួមលេងល្បែងកម្សាន្ដ នៅតាមវត្តក្នុងស្រុកព្រៃនប់ ពិសេសវត្តអូរចំណារ លោកអភិបាលខេត្ត និងវិនិយោគិនចិនបានទស្សនារបាំគ្រុឌ របាំជូនពរ និងចូលរួមលេងល្បែងទាញព្រាត់ និងកម្មវិធីរាំលេងកម្សាន្ត ដើម្បីបង្កើតភាពសប្បាយរីករាយ នៅតាមវត្តអារាមនានាក្នុងខេត្តព្រះសីហនុ ព្រមទាំងបានបង្ហាញអំពីល្បែងប្រជាប្រិយរបស់ព្រះរាជាណាចក្រកម្ពុជា ជូនចំពោះភ្ញៀវ និងសប្បុរសជន អ្នកវិនិយោគក្នុងឱកាសពិធីបុណ្យចូលឆ្នាំថ្មីប្រពៃណីជាតិខ្មែរ។
ការដែលអាចលេងល្បែងប្រជាប្រិយ នៅតាមវត្តអារាមនានាក្នុងខេត្តព្រះសីហនុនាពេលនេះ ដោយសារតែប្រទេសជាតិមានសុខសន្តិភាព។ ទន្ទឹមនឹងកត្តាសុខសន្តិភាព ប្រជាពលរដ្ឋមានសិទ្ធិសេរីភាពក្នុងការបញ្ចេញមតិ ចូលរួមអភិវឌ្ឍសង្គមសេដ្ឋកិច្ចមានការរីកចម្រើន រហូតមកដល់បច្ចុប្បន្ននេះ ពិសេសខេត្តព្រះសីហនុត្រូវបានរាជរដ្ឋាភិបាលកម្ពុជា កំណត់ជាប៉ូលសេដ្ឋកិច្ចទី ២ បន្ទាប់ពីរាជធានីភ្នំពេញ និងកំណត់ខេត្តព្រះសីហនុ ជាតំបន់សេដ្ឋកិច្ចពិសេសគំរូពហុបំណង និងប្រសិទ្ធិនាមជា “តារារះនាទិសនិរតី“ ស្របតាមគោលនយោបាយអភិវឌ្ឍន៍ វិស័យឧស្សាហកម្មកម្ពុជាឆ្នាំ ២០១៥-២០២៥សំដៅជំរុញកំណើនសេដ្ឋកិច្ចជាតិ ជាប្រទេសមានចំណូលមធ្យមកម្រិតខ្ពស់នាឆ្នាំ ២០៣០ និងជាប្រទេសដែលមានចំណូលខ្ពស់នៅឆ្នាំ ២០៥០។
សូមជម្រាបថា នៅខេត្តព្រះសីហនុ មានវត្តសរុបចំនួន ៤០វត្ត ហើយនៅពេលកន្លងមកនេះ លោកគួច ចំរើន អភិបាលខេត្តព្រះសីហនុ បានឧបត្ថម្ភសម្ភារៈ មានដូចជា៖ ក្អម អង្គញ់ បាវក្រចៅ ប៉ិគក់ ខ្សែពួរ និងថវិកា ដើម្បីឲ្យវត្តនីមួយៗយកទៅបង្កើតកម្មវិធីសប្បាយ ដោយបង្កើតល្បែងប្រជាប្រិយជូនប្រជាពលរដ្ឋ៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានអន្ដរជាតិ៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ