ព័ត៌មានជាតិ
រដ្ឋបាលខេត្តព្រះសីហនុ ច្រានចោលសារព័ត៌មាន BBC ដែលថាខេត្តព្រះសីហនុ មានករណីបង្ខាំង និងធ្វើទារុណកម្មជនជាតិចិន៤រូប
ព្រះសីហនុ ៖ រដ្ឋបាលខេត្តព្រះសីហនុ បានឲ្យដឹងថា មានសារព័ត៌មានបរទេសមួយឈ្មោះថា BBC ដែលមានមូលដ្ឋាននៅប្រទេសអង់គ្លេស បានចាក់ផ្សាយថា នៅខេត្តព្រះសីហនុ មានករណីបង្ខាំងជនជាតិចិន៤រូប និងធ្វើទារុណកម្មបង្ខំឲ្យធ្វើការងារឆបោកតាមប្រព័ន្ធអនឡាញ នៅទីតាំងឈ្មោះ ហ័ងឡឺ នៃខេត្តព្រះសីហនុ នេះបើយោងតាមសេចក្តីប្រកាសព័ត៌មាន។
រដ្ឋបាលខេត្តព្រះសីហនុបានឲ្យដឹងថា បន្ទាប់ពីទទួលបានព័ត៌មានខាងលើ រដ្ឋលបាលបានយកចិត្តទុកដាក់យ៉ាងខ្លាំង ចំពោះការផ្សាយនេះ និងបានស្នើសុំកិច្ចសហការជាមួយអគ្គស្នងការនគរបាលជាតិ ដើម្បីធ្វើការស្រាវជ្រាវបញ្ជាក់។
ជាលទ្ធផល ផ្អែកតាមវិដេអូដែលថតចេញពីបុគ្គលអះអាងថា ជនរងគ្រោះមានរយៈពេល ៤៧នាទីគឺជាព័ត៌មានពុំមានប្រភព និងមូលដ្ឋានច្បាស់លាស់ ដោយប្រើប្រាស់រិដេអូចាស់ៗ កើតឡើងនាពេលកន្លងមក ដែលអាជ្ញាធរមានសមត្ថកិច្ចបានធ្វើការចុះបង្ក្រាបទាន់ពេលវេលារួចមកហើយ។
វិដេអូនោះមិនបានឆ្លុះបញ្ចាំងពីទិដ្ឋភាពជាក់ស្ដែងនាពេលបច្ចុប្បន្ន ដែលរាជរដ្ឋាភិបាល ក៏ដូចជាអាជ្ញាធរខេត្តព្រះសីហនុ បានខិតខំប្រឹងប្រែងទប់ស្កាត់និងលុបបំបាត់អំពើជួញដូរមនុស្សលើគ្រប់ទម្រង់ ព្រមទាំងបានទាញនូវសេចក្តីសន្និដ្ឋាន ហើយចោទប្រកាន់ដោយគ្មានមូលដ្ឋានមកលើអាជ្ញាធរខេត្តព្រះសីហនុ។
រដ្ឋបាលខេត្តព្រះសីហនុ សូមធ្វើការច្រានចោលទាំងស្រុងចំពោះការផ្សព្វផ្សាយរបស់សារព័ត៌មានឈ្មោះ BBC នៅថ្ងៃទី០៨ ខែមេសា ឆ្នាំ២០២៣ ក្រោមចំណងជើងថា “Pig Butchering Romance Scam”នេះ៕
ពិស្ដារ ៖
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ