ព័ត៍មានទាន់​ហេតុការណ៏
Search

តម្លៃ​ប្រេងឥន្ធនៈ​ នៅ​តាម​ស្ថា​នីយ​ចាប់​ផ្តើម​ឡើងថ្លៃស្រឺ​តៗ ស្រប​ពេល​កៀក​នឹង​ចូលឆ្នាំ​ចិន ជិត​ចូល​មកដល់

ភ្នំពេញ ​៖ ​តម្លៃ ប្រេង​ឥន្ធនៈ​នៅតាម​ស្ថា​នី​យ ចាប់ផ្តើម​ឡើងថ្លៃ ស្រឺតៗ ខ​ណៈ​ពេលដែល ​ បុណ្យចូលឆ្នាំ​ចិន ជិត​ឈាន​ចូល​មកដល់ នា​ចុងខែ មករា​ឆ្នាំ​២០១៧ ខាងមុខនេះ។ យោង​តាម​សេចក្តី​ប្រកាស​ព័ត៌មាន​របស់ ក្រសួងពាណិជ្ជកម្ម ចេញផ្សាយ​នៅ​ថ្ងៃទី​១១ មករា​នេះ ឃើញ​ថា តម្លៃ​ប្រេង​ឥន្ធនៈ ចាប់​ផ្តើម​ឡើងថ្លៃ​ជាង​កាលពី​ឆ្នាំ​១០​ថ្ងៃមុខ។

សេចក្តី​ជូនដំណឹង ស្តី​ពីតម្លៃលក់រាយ​ប្រេងឥន្ធនៈ​នៅ​តាម​ស្ថានីយ បានប្រកាស​ថា​ ចាប់ពី​ថ្ងៃ​ទី​១២ ដល់​ថ្ងៃ​ទី​២១ ខែមករា ឆ្នាំ​២០១៧​ តម្លៃ​សាំង​ធម្មតា​ត្រូវ​លក់​ថ្លៃ ៣,៧៥០​រៀល​ក្នុង ១​លីត្រ​, សាំង​ស៊ុប​ពែរ ៣,៨៥០​រៀល​ក្នុង​១​លីត្រ និង​សាំង​ម៉ា​ស៊ូ​តថ្លៃ ៣,៤៥០ រៀល​ក្នុង​១​លីត្រ ដែល​តម្លៃ​នេះ នឹង​ចាប់ផ្ដើម​អនុវត្ត​ពីថ្ងៃ​ទី​១២ ដល់​ថ្ងៃទី​២១ ខែមករា ឆ្នាំ​២០១៧​។

ក្រសួង​បញ្ជាក់​ថា តម្លៃ​ប្រេងសាំង ប្រេងម៉ាស៊ូត នៅ​តាម​ស្ថានីយប្រេងឥន្ធនៈ ដែល​បាន​កំណត់​នេះ​ធ្វើ ឡើង​ចុះថ្លៃ​ទៅតាម​តម្លៃ​ទីផ្សារ​អន្តរជាតិ។ តម្លៃ​នេះ បើ​ប្រៀបធៀប កាលពី​១០​ថ្ងៃមុន តម្លៃ ប្រេងសាំង ស៊ុប​ពែរ ប្រេងសាំង ធម្មតា និង​ប្រេង ម៉ា​ស៊ូ​ត​មាន ការ​កើន​ឡើង​នៃ​តម្លៃ ដែល​ការ​កើន​ឡើង​នេះ ត្រូវ​បាន មហាជន​និយាយ​ដោយសារ ជិត​ចូលឆ្នាំ​ចិន នៅ​ចុងខែ​នេះ។

សូម​រំលឹក​ថា ករណី​កំណត់ តម្លៃ​ប្រេង​ឥន្ធនៈ បាន​ធ្វើ​ឡើង ដោយ​យោង​តាម ប្រកាស​អ​ន្រ​ក្រសួង មាន​ក្រសួងពាណិជ្ជកម្ម ក្រសួងសេដ្ឋកិច្ច និង​ហិរញ្ញវត្ថុ និង​ក្រសួង​រ៉ែ​និង​ថាមពល ស្តីពី ការកំណត់ រូបមន្ត កែ​សម្រួល ថ្លៃ លក់រាយ ប្រេង​ឥន្ទ​នៈ នៅ​កម្ពុជា លេខ ០៩៨ ពណ​. អ​វ​ឯ​. ប្រក​. ចុះ​ថ្ងៃ​ទី​០៩ ខែមីនា ឆ្នាំ​២០១៦ ដោយ​កំណត់​តម្លៃ លក់​ប្រេង រវាង ១០​ថ្ងៃ​ម្តង ឡើង​ចុះថ្លៃ​ទៅតាម​តម្លៃ​ទីផ្សារ​អន្តរជាតិ​៕



ប្រសិនបើ លោក លោកស្រីចង់ចែករំលែកនូវព័ត៌មានទាន់ហេតុការណ៍ផ្សេងៗ សូមផ្ញើ អ៊ីម៉ែលមកកាន់អាសយដ្ឋានដូចដែលបានបង្ហាញខាងក្រោម។ សម្រាប់ការផ្សាយពាណិជ្ជកម្មលើគេហទំព័រនេះ សូមទំនាក់ទំនងតាមលេខទូរស័ព្ទៈ 016 877 684