ព័ត៌មានអន្ដរជាតិ
អឺរ៉ុប ត្រៀមបង្កើនការផលិតគ្រាប់រំសេវនិងមីស៊ីល យកទៅជួយ អ៊ុយក្រែន
នាយកប្រតិបត្តិរបស់សហភាពអឺរ៉ុប ចង់ទុកប្រាក់ជាង៥០០លានអឺរ៉ូ (៥៥០លានដុល្លារអាមេរិក) សម្រាប់បង្កើនការផលិតគ្រាប់រំសេវ ដើម្បីជួយអ៊ុយក្រែន និងបំពេញបន្ថែមភាគហ៊ុនរបស់ប្រទេសជាសមាជិក EU។
ក្នុងផែនការដែលនឹងត្រូវបង្ហាញដោយគណៈកម្មការអឺរ៉ុបនៅថ្ងៃព្រហស្បតិ៍ទី៤ខែឧសភា, EU នឹងផ្តល់ការឧបត្ថម្ភធនដល់ក្រុមហ៊ុនអាវុធអឺរ៉ុប សម្រាប់ការវិនិយោគដើម្បីបង្កើនការផលិតគ្រាប់រំសេវ និងមីស៊ីល។
លោក Thierry Breton ស្នងការផ្នែកទីផ្សារផ្ទៃក្នុងរបស់ EU បាននិយាយនៅក្នុងសុន្ទរកថាដែលចេញផ្សាយមុនសេចក្តីប្រកាសជាផ្លូវការថា “នៅពេលនិយាយអំពីការការពារ ឥឡូវនេះឧស្សាហកម្មរបស់យើង ត្រូវតែប្តូរទៅជាមុខងារសេដ្ឋកិច្ចសង្រ្គាម។ ផែនការនេះនឹងត្រូវការការយល់ព្រមពីរដ្ឋាភិបាល EU និងសភាអឺរ៉ុប ដើម្បីឲ្យវាក្លាយទៅជាការពិត”។
គួរបញ្ជាក់ថា នេះគឺជាផែនការទីបីហើយ នៃកិច្ចខិតខំប្រឹងប្រែងដ៏ទូលំទូលាយរបស់ EU ក្នុងការរកគ្រាប់រំសេវ និងសព្វាវុធឲ្យបានកាន់តែច្រើនដើម្បីផ្តល់ទៅឲ្យអ៊ុយក្រែន ជាពិសេសកាំភ្លើងធំ១៥៥មិល្លីម៉ែត្រ ដែលទីក្រុងកៀវកំពុងទទូចសុំ ខណៈការប្រយុទ្ធប្រឆាំងនឹងការវាយលុករបស់រុស្ស៊ី បានក្លាយទៅជាសង្រ្គាមដ៏បំផ្លាញ។
ជាផ្នែកមួយនៃការជំរុញឲ្យផ្គត់ផ្គង់គ្រាប់ផ្លោងចំនួន១លានគ្រាប់ដល់អ៊ុយក្រែនក្នុងរយៈពេល១២ខែ, EU បានយល់ព្រមរួចទៅហើយក្នុងការបែងចែកប្រាក់ចំនួន ១.១០ពាន់លានដុល្លារ សម្រាប់គ្រាប់រំសេវ និងមីស៊ីលដែលសមាជិករបស់ខ្លួនយកចេញពីឃ្លាំង ផ្គត់ផ្គង់ឲ្យអ៊ុយក្រែន។
EU ក៏បានបែងចែកប្រាក់ចំនួន១.១០ពាន់លានដុល្លារទៀតផងដែរ សម្រាប់លទ្ធកម្មរួមគ្នានៃគ្រាប់រំសេវ ថ្វីបើផ្នែកខ្លះនៃផែនការនេះ ត្រូវជាប់គាំងដោយសារតែជម្លោះផ្ទៃក្នុងក៏ដោយ៕
ប្រែសម្រួល៖ Vann Vann
ប្រភព៖ CNA
ចុចអាន៖ អាមេរិក ជួយហ្វឹកហ្វឺន និងបំពាក់អាវុធដល់កងទ័ពអ៊ុយក្រែន សម្រាប់ប្រតិបត្តិការនាពេលខាងមុខ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៦ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ