ព័ត៌មានអន្ដរជាតិ
ក្រុមអ្នកវិភាគរបស់ អាមេរិក ថា រុស្ស៊ី ទំនងជារៀបចំការវាយប្រហារលើវិមានក្រឹមឡាំងដោយខ្លួនឯង
ក្រុមអ្នកវិភាគនៅវិទ្យាស្ថានស្រាវជ្រាវសង្គ្រាមរបស់សហរដ្ឋអាមេរិកបាននិយាយថា ការវាយប្រហារដោយយន្តហោះដ្រូនលើវិមានក្រឹមឡាំងកាលពីពេលថ្មីៗនេះ ទំនងជាធ្វើឡើងដោយរដ្ឋបាលរបស់លោកប្រធានាធិបតី វ្ល៉ាឌីមៀរ ពូទីន ខ្លួនឯង ។
ក្រុមអ្នកវិភាគរបស់អាមេរិកមួយនេះបានកត់សម្គាល់នៅក្នុងការវាយតម្លៃរបស់ខ្លួនកាលពីថ្ងៃសុក្រថា “ការអះអាងបែបនេះ គឺដោយសារតែអាជ្ញាធររុស្ស៊ីកាលពីថ្មីៗនេះបានចាត់វិធានការដើម្បីបង្កើនសមត្ថភាពការពារដែនអាកាសក្នុងប្រទេសរបស់ខ្លួន រួមទាំងនៅក្នុងទីក្រុងមូស្គូផ្ទាល់ផងដែរ” ។
ក្រុមអ្នកវិភាគបញ្ជាក់ទៀតថា “ដូច្នេះវាមិនទំនងទាល់តែសោះដែលយន្តហោះដ្រូនចំនួន ២ គ្រឿងអាចហោះចូលដោយស្រូលទៅក្នុងខែលការពារដែនអាកាសជាច្រើន ហើយបានផ្ទុះ ឬត្រូវបានបាញ់ទម្លាក់នៅលើវិមានក្រឹមឡាំងនោះ” ។
ទន្ទឹមនោះ ក្រុមវិភាគនៅវិទ្យាស្ថាននេះក៏បានលើកឡើងដែរថា វិមានក្រឹមឡាំងអាចប្រើការវាយប្រហារដោយយន្តហោះដ្រូននេះ ដើម្បីបង្ហាញអំពីភាពត្រឹមត្រូវនៃការលុបចោល ឬកំណត់ការប្រារព្ធក្បូនដង្ហែនៃទិវាជ័យជម្នះ ៩ ឧសភារបស់រុស្ស៊ី ។
ពាក់ព័ន្ធនឹងបញ្ហានេះដែរ វិមានក្រឹមឡាំងបានចាត់ទុកសកម្មភាពនេះថាជា “អំពើភេរវកម្មដែលបានគ្រោងទុក” និង “ការប៉ុនប៉ងធ្វើឃាត” លើលោក ពូទីន ហើយភាគីរុស្ស៊ីរក្សាសិទ្ធិក្នុងការចាត់វិធានការសងសឹកនៅកន្លែងណា និងនៅពេលណាដែលគិតថាសមស្រប ។
ស្របពេលជាមួយគ្នានេះ វិមានក្រឹមឡាំងក៏បានចោទអាមេរិក និងអ៊ុយក្រែនផងដែរពីការប៉ុនប៉ងធ្វើឃាតលើលោក ពូទីន នេះ ខណៈប្រធានាធិបតីអ៊ុយក្រែនលោក Volodymyr Zelensky និងមន្ត្រីផ្សេងទៀត បានបដិសេធពីការជាប់ពាក់ព័ន្ធរបស់ទីក្រុងកៀវក្នុងការវាយប្រហារនេះ ៕
សូមទស្សនាវីដេអូ!
ប្រែសម្រួលដោយ ៖ ជីវ័ន្ត
ប្រភព ៖ NHK
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៦ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ