កីឡា

ពៅ សុខា ឈ្នះមេដាយមាស៣ ប្រាក់១ និងសំរឹទ្ធ១ ស៊ីហ្គេមនៅកម្ពុជា

បានផុស

១១ ខែ មុន

នៅ

ថ្ងៃអង្គារ ៩ ឧសភា ២០២៣

ដោយ

កីឡាការិនីវ៉ូវីណាមជម្រើសជាតិកម្ពុជា ពៅ សុខា ទទួលបានមេដាយមាស៣ ប្រាក់១ និងសំរឹទ្ធ១ ក្នុងចំណោមវិញ្ញាសាទាំង៥ដែលកញ្ញាប្រកួតក្នុងកីឡាស៊ីហ្គេម លើកទី៣២ ឆ្នាំ២០២៣ នៅប្រទេសកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការទទួលបានមេដាយ៥គ្រឿងនេះ ពៅ សុខា ជាកីឡាការិនីម្នាក់ស្ថិតក្នុងចំណោមអត្តពលិកកម្ពុជាដែលឈ្នះមេដាយច្រើន។ សម្រាប់មេដាយមាស៣គ្រឿងគឺបានលើការប្រកួតវិញ្ញាសាក្រុមទាំង៣គឺវិញ្ញាសាសម្តែងគុនដាវនារី២នាក់ វិញ្ញាសាសម្តែងក្រុមនារី៣នាក់បុរស៤នាក់ និងវិញ្ញាសាសម្តែងគុនដាវនារី៥នាក់។ ចំពោះមេដាយប្រាក់បានទៅលើវិញ្ញាសាសម្តែងគុនដាវនារីឯកត្តជន និងមេសាយសំរឹទ្ធបានលើវិញ្ញាសាសម្តែងនារី២នាក់អត់អាវុធ។

ការប្រកួតកីឡាវ៉ូវីណាមក្នុងកីឡាស៊ីហ្គេមលើកទី៣២នៅកម្ពុជានេះនឹងបញ្ចប់នៅថ្ងៃទី១០ ខែឧសភា បន្ទាប់ពីចាប់ផ្តើមប្រកួតតាំងពីថ្ងៃទី៦ ខែឧសភា នៅជ្រោយចង្វារ OCIC។ គិតត្រឹមថ្ងៃទី៩ ខែឧសភានេះ ក្រុមកីឡាវ៉ូវីណាមកម្ពុជាឈ្នះបានមេដាយសរុប២០គ្រឿងគឺមាស៨ ប្រាក់៥ និងសំរឹទ្ធ៧ ដែលលើកំពូលតារាងមេដាយកីឡាវ៉ូវីណាម៕