ព័ត៍មានទាន់​ហេតុការណ៏
Search

ជាងភ្លើង​ម្នាក់​លើកដែក​ប៉ះចំ​ខ្សែកាបិ៍ ​បណ្តាល​ឲ្យ​ឆក់​របួសធ្ងន់​

បន្ទាយមានជ័យ​ ៖ ជាងផ្សារដែក​ម្នាក់ ​ត្រូវ​ខ្សែភ្លើង​ឆក់ ​បណ្តាល​ឲ្យ​របួសធ្ងន់​ ពេលដែល​ជាង​ភ្លើង​នោះ​លើកដែក​ប៉ះចំ​ខ្សែកាបិ៍​នៅវេលា​ម៉ោង​២​រសៀល ថ្ងៃទី ​២៥ ខែមករា ឆ្នា​២០១៧​ ត្រង់ចំណុច​ផ្ទះ​ឈ្មោះ​ ទីង បេង​អាន ភេទ​ប្រុស អាយុ​៥៣​ឆ្នាំ ស្ថិតក្នុង​ភូមិ​ក្រូច ឃុំ​ស្រវាំង ស្រុក​មង្គល​បូរី ខេត្តបន្ទាយមានជ័យ ។

លោក​វរសេនីយ៍ត្រី រស់ សំបូរ មេបញ្ជាការ​មូលដ្ឋាន​ក​ង​រាជ​អាវុធហត្ថ​ ស្រុក​មង្គល​បូរី​បាន​ឲ្យ​ដឹងថា ជនរងគ្រោះ​មានឈ្មោះ ប៊ូ សំណាង ភេទ​ប្រុស អាយុ​១៩​ឆ្នាំ មុខរបរ​កម្មករសំណង់ រស់នៅ​ភូមិ​ព្រៃ​ច​ង្ហា ឃុំ​បន្ទាយ​នាង ស្រុក​មង្គល​បូរី ខេត្តបន្ទាយមានជ័យ​។ លោក​វរសេនីយ៍ត្រី រស់ សំបូរ បាន​ឲ្យ​ដឹង​ទៀតថា ជនរងគ្រោះ​បានមក​ធ្វើការ​នៅផ្ទះ​ឈ្មោះ​ ទីង បេង​អាន ។​

នៅ​មុនពេល​កើតហេតុ​នោះ ​ជនរងគ្រោះ​កំពុងធ្វើការ​សាងសង់​សំណង់ ហើយ​បាន​លើកដែក​ទំហំ​12​លី ប្រវែង​៦​ម៉ែត្រ ទៅ​ប៉ះ​នឹង​ខ្សែរ​កាបិ៍ភ្លើង​បណ្តាល​ឲ្យ​ឆក់​ធ្លាក់​ពីលើផ្ទះ​រងរបួស​ជា​ទម្ងន់​។ ក្រោយពី​កើតហេតុ​​ ជនរងគ្រោះ​ត្រូវបាន​ម្ចាស់ផ្ទះ​ដឹក​យកទៅ​សម្រាក​ព្យាបាល​នៅ​មន្ទីរពេទ្យ​មិត្តភាព កម្ពុជា ជប៉ុន មង្គល​បូរី​៕



ប្រសិនបើ លោក លោកស្រីចង់ចែករំលែកនូវព័ត៌មានទាន់ហេតុការណ៍ផ្សេងៗ សូមផ្ញើ អ៊ីម៉ែលមកកាន់អាសយដ្ឋានដូចដែលបានបង្ហាញខាងក្រោម។ សម្រាប់ការផ្សាយពាណិជ្ជកម្មលើគេហទំព័រនេះ សូមទំនាក់ទំនងតាមលេខទូរស័ព្ទៈ 012 454 575 និង 012 499 114