ព័ត៌មានជាតិ
កម្ពុជា-រវ៉ានដា ស្វែងរកឱកាសបង្កើតទំនាក់ទំនងពាណិជ្ជកម្មរវាងប្រទេសទាំងពីរ
មន្ត្រីជាន់ខ្ពស់ក្រសួងការបរទេសកម្ពុជា និងឯកអគ្គរដ្ឋទូតប្រទេសរវ៉ានដា បានឯកភាពគ្នាក្នុងការស្វែងរកឱកាសដើម្បីកសាងទំនាក់ទំនងពាណិជ្ជកម្មរវាងប្រទេសទាំងពីរ។ ការឯកភាពនេះធ្វើឡើងតាមរយៈជំនួបរវាងលោក ជុំ សុន្ទរី រដ្ឋលេខាធិការក្រសួងការបរទេស និងលោកស្រី អាំមរី សូអ៊ែត ដាលីឡា យ៉ាស៊ីន ឯកអគ្គរដ្ឋទូតរវ៉ាន់ដាប្រចាំកម្ពុជា ដែលមាននិវេសនដ្ឋាននៅទីក្រុងសេអ៊ូល។
ក្នុងជំនួបកាលពីថ្ងៃទី២៣ ខែឧសភា ឆ្នាំ២០២៣ លោក ជុំ សុន្ទរី និងលោកស្រីឯកអគ្គរដ្ឋទូតរវ៉ានដា បានពិភាក្សា និងស្របទស្សនៈគ្នាថា«កម្ពុជា និងរវ៉ាន់ដា គួរតែស្វែងរកឱកាសក្នុងការកសាងទំនាក់ទំនងពាណិជ្ជកម្មរវាងប្រទេសទាំងពីរ» ។ ទន្ទឹមនេះ លោក ជុំ សុន្ទរី បានស្នើឲ្យប្រទេសទាំងពីរជំរុញទំនាក់ទំនង និងកិច្ចពិភាក្សាដោយផ្ទាល់ ឬតាមប្រព័ន្ធវីដេអូ ក៏ដូចជាការពិគ្រោះយោបល់ទ្វេភាគីរវាងក្រសួងការបរទេសទាំងពីរ ដែលក្លាយជាវេទិកា ដើម្បីស្វែងរកមធ្យោបាយជំរុញទំនាក់ទំនង និងកិច្ចសហប្រតិបត្តិការលើវិស័យផ្សេងៗ។
លើសពីនេះ លោក ជុំ សុន្ទរី បានស្នើសុំការគាំទ្រពីរដ្ឋាភិបាលរវ៉ាន់ដាសម្រាប់បេក្ខភាពកម្ពុជាជាសមាជិក ECOSOC សម្រាប់អាណត្តិឆ្នាំ២០២៨-២០៣០ ដែលនឹងបោះឆ្នោតនៅខែមិថុនា ឆ្នាំ២០២៧ និងជាសមាជិកគណៈកម្មាធិការកសាងសន្តិភាព (OCPBC) សម្រាប់អាណត្តិឆ្នាំ២០២៥-២០២៦ ដែលនឹងបោះឆ្នោតនៅឆ្នាំ២០២៤ ដោយធ្វើឡើងនៅមហាសន្និបាតអង្គការសហប្រជាជាតិ នៅទីក្រុងញូវយ៉ក។
បើតាមមន្ត្រីជាន់ខ្ពស់ក្រសួងការបរទេសកម្ពុជារូបនេះ កម្ពុជាក៏ចង់ឲ្យប្រទេសទាំងពីររៀបចំប្រារព្ធខួបលើកទី២០ នៃការបង្កើតទំនាក់ទំនងការទូតរវាងកម្ពុជា និងរវ៉ានដា នៅឆ្នាំ២០២៥ ដោយមានការចុះហត្ថលេខាលើកិច្ចព្រមព្រៀងមួយចំនួនផងដែរ៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១២ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ