ព័ត៌មានជាតិ
ការផ្តល់ជូនឧបករណ៍ ETC-OBU ដោយឥតគិតថ្លៃ នឹងត្រូវបញ្ចប់នៅស្អែកនេះហើយ
ការបំពាក់ជូនឧបករណ៍ ETC-OBC ដល់បងប្អូនប្រជាពលរដ្ឋដោយឥតគិតថ្លៃរយៈពេល៣ខែ ពោលគឺរាប់ចាប់ពីថ្ងៃទី១៥ ខែមីនា ដល់ថ្ងៃទី១៥ ខែមិថុនា នឹងត្រូវបញ្ចប់នៅថ្ងៃស្អែកនេះហើយ។ ហេតុនេះ ក្រសួងសាធារណការ ក្រើនរំលឹកជាថ្មីដល់ម្ចាស់យានយន្តទាំងអស់ ដែលមានបំណងចង់បំពាក់ឧបករណ៍ ETC-OBU ត្រូវរួសរាន់នាំយករថយន្ត ភ្ជាប់ជាមួយនឹងឯកសារមួយចំនួន ស្នើរសុំនៅមណ្ឌលផ្តល់សេវាសាធារណៈ ទីស្តីការក្រសួងសាធារណការ និងដឹកជញ្ជូន ឬគ្រប់បណ្តាស្ថានីយបង់ប្រាក់ផ្លូវល្បឿនលឿនទាំង៨ទីតាំង។ នេះបើតាមការឱ្យដឹង ពីក្រសួងសាធារណការ និងដឹកជញ្ជូន។
ក្រសួងសាធារណការ បញ្ជាក់ថា ដើម្បីទទួលយកនូវការបំពាក់ឧបករណ៍ ETC-OBU ដោយឥតគិតថ្លៃ គឺតម្រូវឱ្យនាំយករថយន្តដែលត្រូវបំពាក់ និងឯកសារមួយចំនួនមកជាមួយ ដូចជា អត្តសញ្ញាណប័ណ្ណសញ្ជាតិខ្មែរបណ្ណសម្គាល់យានជំនិះ(កាតគ្រី) និងវិញ្ញាបនបត្រត្រួតពិនិត្យលក្ខណៈបច្ចេកទេសយានជំនិះ(ឆៀក)។
គួរបញ្ជាក់ថា គន្លងអាទិភាព ETC ជាគន្លងជួយសម្រួលក្នុងការចេញចូលដោយមិនរង់ចាំយូរ ពោលគឺអាចធ្វើដំណើរតាមច្រកចេញចូលជាស្វ័យប្រវត្តិ តាមផ្លាកលេខយានយន្ត ដោយគ្រាន់តែបញ្ចូលសមតុល្យសាច់ប្រាក់ ទៅក្នុងផ្លាកលេខសម្គាល់យានយន្តជាមុនប៉ុណ្ណោះ។ សម្រាប់ការបញ្ចូលសមតុល្យនោះទៀតសោត គឺអាចធ្វើបានតាមកម្មវិធីធនាគារក្នុងទូរស័ព្ទដៃ (Mobile Banking) នៃគ្រឹះស្ថានហិរញ្ញវត្ថុ និងធនាគារដៃគូ របស់ក្រសួងសាធារណការ និងដឹកជញ្ជូន ដែលមានគ្រឹះស្ថានដៃគូ ចំនួន៨ រួមមាន៖
១. ធនាគារ ជីបម៉ុង(Chip Mong Bank)
២. ធនាគារ អេស៊ីលីដា(ACLEDA Bank)
៣. ធនាគារវីង(Wing Bank)
៤. ធនាគារ វឌ្ឍនៈ(VATTANAC Bank)
៥. ធនាគារកាណាឌីយ៉ា(Canadia Bank)
៦. លីហួរវេរលុយ (LyHour PayPro)
៧. ធនាគារព្រីនស៍ (PRINCE Bank)
៨. ធនាគារ វឌ្ឍនៈអាស៊ីចំកាត់ (ABA Bank)
បើតាមក្រសួងសាធារណការ បន្ថែមពីលើជម្រើសការប្រើប្រាស់គន្លង ETC បងប្អូនប្រជាពលរដ្ឋក៏អាចជ្រើសរើសយក ការចេញចូលតាមគន្លង ANPR ផងដែរ ដែលតម្រូវឱ្យបញ្ចូលសមតុល្យជាមុនទៅក្នុងផ្លាកលេខដូចគ្នា៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ