ព័ត៌មានអន្ដរជាតិ
កូរ៉េខាងជើង ចំអកឲ្យអាមេរិកថា ទស្សនកិច្ចរបស់លោក Blinken នៅចិនថ្ងៃមុន គឺទៅ “សុំទាន”
នៅថ្ងៃពុធទី២១ខែមិថុនា ប្រទេសកូរ៉េខាងជើង បានរិះគន់ដំណើរទស្សនកិច្ច របស់រដ្ឋមន្ត្រីការបរទេសអាមេរិកលោក Antony Blinken ទៅកាន់ទីក្រុងប៉េកាំងនាពេលថ្មីៗនេះ ថាជា “ដំណើរសុំទាន” ដើម្បីបន្ធូរបន្ថយភាពតានតឹង នៅក្នុងអ្វីដែលខ្លួនហៅថា ជាគោលនយោបាយបរាជ័យ ដើម្បីដាក់សម្ពាធលើប្រទេសចិន។
នៅក្នុងការដោះដូរដ៏សំខាន់បំផុតមួយរវាងសហរដ្ឋអាមេរិកនិងចិន ចាប់តាំងពីប្រធានាធិបតីសហរដ្ឋអាមេរិក ចូ បៃដិន ចូលកាន់តំណែង, លោក Blinken និងប្រធានាធិបតីចិន ស៊ី ជីនពីង បានជួបប្រជុំគ្នាកាលពីថ្ងៃចន្ទទី១៩ខែមិថុនា ហើយបានយល់ព្រមរក្សាស្ថិរភាព កុំឲ្យមានជម្លោះ។
បន្ទាប់ពីកិច្ចប្រជុំនោះ លោក Blinken និយាយថា លោកបានជំរុញប្រទេសចិន លើកទឹកចិត្តកូរ៉េខាងជើង ឲ្យបញ្ឈប់ការបាញ់មីស៊ីល ខណៈទីក្រុងប៉េកាំងមានជំហរតែមួយគត់ នោះគឺជំរុញឲ្យទីក្រុងព្យុងយ៉ាង ចូលរួមក្នុងកិច្ចសន្ទនា។
ទោះបីជាយ៉ាងណាក៏ដោយ នៅក្នុងការអត្ថាធិប្បាយរបស់ទីភ្នាក់ងារសារព័ត៌មានកូរ៉េខាងជើង KCNA, លោក Jong Yong Hak ជាអ្នកវិភាគកិច្ចការអន្តរជាតិ បាននិយាយថា ដំណើរទស្សនកិច្ចដ៏កម្រនេះ គឺមានបំណងសុំឲ្យបន្ធូរបន្ថយភាពតានតឹង ព្រោះការប៉ុនប៉ងណាមួយដើម្បីគាបសង្កត់ និងរារាំងប្រទេសចិន អាចក្លាយជាកាំបិតចិតដងឯងសម្រាប់សេដ្ឋកិច្ចអាមេរិក។
ការអត្ថាធិប្បាយនោះមានខ្លឹមសារថា ដំណើរទស្សនកិច្ចរបស់រដ្ឋមន្ត្រីការបរទេសអាមេរិក នាពេលថ្មីៗនេះ គ្មានអ្វីក្រៅពីដំណើរសុំទានដ៏អាម៉ាស់របស់អ្នកបង្កហេតុ ដែលទទួលស្គាល់បរាជ័យនៃគោលនយោបាយដាក់សម្ពាធលើប្រទេសចិននោះទេ។
ការអត្ថាធិប្បាយនោះនិយាយទៀតថា សហរដ្ឋអាមេរិកទទួលខុសត្រូវចំពោះការបង្កើនភាពតានតឹងក្នុងតំបន់ ជាមួយនឹងប្លុកប្រឆាំងចិន ដូចជា QUAD និង AUKUS ជាដើម។
គួរបញ្ជាក់ជាថ្មី, លោក Blinken គឺជារដ្ឋមន្ត្រីការបរទេសអាមេរិកដំបូងគេ ដែលបានជួបលោក ស៊ី ចាប់តាំងពីឆ្នាំ២០១៨មក ខណៈដំបូងឡើយ លោក Blinken គ្រោងនឹងទៅទីក្រុងប៉េកាំងនៅដើមខែកុម្ភៈ ប៉ុន្តែដំណើរនោះ ត្រូវបានពន្យារពេល ដោយសារតែរឿងអាស្រូវបាឡុងចារកម្ម៕
ប្រែសម្រួល៖ Vann Vann
ប្រភព៖ CNA
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង