សុខភាព

គុណវិបត្តិ ៥ យ៉ាង បណ្ដាលមកពីញ៉ាំអាហារលឿនពេក

បានផុស

៩ ខែ មុន

នៅ

ថ្ងៃអាទិត្យ ២៥ មិថុនា ២០២៣

ដោយ

ក្នុងជីវិតសព្វថ្ងៃ អ្វីៗត្រូវប្រញាប់ប្រញាល់ប្រជែងនឹងពេលវេលា។ បន្ថែមពីលើការបរិភោគអាហារសាមញ្ញ មនុស្សមួយចំនួនជារឿយៗត្រូវញ៉ាំអាហាររហ័ស។ ដោយសារតែសេវារហ័ស ដើម្បីយកពេលវេលាទៅធ្វើការ ធ្វើសកម្មភាពផ្សេងទៀត។

យ៉ាងណាមិញ រឿងទាំងអស់នេះក៏បណ្តាលឲ្យមានទម្លាប់នៃការញ៉ាំលឿនដែរ។ ការញ៉ាំលឿនអាចជះឥទ្ធិពលអវិជ្ជមានដល់រាងកាយ តាមរបៀបផ្សេងៗគ្នា ប្រសិនបើអ្នកដឹងហើយ អ្នកនឹងមិនញ៉ាំលឿនទៀតទេ។

ផលវិបាកដែលកើតចេញពី ញ៉ាំលឿនពេក

១ ហើមពោះឬឈឺពោះ

មូលហេតុចម្បងនៃការហើមពោះ ជាធម្មតាគឺអាហារដែលអ្នកញ៉ាំ។ ប្រហែលជាជាមួយនឹងអាហារមួយចំនួនដែលមានប្រតិកម្មជាមួយនឹងប្រព័ន្ធរំលាយអាហាររបស់យើង។ ប៉ុន្តែវារួមបញ្ចូលនូវទម្លាប់នៃការញ៉ាំរបស់យើង។ អ្នកដែលញ៉ាំលឿន ចូលចិត្តជ្រើសរើសអាហារដែលងាយឆ្អែត ឆាប់ឆ្អែត ដូច្នេះហើយពួកគេច្រើនតែជាអាហារដែលសម្បូរដោយម្សៅ ស្ករ សាច់ និងខ្លាញ់ ដែលធ្វើឲ្យពិបាករំលាយ និងការរំលាយអាហារនៅពេលក្រោយ។

២ ខ្លាញ់ក្បាលពោះឬឆាប់ធាត់

បើមិនជឿ ត្រូវតែជឿថា អ្នកដែលញ៉ាំលឿន នឹងមានហានិភ័យនៃការធាត់ជាងអ្នកដែលញ៉ាំក្នុងល្បឿនធម្មតា ឬញ៉ាំយឺតៗ ជាង ៧០% នៃអ្នកធាត់ ឬអ្នកដែលហៀបនឹងធាត់ មានទម្លាប់ញ៉ាំលឿន ព្រោះមនុស្សភាគច្រើនដែលញ៉ាំលឿនច្រើនតែជាអ្នកដែលមិនទំពាឲ្យបានហ្មត់ចត់។ ហើយលេបចូលក្នុងក្រពះយ៉ាងលឿន។ ពេលអាហារដល់ក្រពះ ពេលខ្លះយើងអាចនឹងញ៉ាំច្រើនជាងធម្មតា ដើម្បីញ៉ាំឲ្យបានឆ្អែត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

៣ ជំងឺទឹកនោមផ្អែម

កាន់តែគួរឲ្យភ័យខ្លាចបន្តិចជាមួយនឹងហានិភ័យនៃជំងឺទឹកនោមផ្អែម ដែលគ្មាននរណាម្នាក់ចង់បានឡើយ។ ការញ៉ាំលឿនដោយមិនទំពារអាហារឲ្យបានហ្មត់ចត់ បង្កើនហានិភ័យនៃជំងឺទឹកនោមផ្អែមប្រភេទទី ២។ យោងតាមការសិក្សាពីសាកលវិទ្យាល័យ Lithuanian University of Health Sciences អ្នកញ៉ាំលឿនទំនងជាវិវត្តទៅជាជំងឺទឹកនោមផ្អែមប្រភេទ ២ ច្រើនជាងអ្នកញ៉ាំលឿនធម្មតា ២.៥ ដង។

៤ ជំងឺក្រពះ / ការច្រាលអាស៊ីត / មហារីកក្រពះ

អ្នកដែលញ៉ាំលឿនទំនងជាមិនទំពារបានត្រឹមត្រូវ នៅពេលដែលភាគល្អិតអាហារត្រូវបានបញ្ជូនទៅក្រពះដោយបំណែកធំពេក ក្រពះបញ្ចេញទឹកក្រពះកាន់តែច្រើន និងកំហាប់អាស៊ីតខ្ពស់។ នេះអាចជាមូលហេតុនៃជំងឺក្រពះ និងការចាល់អាស៊ីតនៅពេលអនាគត លើសពីនេះទៀតប្រសិនបើរោគសញ្ញាកាន់តែធ្ងន់ធ្ងរ ក៏អាចប្រឈមនឹងជំងឺមហារីកក្រពះផងដែរ។

៥ ការពុលអាហារ

៥-១០% នៃការពុលអាហារអាចកំណត់អត្តសញ្ញាណបានតាមរូបរាង រសជាតិ និងក្លិន។ ប៉ុន្តែអ្នកដែលញ៉ាំលឿននឹងស្គាល់រសជាតិ និងក្លិនអាហារតិចជាងមនុស្សធម្មតា (ព្រោះតែប្រញាប់ញ៉ាំ) ដូច្នេះកាលណាសមត្ថភាពយល់ឃើញទម្រង់ រសជាតិ និងក្លិនក៏តិច ក៏អាចមានហានិភ័យខ្ពស់នៃការពុលអាហារផងដែរ។

ក្រោយដឹងរឿងនេះហើយ សួមទទួលទានអាហារបន្ទាប់ត្រូវទំពារយឺតៗ និងហ្មត់ជាងមុនមុនពេលលេប។ បន្តិចម្តងៗកាន់តែយល់ដឹងអំពីរសជាតិអាហារ ហើយរីករាយនឹងការញ៉ាំកាន់តែច្រើន ដូច្នេះ អ្នកមិនត្រូវរងទុក្ខដោយជំងឺផ្សេងៗ ដែលអាចកើតឡើងនាពេលអនាគត៕

ប្រែសម្រួល៖ សាង ស្រីល័ក្ខ

ចុចអាន៖ការសិក្សា៖ ស្រកត្រឹមតែ ១ភាគរយនៃទម្ងន់ ជួយបន្ថយភាពចាស់នៃខួរក្បាលឲ្យក្មេងជាងវ័យ ៩ ខែ

ចុចអាន៖អត្ថប្រយោជន៍ ១០ យ៉ាងនៃខ្ទឹមស ដែលត្រូវញ៉ាំជារៀងរាល់ថ្ងៃ