កីឡា
គ្រូប្រដាល់ម្នាក់ប្រាប់ថា កុំឲ្យតម្លៃកីឡាករថៃសាមីពេក បន្ទាប់ពីឈ្នះ ឈឿង ល្វៃ
កីឡាករប្រដាល់គុនខ្មែរ និងអ្នកគាំទ្រមួយចំនួននៅមិនសុខស្រួលឡើយចំពោះកីឡាករ សាមី បានចាមេក បន្ទាប់ពីកីឡាករថៃរូបនេះបានផ្តួលម្ចាស់មេដាយមាសស៊ីហ្គេម ឈឿង ល្វៃ ឲ្យសន្លប់ក្នុងទឹកទី១ កាលពីយប់ថ្ងៃអាទិត្យ ទី២៥ ខែមិថុនា ឆ្នាំ២០២៣។
ក្នុងនោះ កីឡាករប្រេស៊ីលសញ្ជាតិខ្មែរ សែន ច័ន្ទឫទ្ធីគុន (Thiago Teixeira) បានប្រកាសជួប សាមី ដើម្បីសងសឹកឲ្យ ឈឿង ល្វៃ។ ជាមួយគ្នានេះក៏ការលើកឡើងជាច្រើនអំពីកីឡាករគុនខ្មែរដែលអាចជួបសាមីបន្ទាប់ ក្នុងនោះមានផេកខ្លះបានលើកឡើងកីឡាករល្បីៗដូចជា រឿង សោភ័ណ្ឌ, ព្រំ សំណាង, ឡៅ ចន្ទ្រា, ធឿន ធារ៉ា និង Thiago ជាដើមដែលសុទ្ធតែកីឡាករលំដាប់ A នៅកម្ពុជា។
ទោះបីជាយ៉ាងណា ការលើកឡើងបែបនេះត្រូវបាន លោក ជា រិទ្ធ គ្រូបង្ហាត់ប្រដាល់ម្នាក់បានបញ្ចេញទស្សនៈផ្ទាល់ខ្លួនថា ៖«គ្រាន់តែកីឡាករធម្មតាម្នាក់របស់គេ ហេតុអីយើងចាំបាច់ប្រមូលកីឡាករកម្រិត A យើងទាំងអស់មកធ្វើអី? ចុះបើចាញ់ទាំងអស់ទៀត តើយើងគិតម៉ិច? បើតាមគំនិតខ្ញុំកុំឲ្យតម្លៃគេពេក ចង់ឈ្នះគេពេក តែយើងកំពុងឲ្យតម្លៃមុយថៃហើយ។ ខ្ញុំគិតថាគេកំពុងសើចយើងហើយមើលទៅ»។
«នេះគ្រាន់តែសាមីម្នាក់ មកអុកឡុកគុនខ្មែរពេញប្រទេស ចុះទម្រាំតែលំដាប់ A គេទៀតនោះ តើយើងនៅណាក្នុងកែវភ្នែកពិភពលោក។ ហើយយើងកម្រិត A យើងឈ្នះកម្រិតខេត្តគេ ក៏មិនសូវមានន័យដែរ។ ដូច រឿង សោភ័ណ្ឌ គួរតែវាយជាមួយសែនឆៃ បានស័ក្តិសម។ នេះគ្រាន់តែជាគំនិតរបស់ខ្ញុំមួយជ្រុងប៉ុណ្ណោះ។ សូមអរគុណ ខុសឬត្រូវសូមអភ័យទោស»។ លោកបានបន្ថែម។
នៅពេលនេះសូមរក្សាភាពស្ងប់ស្ងាត និងសម្ងំបង្កើនសមត្ថភាពឲ្យឈានដល់កម្រិតខ្ពស់ទើបរកពេលវេលាសមរម្យដើម្បីប្រកួត ស្របពេល សាមី អាចនឹងបន្ធូរបន្ថយក្នុងការហ្វឹកហាត់។ នៅពេល សាមី កំពុងតែសម្រុកហ្វឹកហាត់ ហើយសមត្ថភាពកំពុងខ្លាំង ដូច្នេះសូមកុំប្រញាប់ប្រកួតពេក។
ពិតណាស់ កីឡាករ សាមី កំពុងអុកឡុកពិភពប្រដាល់គុនខ្មែរដែលធ្វើឲ្យអ្នកគាំទ្រកម្ពុជាចង់ឃើញអ្នកលេងគុនខ្មែរបំបាក់កីឡាករថៃម្នាក់នេះ។ ចាប់តាំងពីមកប្រកួតនៅកម្ពុជាកាលពីដាច់ឆ្នាំ២០២២មក រូបគេប្រកួតចាញ់២ដងប៉ុណ្ណោះគឺចាញ់ ព្រំ សំណាង ដោយសន្លប់ និងចាញ់ពិន្ទុ ធឿន ធារ៉ា ប៉ុន្តែរូបគេបានផ្តួល ឡៅ ចន្ទ្រា, ធន់ រិទ្ធី, ឈឿង ល្វៃ ពីរដង និងស្មើពិន្ទុ ធឿន ធារ៉ា១ដង៕
អត្ថបទ៖ វីរបុត្រ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង