ព័ត៌មានអន្ដរជាតិ
ពូទីន បង្ហើបពីសកម្មភាពការងារប្រចាំថ្ងៃរបស់លោក
ប្រធានាធិបតីរុស្ស៊ី លោក វ្ល៉ាឌីមៀរ ពូទីន បានបង្ហើបពីសកម្មភាពការងារប្រចាំថ្ងៃរបស់លោកថា លោកផ្ដល់អាទិភាព និងយកចិត្តទុកដាក់យ៉ាងខ្លាំងចំពោះប្រតិបត្តិការសឹក ដែលកំពុងអូសបន្លាយពេលក្នុងប្រទេសអ៊ុយក្រែន នៅម៉ោងធ្វើការប្រចាំថ្ងៃរបស់លោក ។
ថ្លែងជាមួយអ្នកយកព័ត៌មានរុស្ស៊ីក្នុងសប្តាហ៍នេះ លោក ពូទីន បានលើកឡើងថា ការងារប្រចាំថ្ងៃរបស់លោកទាំងចាប់ផ្ដើម និងបញ្ចប់គឺផ្ដោតសំខាន់លើបញ្ហាដែលទាក់ទងនឹងប្រតិបត្តិការសឹកនៅអ៊ុយក្រែន ជាពិសេសតែងតែមានកិច្ចប្រជុំ និងការហៅទូរស័ព្ទទាក់ទងនឹងបញ្ហាលើសមរភូមិ ។
នៅពេលដែលអ្នកសារព័ត៌មាន Rossiya 1 លោក Pavel Zarubin សួរថា តើលោក ពូទីន លះបង់ពេលវេលាប៉ុន្មានដើម្បីតាមដានដំណើរការប្រតិបត្តិការសឹកនៅអ៊ុយក្រែន? លោក ពូទីន បានឆ្លើយនៅក្នុងបទសម្ភាសន៍នោះថា “ពិតណាស់វាជាអាទិភាពទីមួយរបស់ខ្ញុំ ។ ប្រតិបត្តិការសឹកនៅអ៊ុយក្រែន ជាការងារប្រចាំថ្ងៃដែលខ្ញុំចាប់ផ្ដើមមុនគេ ហើយក៏ជាការងារប្រចាំថ្ងៃដែលខ្ញុំត្រូវបញ្ចប់ផងដែរ” ។
ប្រធានាធិបតីរុស្ស៊ីរូបនេះក៏បានលើកឡើងដែរថា លោកចាប់អារម្មណ៍យ៉ាងខ្លាំងចំពោះស្ថានភាពនៅអ៊ុយក្រែន ហើយតែងតែទាក់ទងជាមួយស្ថាប័នយោធា-ឧស្សាហកម្មរបស់រុស្ស៊ី ជាពិសេសលោកបានពិភាក្សាជាញឹកញាប់អំពីបញ្ហានៃការផលិតសព្វាវុធជាមួយប្រធានអ្នកម៉ៅការការពារជាតិរុស្ស៊ីផងដែរ ។
គួរបញ្ជាក់ថា ប្រទេសរុស្ស៊ីបានចាប់ផ្តើមប្រតិបត្តិការសឹកនៅក្នុងប្រទេសអ៊ុយក្រែនកាលពីថ្ងៃទី២៤ ខែកុម្ភៈ ឆ្នាំ២០២២ ដើម្បីឆ្លើយតបទៅនឹងសំណើសុំជំនួយពីសាធារណរដ្ឋប្រជាមានិត Lugansk និង Donetsk ដែលត្រូវបានទទួលរងនូវការបាញ់ផ្លោងយ៉ាងខ្លាំងពីសំណាក់កងកម្លាំងរដ្ឋាភិបាលទីក្រុងកៀវ ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ តើការបះបោរប្រដាប់អាវុធនៅ រុស្ស៊ី ជាសេណារីយ៉ូរៀបចំឡើងដោយលោក ពូទីន ឬយ៉ាងណា?
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង