ព័ត៍មានទាន់​ហេតុការណ៏
Search

បេសកជន​ សហរដ្ឋ​អាមេ​រិ​កអម​សហប្រជាជាតិ ​៖ សហរដ្ឋ​អាមេ​រិ​ក​គាំទ្រ​ឲ្យ​មាន​ដំណោះស្រាយ​រដ្ឋ​ពីរ​អ៊ី​ស្រា​អែល​-​ប៉ា​ឡេ​ស្ទី​ន​

ឯកអគ្គរដ្ឋទូត​សហរដ្ឋ​អា​មេ​រិ​ក លោកស្រី Nikki Haley បាន​មានប្រសាសន៍​កាលពី​ថ្ងៃ​ព្រហស្បតិ៍​ថា សហរដ្ឋ​អា​មេ​រិ​ក​គាំទ្រ​ដាច់ខាត ឲ្យ​មាន​ដំណោះស្រាយ​រដ្ឋ​ពីរ​មួយ​ចំពោះ​ជម្លោះ​អ៊ី​ស្រា​អែល​-​ប៉ា​ឡេ​ស្ទី​ន ​និង ​ចំពោះ​នរណាម្នាក់​ដែល​គិតថា ​វា​មិនមែនជា​កំហុស​ភ័ន្តច្រឡំ​។

ប៉ុន្តែ​បេសកជន​ថ្មី​អម​អង្គការ​សហប្រជាជាតិ​របស់​រដ្ឋការ​លោក ត្រាំ​វិញ បាន​ប្រាប់​អ្នកយកព័ត៌មាន​ថា យើង​កំពុងតែ​គិត​ចេញពី​ប្រអប់​នោះ​មក​ដែល​នោះ គឺ​អ្វី​ទៅ​ដែល​នាំ​យក​ភាគី​ទាំងពីរ​នេះ​ឲ្យ​មក​រួម​តុ​ជាមួយគ្នា​? អ្វី​ដែល​យើង​ត្រូវការ​ចាំបាច់​ដើម្បី​ឲ្យ​ភាគី ទាំងនេះ ព្រមព្រៀង​ទទួលយក​?

​ការអធិប្បាយ​របស់លោក​ស្រី Haley វា​ស្ថិតនៅ​ឆ្ងាយ​ពោរពេញ​ទៅដោយ​អានុភាព​នៅក្នុង​ការគាំទ្រ នូវ​ដំណោះស្រាយ​ឲ្យ​មាន​រដ្ឋ​ពីរ​លើសពី ការលើក​យកមក​និយាយ​ដោយ​លោក​ប្រធានាធិបតី ដូ​ណា​ល់​ត្រាំ កាលពី​ថ្ងៃ​ពុធ​នោះ​។ លោក​បាន​លើកឡើងថា ខ្ញុំ​កំពុងតែ​សំឡឹង​មើលទៅ​រដ្ឋ​ពីរ​និង​រដ្ឋ​មួយ ហើយ​ខ្ញុំ​ពេញចិត្ត​ឲ្យ​មាន​រដ្ឋ​តែមួយ​ដែល​ភាគី​ទាំងពីរ​ពេញចិត្ត​។ ខ្ញុំ​អាច​រួមរស់​តែ​ជាមួយ​រដ្ឋ​មួយ​។​
​ ​លោកស្រី Haley បាន​មានប្រសាសន៍ថា ដំណោះ ស្រាយ​ចំពោះ​ជម្លោះ គឺ​កើតមានឡើង​ពី​ពលរដ្ឋ​អ៊ី​ស្រា​អែល​និង​ប៉ាឡេ​ស្ទី​ន ប៉ុន្តែ​លោកស្រី​បាន​មានប្រសាសន៍​ប៉ុន្មាន​ដង​រួចទៅហើយ ហើយ​បាន​ទាំង​សង្កត់ធ្ងន់​ទៀតថា ដាច់ខាត​យើង​គាំទ្រ​ឲ្យ​មាន​ដំណោះស្រាយ​រដ្ឋ​ពីរ។

​តាំង​ពី​ព្រឹក​ថ្ងៃ​ព្រហស្បតិ៍​មក សហប្រជាជាតិ​និង​ក្រុម​ប្រទេស Arab League បានចេញ​សេច​ក្តី ប្រកាស​ព័ត៌មាន​រួម​នៅ​ក្នុង​ការ​គាំទ្រ​ឲ្យ​មានការ​បង្កើត​រដ្ឋ​ប៉ាឡេ​ស្ទី​ន ទន្ទឹមគ្នា​នឹង​រដ្ឋ​អ៊ី​ស្រា​អែល​ដោយ​លើក​ឡើង​ថា ដំណោះស្រាយ​រដ្ឋ​ពីរ គឺជា​មធ្យោបាយ​តែ ម្យ៉ាង​គត់​ដើម្បី​ទទួល​បាន​ការយោគយល់​ និង ​ការ​បង្កើតឡើង​ដើម្បី​បុព្វហេតុ​ប៉ាឡេ​ស្ទី​ន​នោះ៕
AP



ប្រសិនបើ លោក លោកស្រីចង់ចែករំលែកនូវព័ត៌មានទាន់ហេតុការណ៍ផ្សេងៗ សូមផ្ញើ អ៊ីម៉ែលមកកាន់អាសយដ្ឋានដូចដែលបានបង្ហាញខាងក្រោម។ សម្រាប់ការផ្សាយពាណិជ្ជកម្មលើគេហទំព័រនេះ សូមទំនាក់ទំនងតាមលេខទូរស័ព្ទៈ 016 877 684